News September 24, 2024
ఐఫోన్ కొని పార్టీ ఇవ్వలేదని స్నేహితుడి హత్య!
ఐఫోన్ కొన్న స్నేహితుడు పార్టీ ఇవ్వలేదని ఫ్రెండ్స్ మర్డర్ చేసిన ఘటన ఢిల్లీలో చోటుచేసుకుంది. మృతుడు సచిన్(16) ఐఫోన్ కొని స్నేహితులతో కలిసి ఇంటికి వెళ్తుండగా వారు పార్టీ అడిగారు. అందుకతడు నిరాకరించడంతో తనతో గొడవ పడ్డారు. ఈక్రమంలో సచిన్‌ను కత్తితో పొడిచి పరారయ్యారు. స్థానికులు బాలుడిని ఆస్పత్రికి తరలించేలోపే మరణించాడు. సీసీటీవీ ఫుటేజీ ఆధారంగా నిందితుల్ని గుర్తించినట్లు పోలీసులు తెలిపారు.
Similar News
News October 7, 2024
వ్యోమగాముల ఆహారంగా గ్రహశకలాలు
దీర్ఘకాల స్పేస్ మిషన్లలో వ్యోమగాముల ఆహార అవసరాలు తీర్చడానికి సైంటిస్టులు కొత్త పద్ధతిపై అధ్యయనం చేస్తున్నారు. ‘పైరోలిసిస్’ ప్రక్రియతో ప్లాస్టిక్‌ వ్యర్థాలను విచ్ఛిన్నం చేసి తినదగిన ఆహారంగా మార్చొచ్చు. ఇదే తరహాలో గ్రహశకలాల నుంచి కార్బన్‌ను సంగ్రహించి పోషకాలుగా మార్చడంపై పనిచేస్తున్నారు. భూమిపై పడిన ఉల్కలపై సూక్ష్మజీవులు వృద్ధి చెందడాన్ని ప్రస్తావిస్తున్నారు. దీనిపై మరిన్ని ప్రయోగాలు చేయాల్సి ఉంది.
News October 7, 2024
ఈ ఏడాది SBIలో 10,000 ఉద్యోగాలు
ప్రభుత్వరంగ బ్యాకింగ్ దిగ్గజం SBI ప్రస్తుత ఆర్థిక సంవత్సరంలో కొత్తగా దాదాపు 10,000 మంది ఉద్యోగులను తీసుకోనున్నట్లు ఛైర్మన్ చల్లా శ్రీనివాసులు శెట్టి తెలిపారు. ఎంట్రీ లెవెల్ నుంచి హైలెవెల్ వరకు దాదాపు 1,500 మంది టెక్నికల్ సిబ్బంది నియామకానికి ఇటీవల ఉద్యోగ ప్రకటన చేశామన్నారు. కొత్త ఉద్యోగాల్లో డేటా సైంటిస్టులు, డేటా ఆర్కిటెక్ట్స్, నెట్‌వర్క్ ఆపరేటర్స్ వంటివి ఉన్నట్లు తెలిపారు.
News October 7, 2024
యుద్ధాల్లేని భూగోళం కోసం ఏం చేయాలి!
‘విద్వేషం పాలించే దేశం ఉంటుందా, విధ్వంసం నిర్మించే స్వర్గం ఉంటుందా, ఉండుంటే అది మనిషిది అయి ఉంటుందా, అడిగావా భూగోళమా, నువ్ చూశావా ఓ కాలమా’ అన్న సిరివెన్నెల లిరిక్స్ అక్షర సత్యాలు. ఇజ్రాయెల్-హమాస్ యుద్ధానికి ఏడాది. రష్యా-ఉక్రెయిన్ వార్ రెండేళ్లు దాటేసింది. ఏవీ ఇప్పట్లో ముగిసేలా లేవు. తప్పెవరిదన్నది పక్కన పెడితే ప్రజలు పడే కష్టాలు అన్నీ ఇన్నీ కావు. యుద్ధాల్లేని భూగోళం కోసం ఏం చేయాలి? మీ కామెంట్.