News February 5, 2025
H1B వీసా హోల్డర్లకు మరో షాక్ తప్పదా!

అమెరికాలో పనిచేస్తున్న విదేశీయులకు మరో షాక్ తగిలేలా ఉంది. వారి వర్క్ పర్మిట్ వీసా రెన్యూవల్ గడువును 180 నుంచి 540 రోజులకు పెంచుతూ తీసుకున్న జో బైడెన్ నిర్ణయం రద్దు చేసేలా ఇద్దరు రిపబ్లికన్ సెనేటర్లు తీర్మానం ప్రవేశపెట్టారు. దీనికి ఆమోదం లభిస్తే మళ్లీ ఆ గడువు 180 రోజులకు తగ్గుతుంది. ఫలితంగా వేలాది వలసదారులు, శరణార్థులు, గ్రీన్ కార్డు హోల్డర్లు, H1B వీసా హోల్డర్ల భాగస్వాములపై ప్రభావం పడుతుంది.
Similar News
News February 17, 2025
ఢిల్లీ సీఎం ఎంపిక నేడే?

ఢిల్లీ కొత్త సీఎం ఎవరన్న సస్పెన్స్కు నేడు తెరపడే ఛాన్స్ ఉంది. ఈరోజు రాజధానిలో జరిగే సమావేశంలో సీఎం పేరును ప్రకటించే అవకాశం ఉంది. ఆ పేరుపై హైకమాండ్ ఇప్పటికే స్పష్టతతో ఉన్నప్పటికీ బయటికి పొక్కకుండా జాగ్రత్త పడుతోంది. కేజ్రీవాల్పై విజయం సాధించిన పర్వేశ్ వర్మతో పాటు మాజీ విజేందర్ గుప్తా, సతీశ్ ఉపాధ్యాయ, ఆశిష్ సూద్, జితేంద్ర మహాజన్ పేర్లు పరిశీలనలో ఉన్నట్లు తెలుస్తోంది.
News February 17, 2025
మంత్రివర్గ విస్తరణలో ఇద్దరు ఎమ్మెల్సీలు?

TG: మంత్రివర్గ విస్తరణలో ఇద్దరు MLCలకు చోటు కల్పించాలని కాంగ్రెస్ హైకమాండ్ భావిస్తున్నట్లు సమాచారం. CM రేవంత్ తాజా ఢిల్లీ పర్యటనలో ఈ విషయంపై చర్చలు జరిపినట్లు తెలుస్తోంది. 6 మంత్రి పదవుల్లో 4 ఎమ్మెల్యేలకు, 2 ఎమ్మెల్సీలకు కేటాయించనున్నట్లు గాంధీభవన్ వర్గాలు చెబుతున్నాయి. సీఎం రేవంత్కు అత్యంత నమ్మకమైన వరంగల్ నేతకు, ముదిరాజ్ సామాజిక వర్గానికి చెందిన మరో నేతకు ఈ అవకాశం దక్కొచ్చని సమాచారం.
News February 17, 2025
వచ్చే నెల 9 నుంచి సాలకట్ల తెప్పోత్సవాలు

వచ్చే నెల 9 నుంచి 13 వరకు తిరుమలలో శ్రీవారి సాలకట్ల తెప్పోత్సవాలు జరగనున్నాయి. తొలిరోజు శ్రీసీతాలక్ష్మణ ఆంజనేయ సమేత శ్రీరామచంద్రమూర్తిగా, 2వరోజు రుక్మిణీ సమేత శ్రీకృష్ణభగవానుడిగా, 3వరోజు శ్రీదేవి, భూదేవి సమేత శ్రీమలయప్పస్వామిగా శ్రీవారు పుష్కరిణిలో విహరించనున్నారు. తెప్పోత్సవాల కారణంగా వచ్చే నెల 9, 10 తేదీల్లో సహస్రదీపాలంకరణ, 11, 12, 13వ తేదీల్లో ఆర్జిత బ్రహ్మోత్సవం సేవల్ని TTD రద్దు చేసింది.