News February 1, 2025
రాష్ట్ర పోలీస్ హౌసింగ్ కార్పొరేషన్ ఛైర్మన్‌గా ABV
AP: రాష్ట్ర పోలీస్ హౌసింగ్ కార్పొరేషన్ ఛైర్మన్‌గా విశ్రాంత IPS అధికారి ఏబీ వెంకటేశ్వరరావును(ABV)ను ప్రభుత్వం నియమించింది. రెండేళ్ల పాటు ఆయన ఈ పదవిలో కొనసాగుతారని ఉత్తర్వుల్లో పేర్కొంది. వైసీపీ హయాంలో ABV రెండు సార్లు సస్పెండ్ కాగా, ఆ కాలాన్ని ప్రభుత్వం ఇటీవలే క్రమబద్ధీకరించింది. సస్పెన్షన్‌కు గురికాకపోతే వచ్చే అలవెన్సులు, వేతనం చెల్లించాలని ఆదేశించిన విషయం తెలిసిందే.
Similar News
News March 7, 2025
ఒక్క సీటు కూడా తగ్గకుండా డీలిమిటేషన్: కిషన్ రెడ్డి
నియోజకవర్గాల పునర్విభజన (డీలిమిటేషన్)పై కాంగ్రెస్, BRS, DMK తప్పుడు ప్రచారం చేస్తున్నాయని కేంద్రమంత్రి కిషన్ రెడ్డి విమర్శించారు. ఒక్క సీటు కూడా తగ్గకుండా డీలిమిటేషన్ ఉంటుందని స్పష్టం చేశారు. వచ్చే పార్లమెంటు ఎన్నికల నాటికి మహిళా రిజర్వేషన్లు అమల్లోకి వస్తాయన్నారు. తెలంగాణ స్థానిక సంస్థల ఎన్నికల్లో బీజేపీ పోటీ చేస్తుందని తెలిపారు.
News March 7, 2025
ప్చ్.. భార్యా బాధిత భర్తలు బతికేదెలా!
భరించే వాడే భర్త అనే నానుడికి కాలం చెల్లింది. ఇప్పుడు భరించలేక బాధపడుతున్నాడు భర్త. బరువు మోయలేక, బంధాలు తెంచుకోలేక, బతుకునే త్యాగం చేసేస్తున్నాడు భర్త. కొన్నాళ్లుగా భార్యా బాధితుల ఆత్మహత్యలు కలవరపెడుతున్నాయి. తన బాధను పంచుకుంటే వెక్కిరించే సమాజాన్ని నమ్మలేక, అండగా నిలిచే ధైర్యం దొరక్క, న్యాయ పోరాటం చేయలేక, చట్టాలను ఎదిరించలేక, మౌనంగా రోదిస్తూ ఉరితాడును మెడకేసుకుంటున్నాడు. ఈ పరిస్థితి మారేదెలా?
News March 7, 2025
‘ది ప్యారడైజ్’ కథ ఇదేనట!
నేచురల్ స్టార్ నాని హీరోగా నటిస్తోన్న ‘ది ప్యారడైజ్’ సినిమా కథ గురించి సినీ వర్గాలు ఇంట్రెస్టింగ్ విషయాన్ని వెల్లడించాయి. ఇది 1980ల నాటి కల్పిత సికింద్రాబాద్ నేపథ్యంలో సాగే చిత్రమని తెలిపాయి. ఇందులో నాని అణగారిన గిరిజన వర్గానికి చెందిన నాయకుడిగా, వారి హక్కుల కోసం పోరాటం చేస్తారని పేర్కొన్నాయి. ఇప్పటివరకు ఇలాంటి పాత్రను నాని చేయలేదని వెల్లడించాయి. ఆటవికంగా ఉన్నా ఈ చిత్రం అద్భుతంగా ఉంటుందన్నాయి.