News August 9, 2024
కుక్కల దాడిలో మరో బాలుడు మృతి
TG: ఇటీవల జవహర్‌నగర్‌లో ఓ బాలుడిని కుక్కలు పీక్కుతిన్న ఘటన మరువకముందే మరో ఘటన జరిగింది. రంగారెడ్డి జిల్లా ఇబ్రహీంపట్నం మండలం రాయపోల్ గ్రామానికి చెందిన శివ-మాధురి దంపతులకు కుమారుడు క్రియాన్ష్(4). ఆ చిన్నారి 20రోజుల క్రితం స్కూల్‌కు వెళ్లి వస్తుండగా కుక్కలు దాడి చేశాయి. దీంతో బాలుడికి తీవ్ర గాయాలయ్యాయి. తల్లిదండ్రులు ఆసుపత్రికి తరలించారు. చికిత్స పొందుతూ ఈరోజు బాలుడు మృతి చెందాడు.
Similar News
News November 29, 2025
రైతులు ధాన్యాన్ని కల్లాల్లోనే ఆరబెట్టుకోవాలి: అదనపు కలెక్టర్
రైతులు ధాన్యాన్ని రోడ్లపై కాకుండా కల్లాల్లోనే ఆరబెట్టుకోవాలని అదనపు కలెక్టర్ రెవెన్యూ కీమ్యా నాయక్ సూచించారు. ఆత్మకూరు మండలంలోని జూరాల, దేవరపల్లి గ్రామాల పరిధిలో ధాన్యం కొనుగోలు కేంద్రాలను శనివారం అదనపు కలెక్టర్ (రెవెన్యూ) ఆకస్మికంగా తనిఖీ చేశారు. అదనపు కలెక్టర్ మాట్లాడుతూ.. కొనుగోలు కేంద్రాల వద్ద రైతులు రోడ్లపై ధాన్యం నిల్వ ఉంచడం పట్ల కేంద్రం నిర్వాహకులపై తీవ్ర అసహనం వ్యక్తం చేశారు.
News November 29, 2025
ఢిల్లీ పేలుడు: ఆమె గదిలో నోట్ల కట్టలు
ఢిల్లీ పేలుడు కేసులో NIA అధికారులు ₹18 లక్షలు రికవర్ చేశారు. అల్ ఫలాహ్ యూనివర్సిటీలో నిందితురాలు <<18421175>>షాహీన్ సయీద్‌<<>>కు సంబంధించిన రూమ్ నంబర్ 22లో ఈ డబ్బును గుర్తించారు. దర్యాప్తులో భాగంగా అధికారులు షాహీన్‌ను యూనివర్సిటీకి తీసుకెళ్లారు. ఆమె క్యాబిన్, రూమ్ తనిఖీ చేశారు. ప్లాస్టిక్ బ్యాగ్‌లో చుట్టిన నగదును ఆమె గదిలో గుర్తించారు. ఇంత పెద్దమొత్తంలో డబ్బు ఎక్కడి నుంచి వచ్చిందనేది ఆరా తీస్తున్నారు.
News November 29, 2025
CRDA అధికారులకు సీఎం వార్నింగ్
AP: పనుల కోసం ప్రభుత్వ కార్యాలయానికి వెళ్లే రాజధాని రైతులను డబ్బులు అడిగితే తీవ్ర పరిణామాలుంటాయని CM చంద్రబాబు హెచ్చరించారు. CRDA అధికారులు, సిబ్బందిపై వస్తున్న ఫిర్యాదులపై విచారించి కఠిన చర్యలు తీసుకుంటామన్నారు. రైతుల సమస్యల పరిష్కారం కోసం త్రిసభ్య కమిటీ పనిచేస్తుందని తెలిపారు. TDP కేంద్ర కార్యాలయంలో మీడియాతో చిట్‌చాట్‌లో మాట్లాడుతూ గోదావరి పుష్కరాల నాటికి పోలవరం పూర్తి చేస్తామని చెప్పారు.