News May 25, 2024
$100 బిలియన్ల క్లబ్‌లోకి ఆదిత్య బిర్లా గ్రూప్
ఆదిత్య బిర్లా గ్రూప్ మార్కెట్ విలువ $100 బిలియన్ల మార్క్ (రూ.8,51,460 కోట్లు) దాటింది. దీంతో టాటా గ్రూప్, అదానీ ఎంటర్‌ప్రైజెస్, రిలయన్స్ తదితర సంస్థల జాబితాలో చేరింది. ఈ గ్రూప్‌కు చెందిన అల్ట్రాటెక్ సిమెంట్, హిందాల్‌కో సహా 12 సంస్థల షేర్లు పుంజుకోవడంతో ఈ ఘనత సాధించింది. మార్కెట్ విలువ దాదాపు 35% అల్ట్రాటెక్ సిమెంట్‌దే కావడం గమనార్హం. ప్రస్తుతం ఈ సంస్థ మార్కెట్ విలువ రూ.2.95లక్షల కోట్లుగా ఉంది.
Similar News
News January 17, 2025
కరుణ్ నాయర్‌ను ప్రశంసించిన సచిన్
విజయ్ హజారే ట్రోఫీలో అదరగొట్టిన విదర్భ కెప్టెన్ కరుణ్ నాయర్‌ను మాస్టర్ బ్లాస్టర్ సచిన్ టెండూల్కర్ ప్రశంసించారు. ‘7 ఇన్నింగ్స్‌లలో కరుణ్ 5 సెంచరీలతో 752 పరుగులు చేయడం సాధారణమైన విషయం కాదు. ఇలాంటి ప్రదర్శనలు ఈజీ కాదు. దీనికోసం ఏకాగ్రత, హార్డ్ వర్క్ అవసరం. ప్రతి అవకాశాన్ని బలంగా వినియోగించుకోండి’ అని ఆయన పేర్కొన్నారు.
News January 17, 2025
SBI ఖాతాదారులకు ALERT
త్వరలోనే ఆండ్రాయిడ్ 11, అంతకంటే తక్కువ వెర్షన్ మొబైల్స్‌లో YONO సేవల్ని నిలిపివేయనున్నట్లు SBI ప్రకటించింది. అలాంటి ఫోన్లు వాడుతున్న వారు ఫిబ్రవరి 28లోపు కొత్త వెర్షన్‌కు అప్‌గ్రేడ్ అవ్వాలని అలర్ట్ సందేశాలు పంపుతోంది. యూజర్ల భద్రతను దృష్టిలో ఉంచుకుని ఈ నిర్ణయం తీసుకున్నట్లు తెలిపింది. పాత వెర్షన్ మొబైల్స్‌ యూజ్ చేస్తున్నవారికి సైబర్ నేరగాళ్ల ముప్పు ఉన్నట్లు సమాచారం.
News January 17, 2025
IPS సునీల్‌కుమార్‌పై విచారణకు ప్రభుత్వం ఆదేశం
AP: సీఐడీ మాజీ చీఫ్, ఐపీఎస్ పీవీ సునీల్ కుమార్‌పై విచారణకు స్పెషల్ అథారిటీని ప్రభుత్వం ఏర్పాటుచేసింది. ఇందులో రెవెన్యూ శాఖ ప్రత్యేక ప్రధాన కార్యదర్శి ఆర్పీ సిసోడియా, విజిలెన్స్ డీజీ హరీశ్ కుమార్ గుప్తాలను నియమిస్తూ ఉత్తర్వులిచ్చింది. సునీల్ అధికార దుర్వినియోగానికి పాల్పడ్డారనే అభియోగాలపై వీరు దర్యాప్తు చేసి నివేదిక సమర్పించనున్నారు.