News November 24, 2024
క్యాన్సర్‌పై సిద్ధూ వ్యాఖ్యలను నమ్మకండి: టాటా మెమోరియల్ హాస్పిటల్
డైట్ కంట్రోల్ వల్ల తన భార్యకు స్టేజ్-4 <<14676790>>క్యాన్సర్<<>> నయమైందన్న మాజీ క్రికెటర్ నవ్‌జ్యోత్ సింగ్ సిద్ధూ కామెంట్స్‌పై టాటా మెమోరియల్ ఆసుపత్రి స్పందించింది. ఇలాంటి నిరాధారమైన వ్యాఖ్యలు ఎవరు చేసినా నమ్మొద్దని క్యాన్సర్ పేషెంట్లకు సూచించింది. ‘పసుపు, వేపాకు తినడం వల్ల క్యాన్సర్‌ను జయించొచ్చన్నది సరికాదు. దీన్ని నమ్మి వైద్యం తీసుకోవడం మానొద్దు. ఎలాంటి సమస్య ఉన్నా వైద్యులను సంప్రదించాలి’ అని కోరింది.
Similar News
News November 24, 2024
ఎంత ఘోరం.. 5ఏళ్ల కూతురిని చంపిన తల్లి.. కారణమిదే!
ఢిల్లీలోని అశోక్‌విహార్‌లో అమానవీయ ఘటన జరిగింది. HPకి చెందిన ఓ మహిళను భర్త విడిచి పెట్టగా ఢిల్లీకి చెందిన మరో వ్యక్తితో ఇన్‌స్టాగ్రామ్‌ ద్వారా ప్రేమలో పడింది. ప్రియుడి కోసం ఢిల్లీ వెళ్లగా అసలు కథ మొదలైంది. ఆ మహిళకు అత్యాచార బాధితురాలైన కూతురు(5) ఉంది. కాగా ఆ చిన్నారితో కలిసి ఉండటం కుదరదని సదరు ప్రియుడు ఆమెను తిరస్కరించాడు. ఈక్రమంలోనే ప్రియుడి కోసం కూతుర్ని మహిళ హతమార్చింది. కేసు నమోదైంది.
News November 24, 2024
ఎమ్మెల్యేలతో శిండే అత్యవసర భేటీ
మహారాష్ట్ర ముఖ్యమంత్రి ఏక్‌నాథ్ శిండే తన పార్టీ ఎమ్మెల్యేలతో అత్యవసర భేటీ నిర్వహిస్తున్నారు. ఇవాళ సాయంత్రం 4 గంటలకు ముంబైలో జరిగే ఈ సమావేశానికి ఎమ్మెల్యేలందరూ విధిగా హాజరుకావాలని ఆయన ఆదేశించారు. కాగా మహారాష్ట్ర ఎన్నికల ఫలితాల్లో మహాయుతి కూటమి అఖండ విజయం సాధించిన సంగతి తెలిసిందే. ఫడణవీస్ ముఖ్యమంత్రి అవుతారంటూ వార్తలు వస్తున్నాయి. ఈ క్రమంలో శిండే ఈ భేటీ నిర్వహించడం సర్వత్రా ఉత్కంఠ రేపుతోంది.
News November 24, 2024
INDvsUS ఓట్ల కౌంటింగ్.. మస్క్ రియాక్షన్ ఇదే
ఓట్ల లెక్కింపు విషయంలో భారత్‌తో అమెరికాను పోలుస్తూ ఓ వ్యక్తి చేసిన ట్వీట్‌పై మస్క్ స్పందించారు. ఇండియాలో ఒకే రోజు 640 మిలియన్ల ఓట్లు లెక్కిస్తే USలోని కాలిఫోర్నియాలో మాత్రం కేవలం 15 మిలియన్ల ఓట్లను 18 రోజుల నుంచి ఇంకా లెక్కిస్తూనే ఉన్నారన్నది ఆ ట్వీట్ సారాంశం. దీనిపై ‘విషాదం’ అని ఎలాన్ మస్క్ రియాక్టయ్యారు. కాలిఫోర్నియాలో కమలా హారిస్‌ను విజేతగా ఏజెన్సీలు ప్రకటించినా అధికారిక ప్రకటన ఇంకా రాలేదు.