News November 8, 2024
నేను అనారోగ్యంతో బాధపడుతున్నా: స్టార్ హీరో
కన్నడ స్టార్ హీరో శివరాజ్ కుమార్ అనారోగ్యంతో బాధపడుతున్నట్లు తెలిపారు. ఈ విషయాన్ని ఆయన ఓ ఇంటర్వ్యూలో వెల్లడించారు. ప్రస్తుతం ఆయన చికిత్స తీసుకుంటున్నట్లు తెలిపారు. నాలుగు సెషన్లలో ట్రీట్మెంట్ జరుగుతుందని పేర్కొన్నారు. అయితే సమస్య ఏంటనేది మాత్రం ఆయన వెల్లడించలేదు. కాగా బుచ్చిబాబు దర్శకత్వంలో తెరకెక్కే RC16లో శివ రాజ్ కుమార్ నటించనున్నారని సినీ వర్గాలు పేర్కొన్నాయి.
Similar News
News December 11, 2024
Stock Market: ఈ రోజు కూడా ఫ్లాట్‌గానే
దేశీయ స్టాక్ మార్కెట్లు బుధవారం కూడా ఫ్లాట్‌గా ముగిశాయి. సెంటిమెంట్‌ను బ‌లప‌రిచే న్యూస్ లేక‌పోవ‌డం, గ‌త సెష‌న్‌లో అమెరికా సూచీలు Dow Jones, Nasdaq, S&P500 న‌ష్ట‌పోవ‌డంతో దేశీయ సూచీలు స్త‌బ్దుగా క‌దిలాయి. Sensex 16 పాయింట్ల లాభంతో 81,526 వ‌ద్ద, Nifty 31 పాయింట్లు పెరిగి 24,641 వ‌ద్ద స్థిర‌ప‌డ్డాయి. FMCG, IT, ఆటో రంగ షేర్లు రాణించాయి. Trent, Baja Finance, Britannia టాప్ గెయినర్స్‌గా నిలిచాయి.
News December 11, 2024
2035కల్లా అంతరిక్ష కేంద్రం పూర్తి: కేంద్ర మంత్రి
సొంత అంతరిక్ష కేంద్ర నిర్మాణాన్ని 2035 కల్లా పూర్తి చేస్తామని కేంద్ర శాస్త్ర సాంకేతిక శాఖ మంత్రి జితేంద్ర సింగ్ బుధవారం తెలిపారు. 2040కల్లా భారత వ్యోమగామిని చంద్రుడిపైకి పంపుతామన్నారు. ‘మన అంతరిక్ష కేంద్రాన్ని భారతీయ అంతరిక్ష స్టేషన్‌గా పిలుస్తాం. వచ్చే ఏడాది చివరినాటికి గగన్‌యాన్‌ ద్వారా వ్యోమగామిని రోదసిలోకి పంపిస్తాం. ఇక సముద్రం అడుగున 6వేల మీటర్ల లోతున కూడా పరిశోధనలు చేస్తాం’ అని తెలిపారు.
News December 11, 2024
మన ఆటగాళ్లు వెనక్కి తగ్గాల్సిన పనే లేదు: రవిశాస్త్రి
సిరాజ్, హెడ్ మధ్య జరిగిన గొడవపై భారత మాజీ కోచ్ రవిశాస్త్రి స్పందించారు. ‘సిక్స్ కొట్టించుకున్న ఫాస్ట్ బౌలర్ వికెట్ తీశాక సిరాజ్‌లా సెలబ్రేట్ చేసుకోవడంలో తప్పేం లేదు. అవతలి వాళ్లు ఒకటి అంటే మనం రెండు అనాలి. వెనక్కి తగ్గాల్సిన పనేలేదు. భారత కోచ్‌గా ఉన్నప్పుడూ ఆటగాళ్లకు అదే చెప్పాను. పరిస్థితిని మరింత దిగజారనివ్వని పరిపక్వత హెడ్, సిరాజ్‌కు ఉంది కాబట్టి సమస్య లేదు’ అని పేర్కొన్నారు.