News November 25, 2024
సంభాల్ హింసకు BJPదే బాధ్యత: రాహుల్ గాంధీ
UP సంభాల్ హింసకు BJPదే బాధ్యతని కాంగ్రెస్ నేత రాహుల్ గాంధీ అన్నారు. అడ్మినిస్ట్రేషన్ అన్ని పక్షాల వాదనను పట్టించుకోలేదని, సరిగ్గా వ్యవహరించలేదని విమర్శించారు. హిందూ ముస్లిముల మధ్య BJP విభేదాలు సృష్టిస్తోందన్నారు. సుప్రీంకోర్టు త్వరగా జోక్యం చేసుకోవాలని కోరారు. స్థానిక కోర్టు ఆర్డర్‌తో జామా మసీదును సర్వే చేయడానికి వచ్చిన అధికారులపై ముస్లిములు రాళ్లతో దాడిచేశారు. ఈ ఘర్షణల్లో నలుగురు మరణించారు.
Similar News
News November 25, 2024
నేను రాజీనామా చేయలేదు: నానా పటోలే
మ‌హారాష్ట్ర పీసీసీ చీఫ్ బాధ్య‌త‌ల నుంచి త‌ప్పుకున్న‌ట్టు వ‌స్తున్న వార్త‌ల‌ను నానా పటోలే ఖండించారు. 2019లో 44 స్థానాల నుంచి తాజా ఫలితాల్లో కాంగ్రెస్ 16 స్థానాల‌కు ప‌త‌న‌మ‌వ్వ‌డంతో ఓట‌మికి బాధ్యత వ‌హిస్తూ ఆయ‌న రాజీనామా చేసిన‌ట్టు వార్త‌లొచ్చాయి. అయితే ఈ వార్త‌ల్లో నిజం లేద‌ని నానా పటోలే స్ప‌ష్టం చేశారు. ఎన్నిక‌ల్లో ఓడిపోయినంత మాత్రాన మ‌హా వికాస్ అఘాడీ చెక్కుచెద‌ర‌ద‌ని వ్యాఖ్యానించారు.
News November 25, 2024
మైక్ వాల్ట్జ్ వ్యాఖ్యల్ని స్వాగతించిన రష్యా!
ప్ర‌స్తుత US ప్ర‌భుత్వం రష్యా-ఉక్రెయిన్ యుద్ధాన్ని తీవ్రం చేస్తుంటే, అమెరికా అధ్య‌క్షుడిగా ఎన్నికైన ట్రంప్ స‌ర్కిల్ శాంతి ప్ర‌ణాళికపై మాట్లాడుతోందని రష్యా పేర్కొంది. US జాతీయ భద్రతా సలహాదారుగా ఎంపికైన మైక్ వాల్ట్జ్ ఇటీవల స్పందిస్తూ యుద్ధంపై ట్రంప్ ఆందోళ‌న‌గా ఉన్నార‌ని, దీనికి ముగింపు ప‌ల‌కాల‌న్నారు. రష్యా స్పందిస్తూ కొన్నిషరతులతో ఉక్రెయిన్‌తో చర్చలకు సిద్ధంగా ఉన్నామని పుతిన్ గతంలోనే చెప్పారంది.
News November 25, 2024
IPL: 18 ఏళ్ల ఆటగాడికి రూ.4.8 కోట్లు
ఐపీఎల్ వేలంలో అఫ్గాన్ యవ సంచలనం అల్లా ఘజన్‌ఫర్ భారీ ధర పలికారు. బేస్ ప్రైస్ రూ.75 లక్షలతో మొదలైన అతడిని ముంబై రూ.4.80 కోట్లు చెల్లించి సొంతం చేసుకుంది. 2006లో జన్మించిన ఘజన్ తన అద్భుతమైన బౌలింగ్‌తో IPL ఫ్రాంచైజీలను ఆకర్షించారు. ఇక వేలంలో పలువురు ఆటగాళ్లను కొనుగోలు చేయడానికి ఫ్రాంచైజీలు ఆసక్తి చూపలేదు. వారిలో కేశవ్ మహరాజ్, ఆదిల్ రషీద్, అకేల్ హొసైన్, విజయ్‌కాంత్ వైస్కాంత్ ఉన్నారు.