News May 18, 2024
హైదరాబాద్‌లో ఎయిర్ ట్యాక్సీలు?
TG: హైదరాబాద్‌లో ప్రయాణికుల కోసం ఎయిర్ ట్యాక్సీలు నడపనున్నట్లు డ్రోన్ టెక్ స్టార్టప్ కంపెనీ డ్రోగ్రో డ్రోన్స్ కో ఫౌండర్ శ్రీధర్ దన్నపనేని తెలిపారు. ఇందుకు సంబంధించిన ఏర్పాట్లు జరుగుతున్నాయని ఆయన పేర్కొన్నారు. తొలుత ఎమర్జెన్సీ సేవలకు ఏర్పాటు చేయాలని ఆలోచిస్తున్నట్లు వెల్లడించారు. ఇప్పటికే అగ్రి డ్రోన్స్‌తో వ్యవసాయ రంగంలో సేవలు అందిస్తున్నట్లు చెప్పారు.
Similar News
News December 2, 2024
హరీశ్ రావుకు ప్రభుత్వ విప్ కౌంటర్
TG: బతుకమ్మ చీరలను కాంగ్రెస్ ఆగం చేసిందన్న <<14767666>>హరీశ్ రావు కామెంట్లపై<<>> ప్రభుత్వ విప్ శ్రీనివాస్ కౌంటర్ ఇచ్చారు. గత ప్రభుత్వం నేతన్నల జీవితాలను ఆగం చేసిందని, సూరత్ నుంచి నాసిరకం చీరలు తెప్పించారని మండిపడ్డారు. వాటిని పంటకు రక్షణకు ఉపయోగించారే తప్ప మహిళలు కట్టుకోలేకపోయారన్నారు. బీసీలకు BRS అనుకూలమా? కాదా? తేల్చి చెప్పాలని డిమాండ్ చేశారు. పార్టీ ఫిరాయింపులపై మాట్లాడే అర్హత హరీశ్ రావుకు లేదని దుయ్యబట్టారు.
News December 2, 2024
నటి ఆత్మహత్య.. మామ ఏమన్నారంటే?
సీరియల్ నటి శోభిత ఆత్మహత్యపై ఆమె మామ బుచ్చిరెడ్డి స్పందించారు. శోభితను కన్నబిడ్డలా చూసుకున్నామని, తమతో బాగా కలిసిపోయిందని చెప్పారు. తన కుమారుడు సుధీర్ రెడ్డితో అన్యోన్యంగా ఉన్నట్లు పేర్కొన్నారు. వారిద్దరి మధ్య ఎలాంటి గొడవలు లేవని, ఇలా జరగడం దురదృష్టకరమని చెప్పారు. కాగా పోస్టుమార్టం నివేదికలో ఆమె ఆత్మహత్య చేసుకున్నట్లు తేలింది. మృతదేహాన్ని కుటుంబసభ్యులకు అప్పగించగా కర్ణాటకకు తీసుకెళ్లారు.
News December 2, 2024
విండ్ ఫాల్ ట్యాక్స్ అంటే?
ప్రత్యేక పరిస్థితుల్లో అంతర్జాతీయంగా <<14769455>>ముడిచమురు<<>> ధరలు పెరిగితే ఇంధన కంపెనీలకు భారీ లాభాలు వస్తుంటాయి. ఈ క్రమంలో పెట్రోల్, డీజిల్, ATF, క్రూడ్ ఉత్పత్తులపై విధించే అత్యధిక పన్నునే ‘విండ్ ఫాల్ ట్యాక్స్’ అంటారు. 2022 జులై 1 నుంచి కేంద్ర ప్రభుత్వం దీన్ని అమలు చేస్తోంది. కొంతకాలంగా పన్ను రద్దు చేసేందుకు కసరత్తు చేస్తున్న కేంద్ర ప్రభుత్వం, అంతర్జాతీయంగా చమురు ధరలు తగ్గడంతో ఇవాళ రద్దు చేసింది.