News June 5, 2024
ఫలితాలపై సీఎం రేవంత్ కీలక వ్యాఖ్యలు
TG: లోక్‌సభ ఎన్నికల్లో రాష్ట్రంలో కాంగ్రెస్‌కు మంచి ఫలితాలు వచ్చాయని సీఎం రేవంత్ రెడ్డి అన్నారు. రాహుల్ జోడో యాత్రతో దేశంలో కాంగ్రెస్ పరిస్థితి మారిందని మీడియా సమావేశంలో చెప్పారు. 2019లో రాష్ట్రంలో కాంగ్రెస్ 3 సీట్లు గెలిస్తే, ప్రస్తుతం 8 గెలిచామని చెప్పారు. 100 రోజుల పాలన తర్వాత కాంగ్రెస్‌కు 41 శాతం ఓట్లు వచ్చాయని వెల్లడించారు. BJPని గెలిపించేందుకు బీఆర్ఎస్ ఆత్మబలిదానం చేసుకుందని దుయ్యబట్టారు.
Similar News
News November 28, 2024
ఇన్‌స్టాగ్రామ్‌లో సరికొత్త ఫీచర్!
యూజర్ల సౌలభ్యం కోసం ఇన్‌స్టాగ్రామ్ సరికొత్త ఫీచర్‌ను అందుబాటులోకి తీసుకొచ్చింది. వాట్సాప్ తరహాలో IGలోనూ లొకేషన్‌ను షేర్ చేసుకోవచ్చు. ఇందుకోసం యూజర్లు చాట్‌లోకి వెళ్లిన తర్వాత మెనూబార్‌లో లొకేషన్ ఆప్షన్‌ను ఎంచుకోవాలి. కరెంట్ లొకేషన్‌తో పాటు గంటపాటు లైవ్ లొకేషన్‌నూ షేర్ చేసుకోవచ్చు. అయితే ఈ ఆప్షన్ ప్రస్తుతం కొన్ని దేశాలకే పరిమితం చేసినట్లు మెటా సంస్థ పేర్కొంది. త్వరలో మిగిలిన దేశాలకూ విస్తరించనుంది.
News November 28, 2024
మహారాష్ట్ర CM ఎంపికపై నేడు కీలక భేటీ
మహారాష్ట్ర CM ఎవరనే ప్రశ్నకు నేడు సమాధానం దొరికే అవకాశముంది. ఢిల్లీలో BJP అగ్రనేతలతో ఫడణవీస్, శిండే, అజిత్ పవార్ భేటీ కానున్నారు. CM ఎవరన్నది ‘మహాయుతి’ నేతలు ఈ మీటింగ్‌లో ఫైనల్ చేయనున్నట్లు సమాచారం. CM, ఇద్దరు dy.CMలు ఉండే అవకాశముందని తెలుస్తోంది. ఎక్కువ శాతం BJPనే పదవి వరించే ఛాన్స్ ఉందని రాజకీయ విశ్లేషకులు చెబుతున్నారు. 23న ఎన్నికల ఫలితాలు రాగా, 5 రోజులుగా సీఎం ఎవరనే ఉత్కంఠ కొనసాగుతూనే ఉంది.
News November 28, 2024
వాలంటీర్లకు మరో షాక్
AP: ఉద్యోగ భద్రత కల్పించాలని, రూ.10వేల జీతం పెంచాలని 5 నెలలుగా ఆందోళన చేస్తున్న వాలంటీర్లకు మరో షాక్ తగిలింది. గ్రామ, వార్డు సచివాలయ శాఖకు సంబంధించిన మొబైల్ యాప్‌లో వాలంటీర్లు హాజరువేసుకునే ఆప్షన్‌ను అధికారులు తొలగించారు. వారం కిందటి వరకు ఈ సదుపాయం ఉండగా మంత్రి వీరాంజనేయస్వామి వాలంటీర్లు వ్యవస్థలో లేరని ప్రకటించాక పూర్తిగా ఆప్షన్‌ను తీసేసినట్లు ఆ సంఘం ప్రతినిధులు తెలిపారు.