News November 25, 2024
నేడు ఢిల్లీకి సీఎం రేవంత్
TG: సీఎం రేవంత్ రెడ్డి నేడు ఢిల్లీకి వెళ్లనున్నారు. రాష్ట్ర ప్రభుత్వం నిర్వహించే ప్రజాపాలన విజయోత్సవాలపై ఆయన అధిష్ఠానంతో చర్చించే అవకాశమున్నట్లు తెలుస్తోంది. ఈ కార్యక్రమానికి హాజరు కావాలని పార్టీ పెద్దలను ఆహ్వానిస్తారని సమాచారం. దీంతోపాటు మంత్రివర్గ విస్తరణ, కార్పొరేషన్ పదవుల గురించి చర్చించే అవకాశం ఉందని తెలుస్తోంది.
Similar News
News November 25, 2024
గాలి నాణ్యతను బట్టి భూమి ధరను నిర్ధారించాలి: జెరోధా సీఈవో
కాలుష్యాన్ని తగ్గించాలంటే గాలి&నీటి నాణ్యతను బట్టి ఆ ప్రాంత భూమి ధరను నిర్ణయించేలా రూల్ తేవాలని జెరోధా CEO నితిన్ అభిప్రాయపడ్డారు. ‘ఇలా చేస్తే అక్కడున్న యజమానులంతా గ్రూప్‌గా మారి పర్యావరణంపై దృష్టి పెడతారు. నా అనే ఇల్లు గురించి ఆలోచిస్తేనే మన లేఅవుట్‌ పరిస్థితులు మారతాయి. AQIలో ఢిల్లీపైనే అందరూ దృష్టిసారించినా ముంబై, చెన్నై, బెంగళూరు తదితర ప్రాంతాల్లోనూ గాలి నాణ్యత పడిపోయింది’ అని ట్వీట్ చేశారు.
News November 25, 2024
నేటి నుంచి లోక్‌సభలో ఓ కొత్త సంప్రదాయం
లోక్‌సభలో ఓ కొత్త సంప్రదాయం మొదలవ్వనుంది. ఇక నుంచి సభకు హాజరయ్యే ఎంపీలు ఎలక్ట్రానిక్ ట్యాబ్‌లో డిజిటల్ పెన్‌తో అటెండెన్స్ వేయాల్సి ఉంటుంది. పార్లమెంటులో పేపర్ వాడకూడదన్న స్పీకర్ ఓం బిర్లా ఆకాంక్ష మేరకు లాబీలో 4 కౌంటర్ల వద్ద ట్యాబుల్ని ఉంచుతున్నామని LS సెక్రటేరియట్ తెలిపింది. ఫిజికల్ అటెండెన్స్ రిజిస్టర్లూ అందుబాటులో ఉంటాయని పేర్కొంది. గతంలో సభ్యులు మొబైల్ యాప్‌ ద్వారా అటెండెన్స్ వేసేవాళ్లు.
News November 25, 2024
ఇవాళ విచారణకు హాజరు కాలేను: RGV
విచారణకు ఇవాళ హాజరు కాలేనని డైరెక్టర్ RGV తన అడ్వకేట్ శ్రీనివాసరావుకు సమాచారమిచ్చారు. కారణాలను ఒంగోలు పోలీసులకు చెబుతానన్నారు. వ్యూహం సినిమా ప్రమోషన్లలో భాగంగా చంద్రబాబు, పవన్‌లపై అనుచిత పోస్టులు పెట్టారని ప్రకాశం (M) మద్దిపాడులో RGVపై కేసు నమోదైంది. విచారణకు రావాలని పోలీసులు నోటీసులివ్వగా రాలేనని వారం కిందట చెప్పిన ఆయన ఇవాళ మరోసారి డుమ్మా కొట్టారు. దీనిపై పోలీసులు ఎలా స్పందిస్తారో చూడాలి.