News November 28, 2024
దారుణం: పసికందును బాత్రూమ్‌లో ఫ్లష్ చేశారు!
పసికందును బాత్రూమ్ కమోడ్‌లో పడేసి ఫ్లష్ చేసిన అమానుష ఘటన కర్ణాటకలోని హరోహళిలో చోటుచేసుకుంది. కమోడ్‌లో నీరు నిలిచిపోవడంతో కార్మికులు శుభ్రం చేస్తుండగా బిడ్డ మృతదేహాన్ని గుర్తించారు. పసిగుడ్డుకు 2 రోజుల వయసుంటుందని ఆస్పత్రి అధికారులు తెలిపారు. పెళ్లి కాకుండానే గర్భం దాల్చిన వారెవరో ఈ ఘాతుకానికి పాల్పడి ఉండొచ్చని అంచనా వేస్తున్నారు. పోలీసులు కేసు నమోదు చేసి దర్యాప్తు చేస్తున్నారు.
Similar News
News November 29, 2024
అమిత్ షా నివాసంలో మహాయుతి నేతల భేటీ
మహారాష్ట్ర ముఖ్యమంత్రి విషయంలో ఇంకా సస్పెన్స్ కొనసాగుతోంది. తాజాగా కేంద్ర మంత్రి అమిత్ షా ఇంట్లో మహాయుతి నేతలు దేవేంద్ర ఫడణవీస్, ఏక్‌నాథ్ శిండే, అజిత్ పవార్ సమావేశమయ్యారు. ఈ భేటీకి మరో కేంద్రమంత్రి జేపీ నడ్డా హాజరయ్యారు. దాదాపు అర్ధగంటకు పైగా సమావేశం జరిగినట్లు తెలుస్తోంది. ఇవాళ సీఎం అభ్యర్థి ఎవరనే విషయమై క్లారిటీ వచ్చే అవకాశముంది.
News November 29, 2024
నవంబర్ 29: చరిత్రలో ఈ రోజు
1759: ప్రముఖ గణిత శాస్త్రవేత్త నికోలస్ బెర్నోలీ మరణం
1877: తొలిసారిగా థామస్ ఆల్వా ఎడిసన్ ఫోనోగ్రాఫ్ ప్రదర్శన
1901: ప్రముఖ చిత్రకారుడు, పద్మశ్రీ గ్రహీత శోభా సింగ్ జననం
1982: నటి రమ్య జననం
1993: పారిశ్రామికవేత్త జె.ఆర్‌.డి.టాటా మరణం(ఫొటోలో)
News November 29, 2024
RISHABH PANT: ఒకే ఒక్కడు
BCCI, IPL కాంట్రాక్టుల ద్వారా టీమ్ ఇండియా స్టార్ క్రికెటర్ రిషభ్ పంత్ ఏటా రూ.30 కోట్లు ఆర్జించబోతున్నారు. IPL ద్వారా రూ.27 కోట్లు, BCCI కాంట్రాక్టు ద్వారా రూ.3 కోట్లు సంపాదిస్తారు. వచ్చే ఏడాది A+ గ్రేడ్‌కు వెళ్తే ఇది మరింత పెరిగే ఛాన్స్ ఉంది. ఇవే కాక ప్రమోషన్లు, వ్యాపారాలతో పంత్ ఇంకాస్త ఆర్జించనున్నారు. రోహిత్ శర్మ (రూ.23.3 కోట్లు), విరాట్ కోహ్లీ(రూ.28 కోట్లు)కి కూడా ఇంత రాకపోవడం గమనార్హం.