News November 18, 2024
RCBకి కొత్త బౌలింగ్ కోచ్.. స్పెషాలిటీ ఇదే!
IPL2025 కోసం ఓంకార్ సాల్వీని RCB కొత్త బౌలింగ్ కోచ్‌గా ఎంపిక చేసింది. ప్రస్తుతం ఆయన ముంబై రంజీ టీమ్‌ హెడ్‌కోచ్‌గా పనిచేస్తున్నారు. గతంలో KKR సపోర్ట్ స్టాఫ్‌లోనూ పనిచేశారు. ఆయన కోచింగ్‌లోనే ముంబై గత ఏడాది రంజీ, ఇరానీ ట్రోఫీలను గెలిచింది. వచ్చే ఏడాది దేశవాళీ సీజన్ ముగియగానే ఆయన RCBతో కలుస్తారు. ఆటగాళ్ల సామర్థ్యాన్ని వెలికితీస్తుండటంతో రెండేళ్లుగా డొమెస్టిక్ సర్క్యూట్లో ఆయన పేరు మార్మోగుతోంది.
Similar News
News November 5, 2025
రెండో పెళ్లి రిజిస్టర్ చేయాలంటే మొదటి భార్య వాదన వినాలి: HC
ముస్లిం పర్సనల్ లా ప్రకారం పురుషుడి బహుభార్యత్వానికి అనుమతి ఉంది. అయితే మొదటి భార్య బతికి ఉండగా చేసుకొనే రెండో పెళ్లిని గుర్తించాలంటే అధికారులు కొన్ని నిబంధనలు పాటించాలని కేరళ హైకోర్టు స్పష్టం చేసింది. ఆ పెళ్లిని రిజిస్టర్ చేసే ముందు మొదటి భార్య అంగీకారం ఉందో లేదో పరిగణనలోకి తీసుకోవాలంది. ‘ఇలాంటి సందర్భాల్లో మతాచారాలు సెకండరీ. రాజ్యాంగ హక్కులే సుప్రీం’ అని జస్టిస్ PV కున్హికృష్ణన్ పేర్కొన్నారు.
News November 5, 2025
కార్తీకం: పునర్జన్మను ప్రసాదించే పవిత్ర స్తోత్రాలివే
కార్తీక మాసంలో లక్ష్మీ స్తోత్రం, కనకధార స్తోత్రం, విష్ణు స్తోత్రం పఠించడం వలన విశేషమైన ఫలితాలుంటాయని పండితులు చెబుతున్నారు. ఈ స్తోత్ర పారాయణం ద్వారా శ్రేయస్సు, ఆనందాన్ని పొందుతారని అంటున్నారు. ‘ఈ మాసంలో పద్ధతులను నిష్ఠగా పాటించే భక్తులు మరణానంతరం ఉత్తమ లోకంలో స్థానాన్ని సంపాదించుకుంటారు. పునర్జన్మను పొందుతారు. జీవించి ఉన్నంత కాలం కుటుంబంతో సంతోషకరమైన, సుఖమయమైన జీవితాన్ని గడపవచ్చు’ అంటున్నారు.
News November 5, 2025
రబీలో రాగులు సాగు – ముఖ్య సూచనలు
రాగులును విత్తడానికి ముందు kg విత్తనానికి కార్బండజిమ్ 2గ్రా. లేదా మాంకోజెబ్ 2గ్రాములతో విత్తనశుద్ధి చేయాలి. తేలికపాటి దుక్కిచేసి విత్తనం చల్లి పట్టె తోలాలి. నారుపోసి నాటాలి. 85-90 రోజుల రకాలకు 21 రోజుల మొక్కలను, 105-125 రోజుల పంటకాలం గల రకాలకు 30 రోజుల మొక్కలను నాటాలి. స్వల్పకాల రకాలకు వరుసల మధ్య 15cm, మొక్కల మధ్య 10cm, దీర్ఘకాలిక రకాలకు వరుసల మధ్య 15-20cm, మొక్కల మధ్య 15cm దూరం ఉండేలా విత్తాలి.