News June 23, 2024
మహిళా పోలీసుతో ఎఫైర్.. DSP నుంచి కానిస్టేబుల్‌గా డిమోషన్
పోలీసు శాఖలో అతను కానిస్టేబుల్ నుంచి DSP స్థాయికి ఎదిగాడు. కానీ అతని వక్రబుద్ధి ఎక్కడి నుంచి వచ్చాడో మళ్లీ అక్కడికే వెళ్లేలా చేసింది. UPకి చెందిన అధికారి కృపా శంకర్ మూడేళ్ల క్రితం ఓ మహిళా కానిస్టేబుల్‌తో అక్రమ సంబంధం పెట్టుకుని దొరికిపోయాడు. అతని భార్య ఫిర్యాదుతో దర్యాప్తు చేయగా ఇద్దరూ హోటల్‌లో పట్టుబడ్డారు. దీనిపై ఇటీవల విచారణను పూర్తి చేసిన డిపార్ట్‌మెంట్.. అతణ్ని కానిస్టేబుల్‌గా డిమోట్ చేసింది.
Similar News
News November 30, 2025
ప.గో.జిల్లాలో 55 బస్సులకు నోటీసులు
పశ్చిమ గోదావరి జిల్లావ్యాప్తంగా పాఠశాల బస్సులపై రవాణా శాఖ అధికారులు శనివారం విస్తృత తనిఖీలు చేపట్టారు. 45 బస్సులను పరిశీలించగా.. నిబంధనలు ఉల్లంఘించిన 55 బస్సులకు నోటీసులు జారీ చేయడంతో పాటు, మూడు బస్సులపై కేసులు నమోదు చేశారు. అలాగే నిబంధనలకు విరుద్ధంగా నడుపుతున్న ఒక బస్సును సీజ్ చేసినట్లు రవాణా శాఖ అధికారి కృష్ణారావు వెల్లడించారు.
News November 30, 2025
దూడకు జున్నుపాల ప్రాముఖ్యత
దూడకు జున్ను పాలను పశువు ఈనిన ఒక గంట లోపల తాగించాలి. ఈ సమయంలోనే జున్ను పాలలో రోగనిరోధక శక్తిని కలిగించే యాంటీబాడీస్‌ను దూడ వినియోగించుకోగలదు. ఆలస్యమైతే ఈ యాంటీబాడీస్‌ను జీర్ణించుకొనే శక్తి దూడకు తగ్గుతుంది. జున్ను పాలలో తేలికగా జీర్ణమయ్యే మాంసకృత్తులు, విటమిన్-A ఎక్కువగా ఉంటాయి. జున్ను పాలు బాగా తాగిన దూడలు ఆరునెలల వయసు వరకు రోగ నిరోధక శక్తిని కలిగి అతి త్వరగా పెరుగుతాయి.
News November 30, 2025
యూత్ సంకల్పమే ‘వికసిత్ భారత్’: మోదీ
డ్రోన్ పోటీలో పుణే యువత చూపిన పట్టుదల, ఇస్రో సైంటిస్టుల నిబద్ధత ఒక్కటేనని ప్రధాని మోదీ అన్నారు. యువతరం సంకల్పమే ‘వికసిత్ భారత్’ అని, టెక్నాలజీ అభివృద్ధిలో వారి కృషి కీలకమని చెప్పారు. ‘చంద్రయాన్-2 ఫలితంతో నిరాశ చెందిన శాస్త్రవేత్తలు అదే రోజు చంద్రయాన్-3 విజయగాథ రాయడం మొదలుపెట్టారు. వైఫల్యాలే విజయానికి తొలి అడుగు. పరిశోధన రంగంలో భారత్ దూసుకుపోతోంది’ అని 128వ ‘మన్ కీ బాత్’లో మోదీ పేర్కొన్నారు.