News October 2, 2024
సనాతన ధర్మం అంటూనే అన్ని వైన్ షాపులా?: MP గురుమూర్తి
APలోనే అత్యధికంగా తిరుపతి జిల్లాకు 227 వైన్ షాపులు కేటాయించడంపై స్థానిక YCP MP గురుమూర్తి మండిపడ్డారు. ‘గౌరవనీయులైన సీఎం, డిప్యూటీ సీఎం గారు.. సనాతన ధర్మ పరిరక్షకులమని చెప్పుకుంటూ తిరుపతి జిల్లాకు ఇన్ని షాపులు కేటాయించడం బాధాకరం. మేము దీనిని తీవ్రంగా ఖండిస్తున్నాం. ఇలాంటి చర్యలు సనాతన ధర్మరక్షణలో ఎట్టి పరిస్థితుల్లో భాగం కాజాలవు. తిరుపతి ప్రజలు ప్రతీ విషయం గమనిస్తున్నారు’ అని Xలో రాసుకొచ్చారు.
Similar News
News December 21, 2024
ప్రధానికి కృతజ్ఞతలు చెప్పుకోవాలి: పవన్ కళ్యాణ్
AP: తాను కేవలం ఒక రోడ్డు వేయించి వెళ్లిపోనని, 5ఏళ్లు పని చేస్తానని డిప్యూటీ సీఎం పవన్ అన్నారు. అల్లూరి జిల్లా అనంతగిరి (D) బల్లగరువులో పర్యటించిన ఆయన 100 కి.మీ. మేర 120 రోడ్లకు శంకుస్థాపన చేసి మాట్లాడారు. ఇంతకు ముందు 250 మంది ఉంటే కానీ రోడ్లు పడేవి కాదని, కానీ 100 మంది ఉన్నా రోడ్డు వేయాలని PM మోదీ చెప్పడంతో ఈ రోడ్ల నిర్మాణం జరుగుతోందన్నారు. అందుకు ప్రధానికి కృతజ్ఞతలు చెప్పుకోవాలని తెలిపారు.
News December 21, 2024
మరికొన్ని గంటల్లో అద్భుతం
ఈరోజు ఆకాశంలో అద్భుతం జరగనుంది. ఎప్పటిలా కాకుండా ఈరోజు ముందుగానే రాత్రి కానుంది. భూభ్రమణంలో భాగంగా సూర్యుడి చుట్టూ భూమి తిరిగే కక్ష్య దూరం పెరిగి 16గంటల సుదీర్ఘ రాత్రి ఉండనుంది. ఈరోజు ఉదయం 7.10గంటలకు సూర్యుడు ఉదయించగా సూర్యకాంతి దాదాపు 8 గంటలే ఉండనుంది. ఇలా సుదీర్ఘ రాత్రి ఏర్పడే రోజు కనిష్ఠ ఉష్ణోగ్రతలు నమోదయ్యే అవకాశం ఉంది.
News December 21, 2024
పులివెందుల MLAకు జన్మదిన శుభాకాంక్షలు: నాగబాబు
AP: వైసీపీ అధినేత, మాజీ సీఎం జగన్‌కు జనసేన నేత నాగబాబు పుట్టినరోజు శుభాకాంక్షలు తెలిపారు. ‘మాజీ ముఖ్యమంత్రి, ప్రస్తుత పులివెందుల MLA జగన్ మోహన్ రెడ్డి గారికి జన్మదిన శుభాకాంక్షలు. మీరు ఇలాగే పదికాలాల పాటు సంతోషంగా ఉండాలని మనస్ఫూర్తిగా కోరుకుంటున్నా’ అని ‘X’లో పోస్ట్ చేశారు. జగన్‌కు సీఎం చంద్రబాబు సైతం పుట్టినరోజు శుభాకాంక్షలు చెప్పిన విషయం తెలిసిందే.