News August 30, 2024
భారత్లో మరోసారి కొవిడ్ విజృంభణకు ఛాన్స్: నిపుణులు
కొవిడ్ మరోసారి పంజా విసరడానికి సిద్ధంగా ఉందని అమెరికా CDC(సెంటర్స్ ఫర్ డిసీజ్ కంట్రోల్) నిపుణులు అంచనా వేశారు. ఒమిక్రాన్ రకంలోని KP వేరియంట్స్ వల్ల ఇండియాతోపాటు US, సౌత్ కొరియాలో కేసులు పెరగొచ్చని, దీనికి సిద్ధంగా ఉండాలని సూచించారు. జూన్ 24-జులై 21 మధ్య ప్రతివారం 85 దేశాల్లో సగటున 17,358 నమూనాలను పరీక్షించి ఈ వివరాలు వెల్లడించారు. ఇండియాలో కొత్తగా 908 కేసులతోపాటు 2 మరణాలు నమోదయ్యాయని తెలిపారు.
Similar News
News September 17, 2024
జానీ మాస్టర్ భార్య కూడా దాడి చేశారు: బాధితురాలు
జానీ మాస్టర్పై అత్యాచార ఆరోపణల కేసులో అతని భార్య వ్యవహారం కూడా తెరపైకి వచ్చింది. పోలీసులకు ఇచ్చిన స్టేట్మెంట్లో మాస్టర్ భార్య కూడా తనను వేధించినట్లు బాధితురాలు పేర్కొంది. అతని కోరిక తీర్చకపోతే బలవంతంగా దాడికి తెగబడేవాడని ఆమె తెలిపింది. వేధింపులు భరించలేక బయటకు వెళ్లి వేరే పని చేసుకుంటుంటే జానీ మాస్టర్, ఆయన భార్య తన ఇంటికి వచ్చి దాడి చేశారని బాధితురాలు వెల్లడించింది.
News September 17, 2024
అర్ధరాత్రయినా నిద్రపోకపోతే..
అర్ధరాత్రి వరకూ మెలకువగా ఉండటం మంచి అలవాటు కాదని యశోదా ఆస్పత్రి వైద్యుడు దిలీప్ గూడె హెచ్చరిస్తున్నారు. ‘ప్రకృతిసిద్ధంగా మన శరీరం రాత్రుళ్లు నిద్రపోయి పగలు పనిచేయాలి. ఒంట్లో సమస్యల్ని శరీరం నిద్రలోనే రిపేర్ చేసుకుంటుంది. అర్ధరాత్రి దాటినా మెలకువగా ఉంటే నాణ్యమైన నిద్ర ఉండదు. దీని వలన బాడీ అలసిపోవడమే కాక రోగ నిరోధక శక్తి తగ్గి దీర్ఘకాలికంగా పలు రోగాలు చుట్టుముట్టే ప్రమాదం ఉంది’ అని వివరించారు.
News September 17, 2024
ఆండ్రాయిడ్ డేటాని iOSలోకి ఇలా మార్చుకోండి
ముందుగా మీ ఆండ్రాయిడ్ ఫోన్లో Move to iOS యాప్ డౌన్లోడ్ చేసుకోవాలి. అలాగే మీ ఐఫోన్లో యాప్స్ అండ్ డేటాలో Move Data from Android సెలక్ట్ చేసుకోవాలి. అప్పుడు వచ్చే కోడ్ను ఆండ్రాయిడ్ ఫోన్లో ఎంటర్ చేయాలి. తద్వారా ఐఫోన్ టెంపరరీ వైఫై నెట్వర్క్ను క్రియేట్ చేస్తుంది. ఆండ్రాయిడ్ ఫోన్ నుంచి ఈ నెట్వర్క్లో జాయిన్ అవ్వాలి. అనంతరం డేటా టైప్ సెలక్ట్ చేసుకొని ఐఫోన్లోకి బదిలీ చేసుకోవచ్చు.