News November 23, 2024
56లక్షల ఫాలోవర్లున్న నటుడు.. వచ్చిన ఓట్లు 146
సోషల్ మీడియాలో లక్షల మంది ఫాలోవర్స్ ఉన్నంత మాత్రాన ఎన్నికల్లో గెలిచేస్తామనుకోవడం భ్రమేనని మరోసారి రుజువైంది. బిగ్‌బాస్ మాజీ కంటెస్టెంట్, యాక్టర్ అజాజ్ ఖాన్‌‌కు ఇన్‌స్టాలో 56లక్షల ఫాలోవర్లు ఉన్నారు. బయటా ఫ్యాన్‌బేస్ ఉంది. ఆయన మహారాష్ట్రలోని వెర్సోవాలో ఆజాద్ సమాజ్ పార్టీ తరఫున పోటీ చేశారు. 20 రౌండ్ల లెక్కింపు పూర్తయ్యేసరికి ఆయనకు కేవలం 146 ఓట్లే వచ్చాయి. విచిత్రంగా నోటాకు ఇక్కడ 874 ఓట్లు పడ్డాయి.
Similar News
News November 23, 2024
‘అమరన్’ OTT రిలీజ్ డేట్ ఫిక్స్?
శివ కార్తికేయన్, సాయిపల్లవి జంటగా నటించిన ‘అమరన్’ మూవీ ఈ నెల 29న ఓటీటీలోకి రానున్నట్లు తెలుస్తోంది. ప్రముఖ ఓటీటీ ప్లాట్‌ఫామ్ నెట్‌ఫ్లిక్స్‌లో స్ట్రీమింగ్ కానుందని సమాచారం. మేజర్ ముకుంద్ వరదరాజన్ జీవితం ఆధారంగా తెరకెక్కిన ఈ మూవీ ఇప్పటివరకు దాదాపు రూ.300 కోట్లకు పైగా కలెక్షన్స్ రాబట్టింది. రాజ్ కుమార్ పెరియస్వామి తెరకెక్కించిన ఈ మూవీకి జీవీ ప్రకాశ్ మ్యూజిక్ అందించారు.
News November 23, 2024
‘అదానీ’ వ్యవహారంపై విచారణ చేయండి: రామకృష్ణ
AP: అదానీ నుంచి రాష్ట్ర నాయకులు, అధికారులు ముడుపులు తీసుకున్నారనే ఆరోపణలపై సమగ్ర విచారణ జరిపించాలని సీపీఐ రాష్ట్ర కార్యదర్శి రామకృష్ణ డిమాండ్ చేశారు. తన ప్రమేయం లేకుండానే విద్యుత్ ఒప్పందాలను క్యాబినెట్‌లో ఆమోదించుకున్నట్లు మాజీ మంత్రి బాలినేని శ్రీనివాసరెడ్డి చెప్పారని గుర్తు చేశారు. అదానీతో చేసుకున్న విద్యుత్ ఒప్పందాలను రద్దు చేసి ప్రజలపై ఛార్జీల భారాన్ని తగ్గించాలని కోరారు.
News November 23, 2024
OFFICIAL: ఝార్ఖండ్‌ ఫైనల్ రిజల్ట్
ఎగ్జిట్ పోల్ అంచ‌నాల‌ను త‌ల‌కిందులు చేస్తూ ఝార్ఖండ్‌లో ఇండియా కూట‌మి ఘ‌న విజ‌యం సాధించింది. JMM ఆధ్వ‌ర్యంలోని కూట‌మి మ్యాజిక్ ఫిగ‌ర్ 41 అధిగ‌మించి 56 స్థానాల్లో గెలుపొందింది. జేఎంఎం 34, కాంగ్రెస్ 16, ఆర్జేడీ 4, CPI ML(L) 2 స్థానాల్లో గెలుపొందాయి. బర్హైత్ నుంచి హేమంత్ సోరెన్ 39,791 ఓట్లతో, గాందే నుంచి క‌ల్ప‌న సోరెన్ 17,142 ఓట్ల మెజారిటీతో గెలుపొందారు. BJP 20 స్థానాల్లో గెలిచి ఒక చోట లీడ్‌లో ఉంది.