News November 3, 2024
NICLలో 500 ఉద్యోగాలు.. అప్లై చేశారా?
ప్రభుత్వ రంగ సంస్థ నేషనల్ ఇన్సూరెన్స్ కంపెనీ లిమిటెడ్‌లో 500 అసిస్టెంట్ ఉద్యోగాల భర్తీకి దరఖాస్తుల ప్రక్రియ కొనసాగుతోంది. ఏదైనా డిగ్రీ చదివి, 21-30 ఏళ్ల లోపు వారు అర్హులు. ఈ నెల 11లోపు ఆన్‌లైన్‌లో అప్లై చేసుకోవాలి. SC, ST, PWD అభ్యర్థులు రూ.100, ఇతరులు రూ.850 దరఖాస్తు ఫీజు చెల్లించాలి. ఎంపికైన వారు రూ.22,405- రూ.62,265 వరకు జీతం అందుకోవచ్చు. అప్లై లింక్: https://ibpsonline.ibps.in/niclaoct24/
Similar News
News December 27, 2024
మన్మోహన్ చారిత్రక ఆర్థిక సంస్కరణలివే(1/2)
1991 నాటికి దేశం తీవ్ర ఆర్థిక సంక్షోభంలో కూరుకుపోయింది. విదేశీ నిల్వలు అడుగంటిపోయాయి. అప్పులు పెరిగి రూపాయి విలువ తగ్గింది. ఆ సమయంలో ప్రధాని పీవీ నరసింహారావుతో కలిసి ఆర్థిక మంత్రిగా మన్మోహన్ జట్టుకట్టారు. లిబరలైజేషన్(వ్యాపారాలకు నియంత్రణల తొలగింపు), గ్లోబలైజేషన్(విదేశీ పెట్టుబడుల కోసం మల్టీనేషనల్ కంపెనీలకు అనుమతి), ప్రైవేటీకరణ(ప్రభుత్వ రంగ సంస్థల్లో ప్రైవేట్ భాగస్వామ్యం) ప్రోత్సహించారు.
News December 27, 2024
మన్మోహన్ చారిత్రక ఆర్థిక సంస్కరణలివే(2/2)
1991లో ఎగుమతులను ప్రోత్సహించడానికి పరిమితులను కుదించారు. రూపాయి విలువను తగ్గించి విదేశీ మార్కెట్లో IND ఉత్పత్తులకు డిమాండ్ పెంచారు. పారిశ్రామిక వృద్ధికి అడ్డుకట్ట వేసే లైసెన్స్ రాజ్‌ను రద్దు చేశారు. కార్పొరేట్ పన్నులను పెంచారు. వంటగ్యాస్, చక్కెరపై సబ్సిడీలు తగ్గించారు. IMF సాయం పొందటం బంగారాన్ని తాకట్టు పెట్టారు. ఎగుమతి-దిగుమతి నిబంధనలను సరళీకరించారు. ఇలా ఎన్నో విప్లవాత్మక నిర్ణయాలు తీసుకున్నారు.
News December 27, 2024
మన్మోహన్ ఆర్థిక సంస్కరణల ఫలితమిదే(2/2)
1991 ఆర్థిక సంస్కరణ కారణంగా IT, మాన్యుఫాక్చరింగ్, టెలికమ్యూనికేషన్ రంగాల్లో యువతకు భారీగా ఉపాధి దొరికింది. ప్రస్తుతం ఉన్న ఐటీ రంగ వృద్ధికి అప్పటి నిర్ణయాలే పునాదులు. భారత్‌లో పోటీ పెరిగి, వినియోగదారులకు నాణ్యమైన ఉత్పత్తులు తక్కువ ధరలకు అందుబాటులోకి వచ్చాయి. మధ్యతరగతి ఆదాయం పెరిగి, వినియోగం పెరిగింది. FDIలు భారీగా వచ్చాయి. ఆయన సంస్కరణల వల్ల భారతదేశం గ్లోబల్ ఆర్థిక వ్యవస్థలో కీలకంగా మారింది.