News August 27, 2024
సలకం చెరువును పరిశీలించిన హైడ్రా అధికారులు
TG: హైదరాబాద్ చాంద్రాయణగుట్టలోని సలకం చెరువును హైడ్రా అధికారులు పరిశీలించారు. చెరువును ఆక్రమించి నిర్మాణాలు చేపట్టారని ఆరోపణలు రావడంతో అధికారులు అక్కడికి వెళ్లారు. మరోవైపు ఆ ఆక్రమణలు తొలగించాలని GHMC బీజేపీ కార్పొరేటర్లు హైడ్రాకు ఫిర్యాదు చేశారు. నిబంధనలకు విరుద్ధంగా అసదుద్దీన్, అక్బరుద్దీన్ ఒవైసీలు చెరువులో ఫాతిమా కాలేజీని నిర్మించారని పేర్కొన్నారు.
Similar News
News January 27, 2026
మున్సిపల్ ఎన్నికల షెడ్యూల్ విడుదల
TG: రాష్ట్రంలో మున్సిపల్ ఎన్నికల షెడ్యూల్ విడుదలైంది. 7 కార్పొరేషన్లు, 116 మున్సిపాలిటీలలో ఎన్నికలు జరగనున్నాయి. రేపటి నుంచి ఈనెల 30 వరకు నామినేషన్లను స్వీకరించనున్నారు. ఉపసంహరణకు FEB 3 వరకు అవకాశం ఉంటుంది. FEB 11న పోలింగ్, 13న కౌంటింగ్, ఫలితాలు వెల్లడి కానున్నాయి. మొత్తంగా 52.43 లక్షల మంది ఓటు హక్కు వినియోగించుకోనున్నారు. బ్యాలెట్ పేపర్లతోనే ఎన్నికలు నిర్వహిస్తామని SEC రాణి కుముదిని తెలిపారు.
News January 27, 2026
సరికొత్తగా ఆధార్ యాప్.. సేవలు సులభతరం
ఆధార్ కార్డులో మొబైల్ నంబర్ను ఎక్కడి నుంచైనా, ఎప్పుడైనా ఆధార్ యాప్లో అప్డేట్ చేసుకునే సదుపాయాన్ని UIDAI కల్పించింది. రేపటి నుంచి ఈ సేవలు ప్రారంభం కానున్నాయి. ప్రభుత్వ పథకాలు, సబ్సిడీలు, బ్యాంకింగ్ సేవల కోసం ఆధార్-మొబైల్ నంబర్ లింక్ తప్పనిసరి. అలాగే ట్రావెలింగ్లో ఐడెంటిటీ చెకింగ్స్ వేగంగా పూర్తయ్యేలా ఆధార్ యాప్ కొత్త వెర్షన్ రేపే అందుబాటులోకి రానుంది. దీంతో ఫిజికల్ డాక్యుమెంట్స్ అవసరం ఉండదు.
News January 27, 2026
సూపర్ పోలీస్కి రైల్వే అత్యున్నత పురస్కారం
150 మందికిపైగా పిల్లలను రక్షించిన RPF ఇన్స్పెక్టర్ చందనా సిన్హా తాజాగా భారత రైల్వే అత్యున్నత అతి విశిష్ట రైల్ సేవా పురస్కారాన్ని అందుకున్నారు. ఛత్తీస్గఢ్కు చెందిన చందన 2010లో RPFలో చేరారు. 2024లో భారత రైల్వే ఆపరేషన్ లిటిల్ ఏంజిల్స్లో భాగమయ్యారు. రైళ్లు, రైల్వే స్టేషన్ ప్రాంతాల్లో తప్పిపోయిన, అక్రమ రవాణాకు సంబంధించి 152మంది, బచ్పన్ బచావో సమితితో కలిసి మరో 41మంది పిల్లలను రక్షించారు.