News November 20, 2024
భారత్‌లో ఫుట్‌బాల్ మ్యాచ్‌కు మెస్సీ?
2025లో కేరళతో డిఫెండింగ్ ఛాంపియన్ అర్జెంటీనా ఫుట్‌బాల్ టీమ్ 2 మ్యాచ్‌లు ఆడుతుందని ఆ రాష్ట్ర క్రీడలశాఖ మంత్రి అబ్దురహిమాన్ తెలిపారు. ఇందులో ఫుట్‌బాల్ దిగ్గజం లియోనల్ మెస్సీ కూడా ఆడతారని చెప్పారు. ఇప్పటికే ఇందుకు సంబంధించిన చర్చలు జరుపుతున్నామని పేర్కొన్నారు. కాగా కేరళలో ఫుట్‌బాల్‌కు క్రేజ్ ఎక్కువ. భారత్‌లో ఫుట్‌బాల్ ఎక్కువగా ఆడే కొన్ని రాష్ట్రాల్లో ఇదీ ఒకటి. మెస్సీ చివరిగా 2011లో ఇండియాలో ఆడారు.
Similar News
News November 20, 2024
EXIT POLLS: మహారాష్ట్రలో బీజేపీ కూటమికే అధికారం
మహారాష్ట్రలో మహాయుతి కూటమి మళ్లీ అధికారంలోకి వస్తుందని పీపుల్స్ పల్స్ అంచనా వేసింది. బీజేపీ, శివసేన, ఎన్సీపీ నేతృత్వంలోని ఈ కూటమికి 175-196 సీట్లు వస్తాయని తెలిపింది. కాంగ్రెస్, NCP SP, SS UBT నాయకత్వంలోని MVAకు 85-112 సీట్లు వస్తాయని పేర్కొంది. BJPకి 113, శివసేనకు 52, NCPకి 17 సీట్లు సొంతంగా వస్తాయంది. కాంగ్రెస్ 35, శరద్ పవార్ పార్టీకి 35, ఉద్ధవ్ సేనకు 27 సీట్లు వస్తాయని తెలిపింది.
News November 20, 2024
ఒలింపిక్స్ భారత్‌లో ఎక్కడ జరగొచ్చు?
2036 Olympicsకు అతిథ్య‌మిచ్చే అవకాశం భార‌త్‌కు ద‌క్కితే విశ్వక్రీడల నిర్వహణకు అహ్మ‌దాబాద్‌, ముంబైని సముచిత నగరాలుగా భావించారు. అయితే ఢిల్లీ-NCR, ఆగ్రా న‌గ‌రాలు స‌రైన ఎంపిక‌ని పలువురు విశ్లేషిస్తున్నారు. దేశానికి ఢిల్లీ టూరిస్ట్ గేట్ వేగా ఉండ‌డం, ఢిల్లీ-NCR, ఆగ్రా మ‌ధ్య క‌నెక్టివిటీ పెర‌గ‌డం, నిర్మాణాల కోసం భూమి ఉండ‌డం, తాజ్ మ‌హల్ క్రీడ‌ల ఆతిథ్యానికి థీం సెట్ చేయ‌గ‌ల‌వని చెబుతున్నారు.
News November 20, 2024
యమహా RX-100: మళ్లీ వస్తోంది!
ఓ తరం మొత్తాన్ని ఆకట్టుకున్న యమహా RX 100 మళ్లీ మార్కెట్లోకి రానుంది. వచ్చే ఏడాది ప్రథమార్ధంలో లాంచ్ కావొచ్చని అంచనా. రూ.1.40లక్షల నుంచి రూ.1.50లక్షల మధ్యలో ధర ఉండొచ్చని మార్కెట్ వర్గాలంటున్నాయి. 100 CC సింగిల్ సిలిండర్ ఇంజిన్, ఫ్యూయల్ ఇంజెక్షన్ టెక్నాలజీ, 5 స్పీడ్ గేర్ బాక్స్, 70 కి.మీ మైలేజీ దీని ప్రత్యేకతలుగా తెలుస్తోంది. డిజైన్‌ విషయంలో పాత స్టైల్‌నే అనుసరించినట్లు సమాచారం.