News May 18, 2024
ఇంపాక్ట్ ప్లేయర్‌పై రోహిత్ వాదనతో ఏకీభవిస్తున్నా: కోహ్లీ
ఐపీఎల్‌లో ప్రవేశపెట్టిన ఇంపాక్ట్ ప్లేయర్ రూల్‌ను వ్యతిరేకిస్తున్న వారి జాబితాలో విరాట్ కోహ్లీ కూడా చేరారు. ఓ ఇంటర్వ్యూలో మాట్లాడుతూ.. ‘ఈ విషయంలో నేను రోహిత్ శర్మతో ఏకీభవిస్తా. ఈ నిబంధన వల్ల ఆట సమతూకం దెబ్బతింటుంది. సీజన్ ముగిశాక దీనిపై బీసీసీఐ కార్యదర్శి జైషా సమీక్షిస్తారనుకుంటున్నా. కేవలం ఫోర్లు, సిక్సులు కాకుండా మ్యాచ్ ఉత్కంఠభరితంగా ఉండాలి’ అని పేర్కొన్నారు.
Similar News
News December 14, 2024
ప్రాణాలు పోస్తున్న గుండెలు ఆగిపోతున్నాయి!
వైద్యులు గుండెపోటుతో మరణిస్తున్న ఘటనలు పెరిగిపోతున్నాయి. తాజాగా ఢిల్లీలోని రామ్ మనోహర్ లోహియా హాస్పిటల్‌లోని సీనియర్ డాక్టర్ ఆదిన్ అమీన్ హార్ట్ ఎటాక్‌తో చనిపోవడం ఆందోళనకరం. ఈక్రమంలో దీనికి గల కారణాలను వైద్యులు సోషల్ మీడియాలో పంచుకుంటున్నారు. సుదీర్ఘ పని గంటలు, పనిలో తీవ్రమైన ఒత్తిడి, వైద్యుల అనారోగ్య జీవనశైలి, సరైన నిద్రలేకపోవడం, నివారణకు రెగ్యులర్ చెకప్స్ లేకపోవడం’ అని చెప్తున్నారు.
News December 14, 2024
తొక్కిసలాటలో గాయపడిన బాలుడిని పరామర్శించిన బన్నీ వాసు
TG: సంధ్య థియేటర్ వద్ద తొక్కిసలాటలో గాయపడిన బాలుడిని నిర్మాత బన్నీ వాసు పరామర్శించారు. కిమ్స్ ఆసుపత్రిలో చికిత్స పొందుతున్న బాలుడి ఆరోగ్య వివరాలు అడిగి తెలుసుకున్నారు. వైద్య ఖర్చులు తామే భరిస్తామని, బాధిత కుటుంబానికి అండగా ఉంటామని మరోసారి హామీ ఇచ్చారు. అల్లు అర్జున్‌కు బన్నీ వాసు సన్నిహితుడనేది తెలిసిందే. నిన్న ఈ ఘటనపై నమోదైన కేసులోనే ఐకాన్ స్టార్ అల్లు అర్జున్ అరెస్టై బెయిల్‌పై విడుదలయ్యారు.
News December 14, 2024
గబ్బాలో కూడా ఆస్ట్రేలియానే గెలుస్తుంది: పాంటింగ్
బ్రిస్బేన్(గబ్బా)లో భారత్, ఆస్ట్రేలియా సమ ఉజ్జీలుగా పోరాడతాయని, చివరికి విజయం మాత్రం కంగారూలనే వరిస్తుందని ఆసీస్ మాజీ కెప్టెన్ రికీ పాంటింగ్ జోస్యం చెప్పారు. ‘తొలి రెండు మ్యాచులు చూసిన తర్వాత ఈ సిరీస్‌లో ఫలితం ఎలా ఉండనుందన్నది అంచనా వేయడం చాలా కష్టంగా మారింది. భారత్ రికార్డు ఇక్కడ బాగుంది. కానీ ఆస్ట్రేలియా 40 ఏళ్లలో 2 సార్లే ఓడింది. కాబట్టి ఆసీస్‌దే తుది విజయం’ అని పేర్కొన్నారు.