News September 3, 2024

వరద బాధితులకు ఔషధాల పంపిణీ

AP: భారీ వర్షాలు, వరదలకు ప్రజలు అనారోగ్యానికి గురికాకుండా ఆరోగ్య శాఖ చర్యలు తీసుకుంటోంది. బాధితులకు 75వేల ఎమర్జెన్సీ మందుల కిట్లు పంపిణీ చేస్తున్నట్లు అధికారులు తెలిపారు. కిట్లలో పారాసిటమాల్, లివో సిట్రెజిన్, డొమిపేరిడోన్, పురోక్సిన్, ORS ప్యాకెట్లు ఉన్నట్లు చెప్పారు. తొలి విడతగా 10వేల కిట్లను అందించినట్లు పేర్కొన్నారు. విజయవాడలోని వైద్య శిబిరాల్లోనూ ఈ కిట్లను అందుబాటులో ఉంచినట్లు వెల్లడించారు.