News August 8, 2024
గ్రూప్-1 అభ్యర్థులకు అలర్ట్
AP: గ్రూప్-1 మెయిన్స్ రాసే అభ్యర్థులకు ఏపీపీఎస్సీ కార్యదర్శి ప్రదీప్ కుమార్ కీలక సూచన చేశారు. అభ్యర్థులు ఏ మీడియంలో పరీక్షలు రాయాలనుకుంటున్నారో, పోస్టులు, జోనల్, పరీక్షా కేంద్రాల ప్రాధాన్య వివరాలను ఈ నెల 16లోగా ఆన్లైన్లో నమోదు చేయాలని సూచించారు. కాగా 81 పోస్టుల భర్తీకి మార్చిలో ప్రిలిమ్స్ నిర్వహించిన సంగతి తెలిసిందే.
Similar News
News September 11, 2024
ఆధార్ అప్డేట్ చేసుకోండి..
ఆధార్ తీసుకుని 10ఏళ్లయిన వారు ఫ్రీగా అప్డేట్ చేసుకునేందుకు SEP14 వరకు గడువుంది. లేదంటే రూ.50 ఫీజు చెల్లించాల్సి ఉంటుంది. ఇందుకోసం ఇంటి నుంచే UIDAI పోర్టల్లో ఆధార్, OTPతో లాగిన్ కావాల్సి ఉంటుంది. అయితే ఆధార్ అప్డేట్ చేసుకోకపోయినా అది పని చేస్తుందని UIDAI తెలిపింది. పూర్తి ప్రాసెస్ కోసం ఇక్కడ <<13946053>>క్లిక్<<>> చేయండి.
News September 11, 2024
టెట్ అభ్యర్థులకు మరో అవకాశం
TG: టెట్లో మార్కులు, హాల్ టికెట్, ఇతర వివరాల సవరణకు పాఠశాల విద్యాశాఖ మరో అవకాశం ఇవ్వనుంది. డీఎస్సీ ఫైనల్ కీ విడుదలైన నేపథ్యంలో పలువురు అభ్యర్థులు టెట్ వివరాల తప్పులను సవరించాలని కోరుతున్నారు. ఇవి సవరించకుండా డీఎస్సీ జనరల్ ర్యాంక్ లిస్ట్ ఇస్తే సమస్యలొస్తాయని అధికారులు భావిస్తున్నారు. అందుకే రెండు రోజులపాటు ఎడిట్ ఆప్షన్ ఇవ్వనున్నారు. దీనిపై నేడు లేదా రేపు ప్రకటన వచ్చే అవకాశముంది.
News September 11, 2024
అప్పుడు మోడల్.. ఇప్పుడు మేడమ్
యూపీలోని పిల్కువాకు చెందిన ఆష్నా చౌదరి మోడల్గా ఎదిగి ఆ తర్వాత సివిల్ సర్వీసెస్లోకి అడుగుపెట్టారు. ఢిల్లీలో డిగ్రీ చదివే సమయంలో ఆమె కొత్త ఫ్యాషన్స్, టూర్ల గురించి సోషల్ మీడియాలో పోస్టులు పెట్టేవారు. అది చూసిన కొన్ని సంస్థలు ఆమెకు మోడలింగ్ అవకాశమిచ్చాయి. ఆ తర్వాత మోడలింగ్ను పక్కనపెట్టి 2022లో సివిల్స్ ఫలితాల్లో 116వ ర్యాంకు సాధించి ఐపీఎస్గా ఎంపికయ్యారు. ఇన్స్టాలో ఆమెకు 271K ఫాలోవర్లు ఉన్నారు.