News July 29, 2024
ParisOlympics: మూడో రోజు భారత్ షెడ్యూల్
పారిస్ ఒలింపిక్స్‌లో ఇవాళ బ్యాడ్మింటన్, షూటింగ్, హాకీ, TT, ఆర్చరీ విభాగాల్లో భారత అథ్లెట్లు అదృష్టాన్ని పరీక్షించుకోనున్నారు. షూటింగ్‌లో రమిత(ఉమెన్స్ 10m AR), అర్జున్ బబుతా(మెన్స్ 10m AR) ఫైనల్‌ మ్యాచ్‌లు ఆడనున్నారు. ఇందులో ఏదో ఒక పతకం ఖాయం. బ్యాడ్మింటన్‌లో సాత్విక్-చిరాగ్, అశ్వినీ-తనిషా జోడీ గ్రూప్ స్టేజీలో ప్రత్యర్థులను ఢీకొట్టనున్నారు. ఏ సమయంలో ఏ మ్యాచ్ ఉందో పైన ఫొటోలో చూడొచ్చు.
<<-se>>#Olympics2024<<>>
Similar News
News November 8, 2025
శ్రీవారి సుప్రభాత సేవ ఎలా జరుగుతుందంటే..?
తిరుమల శ్రీవారి ఆలయంలో తొలి సేవ ‘సుప్రభాతం’. ఇది ఉ.3 గంటలకు జరుగుతుంది. స్వామివారిని మేల్కొలిపే దివ్య ఘట్టమిది. పవిత్ర మంత్రాలు, శ్లోకాలు, మధుర నాదాలతో అర్చకులు స్వామివారిని నిదురలేపి, నిత్య కైంకర్యాలకు ఆహ్వానిస్తారు. ఈ సేవతోనే రోజు ప్రారంభమవుతుంది. ఈ సేవకు ఎంపికైన భక్తులకు స్వామివారిని <<17956589>>అతి దగ్గరి నుంచి<<>>(10Ft) దర్శించుకునే మహాభాగ్యం లభిస్తుంది. ☞ మరిన్ని ఆధ్యాత్మిక విశేషాల కోసం <<-se_10013>>భక్తి కేటగిరీ<<>>.
News November 8, 2025
M.T.U 1121.. పచ్చి బియ్యానికి అనుకూలం
ఆంధ్రప్రదేశ్‌లోని ఉమ్మడి పశ్చిమ గోదావరి జిల్లాలో బాగా ప్రాముఖ్యత కలిగి రైతులచే ఎక్కువగా సాగు చేయబడుతున్న రకం M.T.U 1121( శ్రీ ధృతి). దీని పంట కాలం 120-125 రోజులు. గింజ మధ్యస్త సన్నంగా ఉంటుంది. ఇది చేనుపై పడిపోకుండా అగ్గి తెగులును, దోమ పోటును తట్టుకుంటుంది. మిషన్ కోతకు కూడా అనుకూలమైన రకం. గింజ రాలిక తక్కువగా ఉంటుంది. పచ్చి బియ్యానికి ఈ రకం అనుకూలం. దిగుబడి ఎకరాకు సుమారు 3.5 టన్నులుగా ఉంటుంది.
News November 8, 2025
‘అలిపిరి’ అంటే అర్థం మీకు తెలుసా?
తిరుపతి నుంచి తిరుమల శ్రీవారి ఆలయానికి కాలినడకన వెళ్లడానికి తొలి ప్రవేశ మార్గం ‘అలిపిరి’. సోపానమార్గంలో కనిపించే తొలి ప్రదేశం ఇదే. ఈ అలిపిరిని కొందరు ‘అడిప్పడి’ అని అంటారు. అడి అంటే అడుగున ఉన్న భాగం. పడి అంటే మెట్టు. తిరుమల కొండకు అడుగున ఉన్న పడికట్టు ప్రదేశమే ఇది. కొందరు దీన్ని అడిప్పుళి అని కూడా అంటారు. పుళి అంటే చింత చెట్టు. అడుగు భాగాన కనిపించే చింతచెట్టు ప్రదేశమని దీని భావం. <<-se>>#VINAROBHAGYAMU<<>>