News November 27, 2024
RCB ఫ్యాన్స్, బెంగళూరుతో ప్రేమలో పడిపోయా: ఫాఫ్ డు ప్లెసిస్
RCBతో తన మూడేళ్ల ప్రయాణం పట్ల ఆ జట్టు మాజీ ఆటగాడు ఫాఫ్ డు ప్లెసిస్ ఇన్‌స్టాలో సంతృప్తి వ్యక్తం చేశారు. ‘ఈ జట్టుతో అద్భుతమైన ప్రయాణం ముగిసింది. RCB ఫ్యాన్స్, బెంగళూరు సిటీతో ప్రేమలో పడిపోయాను. ఈ జ్ఞాపకాలు జీవితాంతం నాతో ఉంటాయి. చిన్నస్వామి స్టేడియంలో ఆడటం నా కెరీర్లోనే అత్యంత ఉర్రూతలూగించే అనుభూతి. అందరికీ నా కృతజ్ఞతలు. ఈ ప్రయాణం నాకో గౌరవం’ అని పేర్కొన్నారు. వచ్చే ఏడాది ఫాఫ్ డీసీకి ఆడనున్నారు.
Similar News
News November 27, 2024
ఇసుక లభ్యత పెంచండి: సీఎం చంద్రబాబు
APలో ఇసుక లభ్యత, అక్రమాల నియంత్రణపై CM చంద్రబాబు కీలక ఆదేశాలు జారీ చేశారు. ఇసుక డిమాండ్ దృష్ట్యా లభ్యత పెంచాలని అధికారులకు సూచించారు. ఇసుక రీచ్‌ల్లో ఇసుక తవ్వకాలపై చర్యలు చేపట్టాలని జిల్లా స్థాయి శాండ్ కమిటీలు, అధికారులను ఆదేశించారు. వ్యక్తిగత అవసరాలకు ఇసుక తీసుకెళ్లే వారిని ఇబ్బంది పెట్టవద్దని, ధరల కట్టడికి పున:సమీక్ష చేయాలని స్పష్టం చేశారు. ఇసుక రవాణా, తవ్వకం వ్యయం తక్కువ ఉండేలా చూడాలన్నారు.
News November 27, 2024
సయ్యద్ మోదీ టోర్నీలో రెండో రౌండ్‌కు సింధు, లక్ష్య సేన్
ఢిల్లీలో జరుగుతున్న సయ్యద్ మోదీ ఇంటర్నేషనల్ సూపర్ 300 టోర్నీలో పీవీ సింధు, లక్ష్య సేన్ రెండో రౌండ్‌కు ముందంజ వేశారు. భారత షట్లర్ అన్మోల్ ఖార్బ్‌పై 21-17, 21-15 తేడాతో సింధు, మలేషియా షట్లర్ షోలెహ్ ఐదిల్‌పై 21-12, 21-12 తేడాతో లక్ష్యసేన్ గెలిచారు. రెండేళ్ల విరామం తర్వాత ఈ టోర్నీ ఆడుతున్న సింధు.. తర్వాతి రౌండ్‌లో మరో భారతీయురాలు ఇరా శర్మను ఎదుర్కోనున్నారు.
News November 27, 2024
గుకేశ్ ఖాతాలో 3వ విజయం
ప్రపంచ చెస్ ఛాంపియన్‌షిప్‌లో ఇండియన్ గ్రాండ్ మాస్టర్ గుకేశ్ 3వ రౌండ్‌లో విజయాన్ని ఖాతాలో వేసుకున్నారు. డిఫెండింగ్ ఛాంపియన్ డింగ్ లిరెన్(చైనా)ను ఓడించారు. తెల్లపావులతో ఆడిన గుకేశ్ 37 ఎత్తుల్లో గెలుపొందడం గమనార్హం. మొత్తం 14 రౌండ్లు ఉండే ఈ టోర్నీలో మొదట 7.5 పాయింట్లకు చేరుకున్నవారు విజేతవుతారు. ఈ టోర్నీ గెలిస్తే ప్రపంచ ఛాంపియన్‌షిప్ గెలిచిన అత్యంత పిన్న వయస్కుడిగా గుకేశ్(18) చరిత్ర సృష్టిస్తారు.