News July 15, 2024
విజయసాయి రెడ్డిపై ఆరోపణలు.. పూనమ్ కౌంటర్
MP విజయసాయి రెడ్డిపై వస్తోన్న ఆరోపణలపై నటి పూనమ్ కౌర్ స్పందించారు. ‘టీవీ ఛానళ్లు బ్లాక్ మెయిలింగ్ సంస్థలుగా మారాయి. గిరిజనురాలైన శాంతి అనే అధికారిని ఇబ్బంది పెట్టేందుకు కూడా ఒకటే ప్యాటర్న్ వాడారు. ప్రెగ్నెంట్ అని, డబ్బులు తీసుకుందన్నారు. నేను ఆ మహిళకు ఒక్కటే చెప్తున్నా. నువ్వు ఏడిస్తే వాళ్లు గెలిచామని అనుకుంటారు. ఒత్తిళ్లకు లొంగవద్దు. నిందితులకు శిక్ష పడాలని కోరుకుంటున్నా’ అని ట్వీట్ చేశారు.
Similar News
News October 6, 2024
నేడు ఢిల్లీకి తెలుగు రాష్ట్రాల సీఎంలు
తెలుగు రాష్ట్రాల సీఎంలు చంద్రబాబు, రేవంత్ రెడ్డి నేడు ఢిల్లీకి వెళ్లనున్నారు. తీవ్రవాద నిరోధంపై కేంద్ర హోం శాఖ నిర్వహించే సమావేశానికి వీరివురు హాజరు కానున్నారు. మరోవైపు వరద పరిహారం విషయమై సీఎం రేవంత్ కేంద్ర మంత్రులను కలిసే అవకాశముంది. ఈ పర్యటనలోనే కాంగ్రెస్ అగ్రనేతలను సీఎం కలవొచ్చని అధికార వర్గాలు వెల్లడించాయి.
News October 6, 2024
డీఎస్సీ సర్టిఫికెట్ పరిశీలన పూర్తి
TG: రాష్ట్రంలో 11,062 టీచర్ పోస్టుల భర్తీకి సర్టిఫికెట్ల పరిశీలన ప్రక్రియ నిన్నటితో ముగిసింది. ఒక్కో ఉద్యోగానికి 1:3 చొప్పున 25,924 మందిని వెరిఫికేషన్‌కు పిలవగా 24,466 మంది హాజరయ్యారు. మరోవైపు స్పెషల్ ఎడ్యుకేషన్ కోటాలో టీచర్ పోస్టులకు కొన్ని జిల్లాలో వెరిఫికేషన్ ప్రారంభం కాలేదు. కాగా డీఎస్సీ ద్వారా ఎంపికైన కొత్త టీచర్లకు ఈ నెల 9న LB స్టేడియంలో నియామక పత్రాలను సీఎం రేవంత్ అందజేయనున్నారు.
News October 6, 2024
ఐదో రోజు అట్ల బతుకమ్మ
TG: బతుకమ్మ పండగ నిర్వహించే తొమ్మిది రోజుల్లో రోజుకో విశిష్ఠత ఉంది. ఇవాళ ఐదో రోజును అట్ల బతుకమ్మగా పిలుస్తారు. నానబెట్టిన బియ్యాన్ని మర పట్టించి ఆ పిండితో అట్లు పోసి గౌరమ్మకు నైవేద్యం సమర్పిస్తారు. ఆడవాళ్లు వీటిని ఒకరికొకరు వాయినంగా ఇచ్చుకుంటారు. ఇవాళ బతుకమ్మను ఐదు వరుసల్లో వివిధ పూలతో చేస్తారు.