News May 29, 2024
రాత్రంతా మేల్కొని చదవడం మంచిదేనా?
అర్థరాత్రి వరకూ మేల్కొని చదవడం మంచిది కాదని వైద్యులు చెబుతున్నారు. అర్ధరాత్రి 12 దాటి, తె.2,3గంటల వరకూ మేల్కొని ఉండటం వల్ల ఏకాగ్రత దెబ్బతింటుందని, పరీక్షల్లో తప్పులు ఎక్కువగా చేసే ఛాన్స్ ఉందని అంటున్నారు. రాత్రిళ్లు సరిపడా నిద్రపోతే జ్ఞాపకశక్తి మెరుగుపడుతుందని, ఒత్తిడి తగ్గుతుందని పేర్కొంటున్నారు. విద్యార్థులు ఎంత తక్కువ నిద్రపోతారో, వారి స్కోర్లు అంత అధ్వాన్నంగా ఉంటాయని పలు అధ్యయనాల్లో తేలిందట.
Similar News
News January 19, 2025
వచ్చే నెల 12 నుంచి మినీ మేడారం
TG: మేడారంలో ప్రతి రెండేళ్లకోసారి సమ్మక్క సారలమ్మ జాతర జరుగుతుందనే సంగతి తెలిసిందే. అయితే మరుసటి ఏడాది నిర్వహించే మండమెలిగె పండుగను మినీ మేడారంగా భక్తులు పిలుస్తారు. వచ్చే నెల 12 నుంచి 15 వరకు ఈ జాతర జరగనుంది. దీని కోసం రూ.32 కోట్లతో అధికారులు అభివృద్ధి పనులు చేపట్టారు. సుమారు 20 లక్షల మంది భక్తులు వస్తారని అంచనా వేస్తున్నారు.
News January 19, 2025
బడ్జెట్ సమావేశాల్లో కొత్త ఆదాయపు పన్ను చట్టం!
వచ్చే బడ్జెట్ సమావేశాల్లో కేంద్ర ఆర్థిక మంత్రి నిర్మలా సీతారామన్ కొత్త ఆదాయపు పన్ను బిల్లును ప్రవేశపెట్టనున్నారు. ఆదాయపు పన్ను చట్టం-1961 స్థానంలో తేలిగ్గా అర్థం చేసుకునే విధంగా ఈ ప్రతిపాదిత బిల్లు ఉండనుంది. ప్రస్తుత చట్టంలో 298 సెక్షన్లు, 23 చాప్టర్లు ఉన్నాయి. కాగా పార్లమెంట్ బడ్జెట్ సమావేశాలు జనవరి 31 నుంచి ఏప్రిల్ 4 వరకు జరగనున్నాయి.
News January 19, 2025
ఉదయాన్నే గోరువెచ్చటి నీళ్లు తాగితే..
ఉదయాన్నే ఖాళీ కడుపుతో గోరువెచ్చని నీళ్లు తాగితే ఎన్నో ప్రయోజనాలు ఉంటాయని ఆరోగ్య నిపుణులు చెబుతున్నారు. రక్తనాళాలు చురుగ్గా మారి రక్త ప్రసరణ వ్యవస్థ వేగవంతం అవుతుంది. గొంతు నొప్పి, జలుబు, దగ్గు, కఫం సమస్యలు తొలగిపోతాయి. ఆహారం తొందరగా జీర్ణం అవుతుంది. మలవిసర్జన సాఫీగా జరుగుతుంది. బరువు తగ్గుతారు. శరీరంలోని మలినాలు బయటకు వెళ్లి చర్మంపై ముడతలు తగ్గుతాయి.
SHARE IT