News October 5, 2024
జెర్రి పడిందన్నది అవాస్తవం.. నమ్మొద్దు: TTD
తిరుమల అన్నప్రసాదంలో జెర్రి కనిపించిందంటూ వస్తున్న ఆరోపణల్ని తిరుమల తిరుపతి దేవస్థానం ఖండించింది. అవి అవాస్తవాలని తేల్చిచెప్పింది. ‘వేలాదిమందికి వడ్డించేందుకు ప్రసాదాన్ని తయారుచేస్తారు. అంత వేడిలో ఓ జెర్రి ఏమాత్రం చెక్కు చెదరకుండా ఉందనడం ఆశ్చర్యకరం. ఇది కావాలని చేసిన చర్యగా భావించాల్సి వస్తోంది. దయచేసి భక్తులు ఇలాంటి వార్తల్ని నమ్మొద్దని టీడీపీ విజ్ఞప్తి చేస్తోంది’ అని ఓ ప్రకటనలో కోరింది.
Similar News
News March 8, 2026
భారత్ దెబ్బకు స్వరం మార్చిన అమెరికా!
ఆయిల్ విషయంలో అమెరికా స్వరం మారింది. రష్యా చమురు కొనేందుకు భారత్కు ‘మినహాయింపు’ ఇస్తున్నామన్న అగ్రరాజ్యం ఇప్పుడు సాఫ్ట్ టోన్ అందుకుంది. భారత్ <<19321716>>ఘాటుగా రిప్లై<<>> ఇవ్వడమే కాకుండా.. గ్లోబల్ మార్కెట్లో రేట్లు పెరిగితే తమ దేశంలోనూ ధరలు పెరుగుతాయన్న భయం అమెరికాను దారిలోకి తెచ్చినట్లుంది! అందుకే ‘మినహాయింపు’ స్థానంలో ‘ఇంధన స్థిరత్వం కోసం పార్ట్నర్స్తో కలిసి పని చేస్తున్నాం’ అని కొత్త రాగం అందుకుంది.
News March 8, 2026
ఏడాదిలో మరో 5 లక్షల మంది మహిళా పారిశ్రామికవేత్తలు: సీఎం
AP: తెలుగు మహిళలు ఏ పని తలపెట్టినా లక్ష్యాన్ని సాధించే వరకు వదిలిపెట్టరని CM CBN కొనియాడారు. అమరావతిలో నిర్వహించిన మహిళా దినోత్సవంలో ఆయన మాట్లాడారు. ‘డ్వాక్రా మహిళల ఉత్పత్తుల కోసం తీసుకొచ్చిన స్వయం బ్రాండ్ను గ్లోబల్ స్థాయికి తీసుకెళ్తా. అప్పులు ఇప్పించే బాధ్యత నాది.. సద్వినియోగం చేసుకోవడం మీ పని. ఇప్పటికే మహిళా పారిశ్రామికవేత్తలు లక్ష దాటారు. ఏడాదిలో మరో 5L మందిని తయారుచేస్తాం’ అని పేర్కొన్నారు.
News March 8, 2026
అమెరికా, గల్ఫ్ దేశాలకు ఉక్రెయిన్ హెల్ప్
ఇరాన్ షాహెద్ డ్రోన్లను అడ్డుకోవడం గల్ఫ్ దేశాలకు తలకు మించిన భారం అవుతోంది. $30వేల విలువైన ఆ డ్రోన్ను నేలకూల్చేందుకు $3.7 మి. <<19293310>>ఖర్చు<<>> చేయాల్సి వస్తోంది. అయితే రష్యా తమపై ప్రయోగిస్తున్న షాహెద్ డ్రోన్లను ఉక్రెయిన్ తక్కువ ఖర్చుతో ($1,000-2,000) సొంతంగా తయారు చేసుకున్న డ్రోన్లతో విజయవంతంగా అడ్డుకుంటోంది. దీంతో US, గల్ఫ్ దేశాలు ఉక్రెయిన్ సాయం కోరాయి. వాటిని ఇచ్చేందుకు జెలెన్స్కీ సైతం అంగీకరించారు.