News June 12, 2024
ధర్మవరం ప్రజలకు రుణపడి ఉంటా: సత్యకుమార్ యాదవ్
AP: బీజేపీలో కష్టపడి పనిచేసే సామాన్య కార్యకర్తలకు ఎప్పుడూ గుర్తింపు లభిస్తుందని మంత్రి సత్యకుమార్ యాదవ్ తెలిపారు. ‘ఎమ్మెల్యేగా గెలిచిన తొలిసారే మంత్రిగా అవకాశం కల్పించిన ప్రధాని మోదీ, అమిత్ షా, జేపీ నడ్డా, సీఎం చంద్రబాబుకి ధన్యవాదాలు. నాపై నమ్మకం ఉంచిన పార్టీ నాయకత్వానికి, నన్ను ఆదరించిన ధర్మవరం ప్రజలకు రుణపడి ఉంటా. ఎన్నికల హామీలను అమలు చేసేందుకు శక్తివంచన లేకుండా కృషి చేస్తా’ అని ట్వీట్ చేశారు.
Similar News
News January 31, 2025
అమెరికా ప్రమాద ఘటనపై పీఎం మోదీ దిగ్భ్రాంతి
అమెరికాలోని వాషింగ్టన్ డీసీలో హెలికాప్టర్, విమానం ఢీకొన్న ఘోర దుర్ఘటనపై ప్రధాని మోదీ దిగ్భ్రాంతి వ్యక్తం చేశారు. మృతులు, క్షతగాత్రుల కుటుంబాలకు సంతాపాన్ని తెలియచేశారు. ఈ కష్టకాలంలో భారత్ అమెరికా ప్రజలకు అండగా ఉంటుందని పేర్కొన్నారు. అమెరికా <<15316044>>ఆర్మీ హెలికాప్టర్, విమానం ఢీకొన్న ఘటనలో<<>> 67మంది కన్నుమూసిన సంగతి తెలిసిందే.
News January 31, 2025
BREAKING: భారీగా పెరిగిన బంగారం ధరలు
హైదరాబాద్ బులియన్ మార్కెట్‌లో బంగారం, వెండి ధరలు ఇవాళ భారీగా పెరిగాయి. 22 క్యారెట్ల 10 గ్రాముల గోల్డ్ రేటు రూ.1,200 పెరిగి రూ.77,300లకు చేరింది. 24 క్యారెట్ల 10 గ్రాముల పసిడి ధర రూ.1,310 పెరగడంతో రూ.84,330 పలుకుతోంది. ఇటీవల కాలంలో ఈ స్థాయిలో రేటు పెరగడం ఇదే తొలిసారి. ఇక కేజీ సిల్వర్ రేటు రూ.1,000 పెరిగి రూ.1,07,000లకు చేరింది. తెలుగు రాష్ట్రాల్లోని ప్రధాన నగరాల్లో దాదాపు ఇవే ధరలు ఉన్నాయి.
News January 31, 2025
ఆ పోస్టులకు ఎత్తు నుంచి మినహాయింపు
AP: RTCలో 2016-19 మధ్యకాలంలో చనిపోయిన 16మంది కండక్టర్ల కుటుంబాల నుంచి కారుణ్య నియామకాల కింద నియమితులవనున్న అభ్యర్థులకు సర్కారు గుడ్ న్యూస్ చెప్పింది. వారికి ఎత్తు నిబంధనల్లో మినహాయింపునిస్తున్నట్లు ప్రకటించింది. ఈ మేరకు తాజాగా ఉత్తర్వులు జారీ చేసింది. నిబంధనల ప్రకారం 154 సెంటీమీటర్ల ఎత్తు ఉండాల్సి ఉండగా, ఆ ఎత్తు లేనివారిని ఇన్నాళ్లూ కొలువులకు తీసుకోలేదు. తాజా ఉత్తర్వులతో వారందరికీ ఊరట లభించనుంది.