News November 17, 2024
కొత్త చిత్రంపై ప్రధాని మోదీ ప్రశంసలు
2002లో జరిగిన గోద్రా రైలు దుర్ఘటనకు దారితీసిన పరిణామాల కథాంశంగా తెరకెక్కిన ‘ది సబర్మతి రిపోర్ట్’ చిత్రాన్ని ప్రధాని మోదీ ప్రశంసించారు. ఈ ఘటన చుట్టూ ఏర్పడిన వివాదాన్ని కొట్టిపారేస్తూ చిత్రంలో నిజాలను వెల్లడించినందుకు అభినందించారు. నకిలీ కథనాలు తక్కువకాలం మాత్రమే మనుగడ సాధించగలవని వ్యాఖ్యానించారు. సామాన్యులు సైతం చూడదగిన పద్ధతిలో నిజాలు బయటకు రావడం శుభపరిణామమని పేర్కొన్నారు.
Similar News
News April 16, 2026
కరోండా జీవకంచెతో అనేక లాభాలున్నాయ్
కరోండా ముళ్లతో నిండి ఉండటం వల్ల పశువులు, మేకలు, అడవి పందులు, కుందేళ్లు ఈ కంచెను దాటలేవు. ఈ మొక్క వేర్లు మట్టిని బలంగా పట్టుకుంటాయి. ఫలితంగా ఇవి నేల కోతను, మృత్తికా క్రమక్షయాన్ని తగ్గిస్తాయి. పంటకు అవసరమైన తేమను నిల్వ ఉంచుతాయి. ఈ పొదల్లో పక్షులు గూళ్లు కట్టుకొని రకరకాల పురుగులను తిని పంటకు మేలు చేస్తాయి. తేనెటీగలు ఈ పూలపై తిరుగుతాయి. వీటి వల్ల పొలాల్లో పరాగసంపర్కం జరిగి పంట దిగుబడి పెరుగుతుంది.
News April 16, 2026
APPLY NOW: BECILలో 28 పోస్టులు
కాంట్రాక్ట్ పద్ధతిలో మెడికల్ ల్యాబ్ టెక్నీషియన్-26, పెర్ఫ్యూషనిస్ట్-2 పోస్టుల భర్తీకి బ్రాడ్కాస్ట్ ఇంజినీరింగ్ కన్సల్టెంట్స్ ఇండియా లిమిటెడ్(BECIL) నోటిఫికేషన్ ఇచ్చింది. BSc(MLT), BSc పెర్ఫ్యూషన్ టెక్నాలజీ సర్టిఫికెట్, ఏడాది ఉద్యోగ అనుభవం, 21-40 ఏళ్ల మధ్య ఉన్నవారు అప్లై చేయొచ్చు. రాత పరీక్ష, ఇంటర్వ్యూతో ఎంపిక ఉంటుంది. దరఖాస్తుకు 27-4-26 చివరి తేదీ. పూర్తి వివరాలకు www.becil.com చూడండి.
News April 16, 2026
క్యాన్సర్తో పోరాడుతూనే 96.6% మార్కులు!
ప్రాణాంతక లింఫోబ్లాస్టిక్ లింఫోమా క్యాన్సర్తో పోరాడుతూనే చదువులోనూ సత్తా చాటాడు ఢిల్లీకి చెందిన ఆరవ్ వాట్స్. CBSE టెన్త్ ఫలితాల్లో ఏకంగా 96.6% మార్కులు సాధించి అందరినీ ఆశ్చర్యపరిచాడు. తీవ్రమైన అనారోగ్యం, కఠినమైన చికిత్సలు తన సంకల్పాన్ని అడ్డుకోలేవని నిరూపించిన ఆరవ్.. నిజమైన యోధుడంటూ నెటిజన్లు ప్రశంసిస్తున్నారు. చావును జయించి, చదువులోనూ రాణించిన అతని ధైర్యం మనందరికీ ఒక గొప్ప పాఠం.