News August 5, 2024
దేవరపై ఫ్యాన్ కామెంట్.. రామజోగయ్య శాస్త్రి కౌంటర్
ఈ రోజు సాయంత్రం 5.04 గంటలకు దేవర మూవీ నుంచి ‘చుట్టమల్లె’ పాట విడుదల కానుంది. ఎన్టీఆర్కు ఇలాంటి పాట వచ్చి చాలాకాలమైందని గీత రచయిత రామజోగయ్య శాస్త్రి ట్విటర్లో పేర్కొనగా ఓ నెటిజన్ ఆయనకు స్వీట్ వార్నింగ్ ఇచ్చాడు. ‘ఇంత హైప్ ఇస్తున్నారు. అంతలా లేకపోతే మీకు ఉంటుంది సార్’ అని హెచ్చరించాడు. దానిపై శాస్త్రి స్పందించారు. ‘హైప్ కాదు నిజం. సాయంత్రం మళ్లీ చెప్పు, ఇక్కడే ఉంటా’ అని అతడికి కౌంటర్ ఇచ్చారు.
Similar News
News March 12, 2026
నానుడి.. ‘ధృతరాష్ట్ర కౌగిలి’ అంటే ఏమిటి?
పైకి ప్రేమ నటిస్తూ లోపల ద్వేషంతో అవతలి వ్యక్తిని నాశనం చేయాలని ఇచ్చే కౌగిలింతను ‘ధృతరాష్ట్ర కౌగిలి’ అంటారు. భారతంలో ధృతరాష్ట్రుడు పుట్టుగుడ్డి అయినా బలవంతుడు. కురుక్షేత్ర యుద్ధం తర్వాత ఆశీర్వాదం కోసం పాండవులు వస్తారు. తన 100 మంది కొడుకులనూ చంపిన భీముడిని నలిపి చంపాలని ఆయన ప్రయత్నించగా కృష్ణుడు ఇనుప విగ్రహాన్ని ఉంచి కాపాడతారు. మీ జీవితంలో ధృతరాష్ట్ర కౌగిలి ఇచ్చేవారెవరో కామెంట్.
<<-se>>#EPICSAYINGS<<>>
News March 12, 2026
క్రాష్ కంటిన్యూ.. 800 పాయింట్ల నష్టంతో సెన్సెక్స్ క్లోజ్
దేశీయ స్టాక్ మార్కెట్లు భారీ నష్టాలతో ముగిశాయి. సెన్సెక్స్ 829 పాయింట్లు కోల్పోయి 76,034కు చేరగా.. నిఫ్టీ 227 పాయింట్ల నష్టంతో 23,639 వద్ద సెటిల్ అయింది. సెన్సెక్స్ టాప్ 30 సూచీలో NTPC, టెక్ మహీంద్రా, పవర్గ్రిడ్, HCL టెక్ మినహా ఇతర సూచీలన్నీ నష్టాలతోనే ముగిశాయి. క్రూడ్ ఆయిల్ ధరల హైక్, భారత్ సహా 16 దేశాలపై ట్రేడ్ దర్యాప్తుకు ట్రంప్ ఆదేశించడం, FII సెల్లింగ్, రూపీ క్షీణత సూచీలపై ప్రభావం చూపించింది.
News March 12, 2026
సచిన్ను తప్పించాలనుకున్నాం: మాజీ సెలక్టర్
‘సచిన్ మీ ప్లాన్స్ ఏంటి? మిమ్మల్ని తప్పించి వేరే ప్లేయర్ను తీసుకోవాలనుకుంటున్నాం’ అని చెప్పగానే టెండూల్కర్ షాకయ్యారని మాజీ చీఫ్ సెలక్టర్ సందీప్ పాటిల్ తెలిపారు. ‘మీరు సీరియస్గానే అంటున్నారా?’ అని సచిన్ తిరిగి ప్రశ్నించగా అవునని సమాధానం ఇచ్చానని గుర్తుచేసుకున్నారు. నిజానికి సచిన్ మరికొంత కాలం ఆడాలనుకున్నారని చెప్పారు. 2013లో రిటైర్మెంట్కు ముందు జరిగిన ఘటనలను పాటిల్ ఓ ఇంటర్వ్యూలో వివరించారు.