News June 16, 2024
ఐఏఎస్ శ్రీలక్ష్మికి మళ్లీ చేదు అనుభవం
AP: పట్టణాభివృద్ధిశాఖ స్పెషల్ సీఎస్‌గా ఉన్న శ్రీలక్ష్మికి మరోసారి చేదు అనుభవం ఎదురైంది. ఆ శాఖ మంత్రిగా నారాయణ బాధ్యతలు స్వీకరించిన సమయంలో సంతకం కోసం ఆమె ఫైల్ తీసుకురాగా ఆయన నిరాకరించారు. ఆమెను బదిలీ చేసేవరకు ఫైళ్లు మూవ్ చేయొద్దని, జీఓలపై ఆమె సంతకాలు ఉండరాదని ప్రభుత్వ పెద్దలు భావిస్తున్నట్లు తెలుస్తోంది. 2 రోజుల క్రితం శ్రీలక్ష్మి ఇచ్చిన బొకే తీసుకునేందుకు సీఎం చంద్రబాబు నిరాకరించడం తెలిసిందే.
Similar News
News November 29, 2025
రాష్ట్రంలో జోరుగా ధాన్యం కొనుగోళ్లు
తెలంగాణ వ్యాప్తంగా ధాన్యం కొనుగోళ్ల ప్రక్రియ వేగంగా సాగుతోంది. అన్ని జిల్లాల్లో వరి కోతలు ముమ్మరం సాగుతున్న తరుణంలో కొనుగోలు కేంద్రాలకు భారీగా ధాన్యం తరలివస్తోంది. రాష్ట్రంలో 8,361 ధాన్యం కేంద్రాలను ఏర్పాటు చేశారు. వీటికి ఇప్పటి వరకు 41.52 లక్షల టన్నుల ధాన్యం రాగా.. 35.96 లక్షల టన్నుల కొనుగోళ్లు జరిగాయి. ఈ ధాన్యానికి మద్దతు ధర, బోనస్ కలిపి రూ.6,688.63 కోట్లను విడుదల చేసినట్లు ప్రభుత్వం పేర్కోంది.
News November 29, 2025
నాలుగు సార్లు ఎమ్మెల్యే.. ఆ తర్వాత సర్పంచ్
TG: పంచాయతీ ఎన్నికల సందడి నెలకొన్న వేళ మాజీ ఎమ్మెల్యే ఉప్పల మల్సూర్ గురించి చర్చ జరుగుతోంది. సూర్యాపేట(D) సిరికొండకు చెందిన ఆయన ఉమ్మడి ఏపీలో నాలుగు సార్లు సూర్యాపేట MLAగా గెలిచారు. అనంతరం 1995లో తన సొంతూరులో సర్పంచ్‌గా ఏకగ్రీవంగా ఎన్నికయ్యారు. గ్రామస్థులంతా కలిసి ఒప్పించి మరీ ఆయనను సర్పంచ్‌ను చేశారు. 4 సార్లు MLAగా చేసిన తర్వాత సర్పంచ్‌గా సేవలందించిన వ్యక్తిగా మల్సూర్ చరిత్రలో నిలిచారు.
News November 29, 2025
ఈ జిల్లాలకు ఫ్లాష్ ఫ్లడ్స్ అలర్ట్
AP: శ్రీలంక తీరంలో ఏర్పడిన దిత్వా తుఫాను ఉత్తర వాయవ్య దిశగా కదులుతోంది. రేపు తెల్లవారుజామునకు తీవ్ర వాయుగుండంగా TN, పుదుచ్చేరి, ద.కోస్తా తీరాలకు చేరే అవకాశముంది. దీని ప్రభావంతో ఇవాళ మధ్యాహ్నం నుంచి కోస్తాలో తీరం వెంబడి గంటకు 50కి.మీ. వేగంతో గాలులు వీచే అవకాశముందని వాతావరణ శాఖ పేర్కొంది. రాగల 24 గంటల్లో నెల్లూరు, రాయలసీమలోని కడప, చిత్తూరు జిల్లాల్లో ఫ్లాష్ ఫ్లడ్స్ హెచ్చరికలు జారీ చేశారు.