News August 20, 2024
మహిళా ప్రయాణికులకు ‘ఇండిగో’ గుడ్ న్యూస్
భారతదేశపు అతిపెద్ద బడ్జెట్ ఎయిర్‌లైన్ ‘ఇండిగో’ మహిళా ప్రయాణికుల సౌకర్యార్థం కీలక నిర్ణయం తీసుకుంది. సీట్ బుకింగ్ చేసే సమయంలో వారి సీటు పక్కన మగ ప్రయాణికులుంటే ముందే తెలియజేయనుంది. దీంతో పింక్ రంగులో ఉన్న సీట్లను ఎంపిక చేసుకునే అవకాశాన్ని మహిళలకు అందించనుంది. ఇది కేవలం మహిళా ప్రయాణికులకు మాత్రమే కనిపిస్తుంది. బుకింగ్ సమయంలో ప్రయాణికులు జెండర్‌ను తెలియజేయాలి. మే నుంచి దీనిపై ట్రయల్స్ నడుస్తున్నాయి.
Similar News
News January 23, 2025
Stock Markets: ఐటీ షేర్ల దూకుడు
మోస్తరు నష్టాల్లో మొదలైన స్టాక్‌మార్కెట్లు ప్రస్తుతం రేంజుబౌండ్లో కొనసాగుతున్నాయి. నిఫ్టీ 23,156 (-2), సెన్సెక్స్ 76,448 (48) వద్ద ట్రేడవుతున్నాయి. ఐటీ, మీడియా, ఫార్మా, ఆటో షేర్లకు డిమాండ్ కనిపిస్తోంది. FMCG, ఫైనాన్స్, బ్యాంకు, మెటల్ షేర్లపై సెల్లింగ్ ప్రెజర్ నెలకొంది. విప్రో, అల్ట్రాటెక్, ట్రెంట్, M&M, టెక్M టాప్ గెయినర్స్. HUL, యాక్సిస్ బ్యాంకు, నెస్లేఇండియా, ఎస్బీఐ, BPCL టాప్ లూజర్స్.
News January 23, 2025
బ్యాటింగ్‌కు దిగిన రోహిత్ శర్మ
చాలాకాలం తర్వాత రోహిత్ శర్మ డొమెస్టిక్ క్రికెట్‌లోకి రీఎంట్రీ ఇచ్చారు. J&Kతో జరుగుతున్న రంజీ మ్యాచ్‌లో ఆయన ముంబై తరఫున బరిలోకి దిగారు. కెప్టెన్ రహానే టాస్ గెలిచి బ్యాటింగ్ ఎంచుకున్నారు. దీంతో యశస్వీతో కలిసి రోహిత్ ఓపెనింగ్‌కు వచ్చారు. బోర్డర్-గవాస్కర్ ట్రోఫీలో ఫామ్ లేమితో ఇబ్బందిపడ్డ హిట్ మ్యాన్ ఈ ట్రోఫీలో ఏమేరకు రాణిస్తారనే దానిపై ఆసక్తి నెలకొంది. కాగా రోహిత్ చివరిసారి 2015లో రంజీ మ్యాచ్ ఆడారు.
News January 23, 2025
వారికి ప్రైవేట్ స్కూళ్లలో ఉచితంగా సీట్లు!
TG: వచ్చే ఏడాది నుంచి ప్రైవేట్ బడుల్లో 25% సీట్లు పేద విద్యార్థులకు కేటాయించేందుకు ప్రభుత్వం కసరత్తు చేస్తోంది. ఈ విషయాన్ని ఇప్పటికే హైకోర్టుకు తెలుపగా, ఎలా అమలు చేయాలనేదానిపై ఉన్నతాధికారులు సమాలోచనలు చేస్తున్నారు. దేశంలో 2009లో తీసుకొచ్చిన విద్యాహక్కు చట్టం ప్రకారం ప్రీ ప్రైమరీ, ఒకటో తరగతిలో 25% సీట్లు పేదలకు ఇవ్వాల్సి ఉంటుంది. దేశంలో TGతో పాటు మరో 6 రాష్ట్రాలు మాత్రమే దీనిని అమలు చేయడం లేదు.