News June 4, 2024
విజయనగరంలో కూటమి క్లీన్ స్వీప్
ఉమ్మడి విజయనగరం జిల్లాలో 2019 ఎన్నికల్లో ఒక్క సీటూ గెలవని TDP.. ఈ ఎన్నికల్లో మొత్తం 9 స్థానాల్లోనూ గెలిచి క్లీన్ స్వీప్ చేసింది. బొబ్బిలి, చీపురుపల్లి, గజపతినగరం, కురుపాం, పార్వతీపురం, సాలూరు, శృంగవరపు కోట, విజయనగరంలో TDP అభ్యర్థులు గెలుపొందగా.. నెల్లిమర్లలో జనసేన అభ్యర్థి విజయం సాధించారు. గత ఎన్నికల్లో జిల్లాలో క్లీన్ స్వీప్ చేసిన YCP ఈ ఎన్నికల్లో ఖాతా తెరవకపోవడం గమనార్హం.
Similar News
News November 29, 2025
ALERT: ఈ యాప్స్ వాడాలంటే సిమ్ ఉండాల్సిందే!
వాట్సాప్, టెలిగ్రామ్, షేర్‌చాట్, అరట్టై వంటి యాప్స్‌కు టెలికం శాఖ కీలక ఆదేశాలిచ్చింది. ఫోన్‌లో యాక్టివ్ SIM కార్డు ఉంటేనే యాప్స్ పని చేసేలా చూడాలని సూచించింది. ‘తమ సేవలు SIMతో లింక్ అయ్యేలా 90 రోజుల్లోగా చర్యలు తీసుకోవాలి. వెబ్‌లో లాగిన్ అయితే 6గంటల తర్వాత ఆటోమెటిక్‌గా లాగౌట్ అవ్వాలి. మళ్లీ లాగిన్ అయ్యేలా మార్పు చేయాలి’ అని పేర్కొంది. దీనివల్ల యాప్స్ దుర్వినియోగం తగ్గుతుందని ప్రభుత్వం చెబుతోంది.
News November 29, 2025
ప్రపంచ రికార్డు లక్ష్యంగా గ్లోబల్ సమ్మిట్‌లో డ్రోన్ షో
TG: డిసెంబర్ 8, 9న భారత్ ఫ్యూచర్ సిటీలో తెలంగాణ రైజింగ్ గ్లోబల్ సమ్మిట్‌ను ఘనంగా నిర్వహించేందుకు ప్రభుత్వం ఏర్పాట్లు చేస్తోంది. దీనిలో భాగంగా 3వేల డ్రోన్లతో షో నిర్వహించి ప్రపంచ రికార్డు నెలకొల్పేందుకు సిద్ధమవుతోంది. 2025 నూతన సంవత్సర వేడుకల్లో 2,131 డ్రోన్ల వినియోగంతో అబుదాబిలో చేసిన ప్రదర్శన గిన్నిస్ బుక్ రికార్డు సాధించింది. ఈ ఈవెంట్‌తో దీనిని బ్రేక్ చేయాలని చూస్తోంది.
News November 29, 2025
స్మృతి-పలాశ్: ఎమోజీతో క్లారిటీ ఇచ్చారా?
భారత క్రికెటర్ స్మృతి మంధాన, పలాశ్ ముచ్చల్ పెళ్లి వాయిదా పడిన విషయం తెలిసిందే. వారు వివాహాన్ని రద్దు చేసుకున్నారని ప్రచారం జరిగింది. స్మృతి ఇన్‌స్టాలో పెళ్లికి సంబంధించిన పోస్టులు కనిపించకపోవడం దీనికి బలం చేకూర్చింది. ఈ క్రమంలో స్మృతి, పలాశ్ తమ ఇన్‌స్టా బయోలో దిష్టి(Nazar) ఎమోజీ యాడ్ చేశారు. ఇద్దరూ ఒకే ఎమోజీ పెట్టడంతో వారి మధ్య గొడవలు లేవని క్లారిటీ ఇచ్చారని నెటిజన్లు కామెంట్లు చేస్తున్నారు.