News September 15, 2024
వెహికల్కు నంబర్ ప్లేట్ లేదని చీటింగ్ కేసు పెడతారా?: హైకోర్టు
TG: నంబర్ ప్లేట్ లేని బైక్ నడిపాడని ఓ వ్యక్తిపై ఐపీసీలోని 420 సెక్షన్ కింద చార్మినార్ పోలీసులు చీటింగ్ కేసు నమోదు చేశారు. దీనిని హైకోర్టు తప్పుపట్టింది. నంబర్ ప్లేట్ లేకుండా వెహికల్ నడిపితే జరిమానా విధించాలని లేదా సంబంధిత సెక్షన్ల కింద కేసు నమోదు చేయాలని సూచించింది. ఈ విషయంలో 420 సెక్షన్ కింద కేసు పెట్టడం చట్ట వ్యతిరేకమని, దీనికి సెక్షన్ 80(A) కూడా వర్తించదని స్పష్టం చేస్తూ కేసును కొట్టివేసింది.
Similar News
News December 28, 2025
సభా సమయం.. వేడెక్కిన రాజకీయం!
TG: రేపటి నుంచి అసెంబ్లీ సమావేశాలు ప్రారంభం కానున్న నేపథ్యంలో నేతల కామెంట్లతో రాజకీయం వేడెక్కింది. సభలో ప్రభుత్వం హుందాగా ప్రవర్తిస్తుందని, ప్రతిపక్షాల అనుమానాలను నివృత్తి చేస్తామని మంత్రి శ్రీధర్ బాబు స్పష్టం చేశారు. అటు ఎన్నిరోజులైనా సభను నడుపుతామని చెప్పే ప్రభుత్వం ఒక్కరోజుతో సమావేశాలు ముగించేస్తుందని మాజీ మంత్రి హరీశ్ రావు విమర్శించారు. కనీసం 15రోజులైనా సభను నడపాలని ఆయన డిమాండ్ చేశారు.
News December 28, 2025
జ్ఞాపకశక్తి తగ్గకుండా ఉండాలంటే?
జ్ఞాపకశక్తి బాగుండాలంటే మెదడుకూ వ్యాయామం అవసరం అంటున్నారు నిపుణులు. దీనికోసం రోజూ ధ్యానం చెయ్యడం, పజిల్స్ నింపడం, పుస్తకపఠనం, సామాజిక కార్యకలాపాల్లో పాల్గొనడం మంచిదని సూచిస్తున్నారు. మెదడును ఎప్పుడూ చురుకుగా ఉండటానికి ప్రయత్నించాలి. దీంతో పాటు రోజూ వ్యాయామం చేయడం వల్ల రక్తప్రసరణ పెరిగి మెదడు పనితీరు బాగుంటుంది. జ్ఞానసంబంధమైన సామర్థ్యం పెరుగుతుందంటున్నారు.
News December 28, 2025
ఇతిహాసాలు క్విజ్ – 110 సమాధానం
ఈరోజు ప్రశ్న: కర్ణుడి అసలు పేరేంటి? ఆయనకు ఆ పేరు ఎలా వచ్చింది? ఆ తర్వాత కర్ణుడిలా ఎందుకు మారింది?
సమాధానం: కర్ణుడి అసలు పేరు ‘వసుషేణుడు’. అతను జన్మతః ఒంటిపై బంగారు కవచకుండలాలతో పుట్టడం వల్ల ఆ పేరు వచ్చింది. అయితే ఇంద్రుడు బ్రాహ్మణ రూపంలో వచ్చి అడగగానే తన ప్రాణాలకు రక్షణగా ఉన్న ఆ కవచ కుండలాలను శరీరం నుండి కోసి (కర్తనం చేసి) దానం చేయడం వల్ల, అతనికి ‘కర్ణుడు’ అనే పేరు స్థిరపడింది.
<<-se>>#Ithihasaluquiz<<>>