News November 21, 2024
‘గేమ్‌ఛేంజర్’.. దిమ్మ తిరిగి బొమ్మ కనబడింది: SJ సూర్య
‘గేమ్ ఛేంజర్’ అవుట్‌పుట్ అద్భుతంగా ఉందని నటుడు SJ సూర్య ట్విటర్లో కొనియాడారు. ‘హాయ్ ఫ్రెండ్స్. కీలక సన్నివేశాలకు సంబంధించి రామ్ చరణ్, శ్రీకాంత్‌తో డబ్బింగ్ పూర్తి చేశాను. 2 సీన్లకే 3రోజులు పట్టింది. అవుట్‌పుట్ చూస్తే దిమ్మతిరిగి బొమ్మ కనబడింది. థియేటర్లలో ఫ్యాన్స్ పిచ్చిపిచ్చిగా రెచ్చిపోతారు. ఈ అవకాశమిచ్చిన శంకర్, దిల్ రాజు, వారి బృందాలకు థాంక్స్. సంక్రాంతి మామూలుగా ఉండదు’ అని ట్వీట్ చేశారు.
Similar News
News November 22, 2024
సురేఖపై నాగార్జున దావా.. ఈనెల 28న తీర్పు
TG: మంత్రి కొండా సురేఖపై హీరో నాగార్జున దాఖలు చేసిన పరువునష్టం కేసులో ఇరుపక్షాల వాదనలు ముగిశాయి. సురేఖ దాఖలు చేసిన కౌంటర్ పిటిషన్‌పై గురువారం ప్రజాప్రతినిధుల కోర్టులో విచారణ జరిగింది. అభ్యంతరకర వ్యాఖ్యలు చేసిన మంత్రిపై కఠిన చర్యలు తీసుకోవాలని నాగార్జున తరఫు లాయర్ డిమాండ్ చేశారు. వాదనల అనంతరం తీర్పును రిజర్వ్ చేసిన జడ్జి, ఈనెల 28న తీర్పును వెల్లడించనున్నట్లు తెలిపారు.
News November 22, 2024
BGT తొలి టెస్టు: అశ్విన్, జడేజా ఆడట్లేదా?
మరికొన్ని గంటల్లో ప్రారంభం కాబోతున్న BGT తొలి టెస్టులో భారత్ బౌలింగ్ కాంబినేషన్ ఎలా ఉంటుందనేది ఆసక్తికరంగా మారింది. నలుగురు పేసర్లు, ఒక స్పిన్నర్‌తో బరిలోకి దిగే అవకాశముంది. అశ్విన్, జడేజాను కాదని సుందర్ వైపు టీమ్ మేనేజ్‌మెంట్ మొగ్గు చూపుతున్నట్లు సమాచారం. ఇటీవల NZ సిరీస్‌లో సుందర్ 2 మ్యాచుల్లో 16 వికెట్లు తీసిన సంగతి తెలిసిందే. ఇక పేసర్లుగా బుమ్రా, సిరాజ్, రాణా, నితీశ్ ఆడనున్నట్లు తెలుస్తోంది.
News November 22, 2024
వాట్సాప్‌లో కొత్త ఫీచర్
వాట్సాప్‌లో వాయిస్ మెసేజ్‌లకు ట్రాన్‌స్క్రిప్ట్‌లు (TEXT) అందుబాటులోకి తీసుకొస్తున్నట్లు ఆ సంస్థ ప్రకటించింది. తొలుత కొన్ని సెలెక్టెడ్ లాంగ్వేజ్‌లలో మాత్రమే ఇది అందుబాటులో ఉంటుందని పేర్కొంది. వాయిస్ మెసేజ్ వినలేనప్పుడు, దాని ట్రాన్‌స్క్రిప్ట్‌లు చదివి మెసేజ్‌లో ఏముందో తెలుసుకోవచ్చని వివరించింది. ఈ ట్రాన్‌స్క్రిప్ట్‌లను వాట్సాప్ లేదా ఇతరులు చదివేందుకు వీలుండదని, సెక్యూర్డ్‌గా ఉంటాయని తెలిపింది.