News April 6, 2024

తొలిసారి ఓటు వేయనున్న 92 ఏళ్ల వృద్ధుడు

ఝార్ఖండ్‌లో 92 ఏళ్ల వృద్ధుడు ఎన్నికల్లో తొలిసారి ఓటు వేయనున్నారు. సాహిబ్‌గంజ్ జిల్లా ముండ్రో బ్లాకు పోలింగ్ బూతులో ఖలీల్ అన్సారీ అనే వృద్ధుడు తాను ఇప్పటివరకు ఎన్నికల్లో ఓటు వేయలేదని, తనకు ఓటు హక్కే లేదని ఎన్నికల అధికారులకు చెప్పారు. విషయం తెలుసుకున్న CEO రవికుమార్ వెంటనే అన్సారీ పేరును ఓటరు జాబితాలో చేర్చాలని జిల్లా అధికారులను ఆదేశించారు. జూన్ 1న జరగనున్న పోలింగ్‌లో ఆయన తొలిసారి ఓటు వేయనున్నారు.