News January 1, 2025
మద్యం ఎఫెక్ట్: హ్యాంగోవర్‌తో బాధపడుతున్నారా?
ఫుల్లుగా తాగిన కొందరు నిద్ర లేవగానే హ్యాంగోవర్‌తో బాధపడుతుంటారు. తలనొప్పి, వికారం, అజీర్తి, నీరసం, కడుపు నొప్పి దీని లక్షణాలు. అలాంటి వారు యాలకులు, శొంఠి వేసిన టీ తాగితే మైండ్ రిలాక్స్ అవుతుంది. నిమ్మరసం కలిపిన మజ్జిగ సేవిస్తే వికారం, అసిడిటీ నుంచి ఉపశమనం లభిస్తుంది. ఆయిల్‌తో హెడ్ మసాజ్ చేసుకుంటే తలనొప్పి తగ్గుతుంది. ఎక్కువగా నీళ్లు తాగి, పండ్లు తింటే ప్రయోజనం ఉంటుంది.
Similar News
News October 16, 2025
నేడు ఈశాన్య రుతుపవనాల ఆగమనం
ఇవాళ దక్షిణ భారతదేశంలోకి ఈశాన్య రుతుపవనాలు ప్రవేశించనున్నట్లు IMD పేర్కొంది. ఇదే రోజు నైరుతి రుతుపవనాలు పూర్తిగా నిష్క్రమిస్తాయని తెలిపింది. ఈ నేపథ్యంలో నేడు APలోని ప్రకాశం, నెల్లూరు, తిరుపతి జిల్లాల్లో భారీ వర్షాలు కురిసే అవకాశమున్నట్లు APSDMA పేర్కొంది. ఈ నెల 20కల్లా బంగాళాఖాతంలో అల్పపీడనం ఏర్పడే అవకాశముందని IMD అంచనా వేసింది. అది వాయుగుండం లేదా తుఫానుగా మారే ప్రమాదముందని హెచ్చరించింది.
News October 16, 2025
పెళ్లి కాకుండా దత్తత తీసుకోవచ్చా?
హిందూ దత్తత, భరణం చట్టం 1956 ప్రకారం అవివాహిత స్త్రీలు, మానసికస్థితి బావున్నవారు, మేజర్లు, పెళ్లయినా భర్త వదిలేసినవాళ్లు లేదా భర్త చనిపోయినవాళ్లు, భర్త ఏడేళ్లకు పైగా కనిపించకుండా పోయినవాళ్లు, భర్తకు మతిస్థిమితం లేదని కోర్టు ద్వారా నిరూపితమైన సందర్భాల్లో స్త్రీలు దత్తత తీసుకోవడానికి అర్హులు. సెక్షన్‌-11 ప్రకారం అబ్బాయిని దత్తత తీసుకోవాలంటే మీకు పిల్లాడికి మధ్య 21 ఏళ్లు తేడా ఉండాలి.
News October 16, 2025
ఫెడరల్ బ్యాంక్‌లో ఉద్యోగాలు
ఫెడరల్ బ్యాంక్ సేల్స్& క్లయింట్ అక్విజిషన్ ఆఫీసర్ పోస్టులకు దరఖాస్తులు కోరుతోంది. పీజీ ఉత్తీర్ణతతో పాటు పని అనుభవం గల అభ్యర్థులు ఈ నెల 27 వరకు అప్లై చేసుకోవచ్చు. అభ్యర్థుల గరిష్ఠ వయసు 27ఏళ్లలోపు ఉండాలి. రాత పరీక్ష, గ్రూప్ డిస్కషన్, పర్సనల్ ఇంటర్వ్యూ ద్వారా ఎంపిక చేస్తారు. దరఖాస్తు ఫీజు రూ.800, ST,SCలకు రూ.160. రాత పరీక్ష నవంబర్ 16న నిర్వహిస్తారు. వెబ్‌సైట్:https://www.federalbank.co.in/