News September 23, 2024
ALERT: భారీ వర్షం
TG: హైదరాబాద్‌లోని పలు ప్రాంతాల్లో భారీ వర్షం పడుతోంది. అటు రాష్ట్రంలో నేడు, రేపు, ఎల్లుండి భారీ వర్షాలు కురిసే అవకాశం ఉందని వాతావరణ శాఖ వెల్లడించింది. నిర్మల్, నిజామాబాద్, NLG, MHBD, సూర్యాపేట, రంగారెడ్డి, వికారాబాద్, ఉమ్మడి MBNR జిల్లాల్లో ఈ రోజు ఉరుములు, మెరుపులు, ఈదురుగాలులతో కూడిన వర్షాలు కురిసే ఛాన్స్ ఉందని ఎల్లో అలర్ట్ జారీ చేసింది. మిగతా చోట్ల తేలికపాటి నుంచి మోస్తరు వర్షాలు కురుస్తాయంది.
Similar News
News October 7, 2024
మీ భార్యను మీరే ఇందులోకి లాగారు: సిద్దరామయ్యపై HD ఫైర్
కర్ణాటక CM సిద్దరామయ్యపై JDS లీడర్, కేంద్రమంత్రి HD కుమారస్వామి ఫైరయ్యారు. ‘ఇంట్లో ఉన్న మీ భార్యను మీరే ముడా స్కామ్‌లోకి లాగారు. మీరు చేసిన తప్పులే దానికి కారణం. పైనుంచి మమ్మల్ని ఆరోపిస్తున్నారు’ అని దుయ్యబట్టారు. తన భార్య విషయంలో ప్రతిపక్షాన్ని ప్రజలు క్షమించగలరా అని సిద్దరామయ్య చేసిన ఎమోషనల్ స్పీచ్‌పై HD ఇలా స్పందించారు. రాష్ట్రంలో అభివృద్ధి పనులపైనా డిబేట్‌కి రావాలని ఆయన CMకు ఛాలెంజ్ చేశారు.
News October 7, 2024
నేడు అకౌంట్లలోకి డబ్బులు
AP: సాంకేతిక కారణాలతో వరద పరిహారం అందని బాధితులకు నేడు ప్రభుత్వం డబ్బులు చెల్లించనుంది. ఎన్టీఆర్ జిల్లాల్లో 15వేలు, అల్లూరి జిల్లాలో 4,620 మంది, ఇతర జిల్లాల్లోని పలువురు బాధితుల అకౌంట్లలో డబ్బులు జమ చేయనుంది. వీరందరికి దాదాపు రూ.18 కోట్ల లబ్ధి చేకూరనుంది. ఇప్పటికే 98 శాతం మంది బాధితులకు రూ.584 కోట్ల పరిహారం చెల్లించిన విషయం తెలిసిందే.
News October 7, 2024
ఇకపై శ్రీవారి లడ్డూలు వేగంగా పంపిణీ
AP: భక్తులకు శ్రీవారి లడ్డూలను మరింత సులభంగా, వేగంగా అందించేందుకు టీటీడీ చర్యలు చేపట్టింది. ప్రస్తుతం దర్శన టికెట్ లేని భక్తులు తమ ఆధార్ కార్డును కౌంటర్‌లో ఇస్తే అందులోని వివరాలు ఎంటర్ చేసుకుని 2 లడ్డూలు ఇస్తున్నారు. దీనివల్ల ఎక్కువ సమయం వృథా అవుతోంది. దీంతో ఆధార్‌ను క్షణాల్లో స్కాన్ చేసే అధునాతన విధానాన్ని అందుబాటులోకి తీసుకొచ్చింది.