News July 17, 2024
AP మీకు స్వాగతం పలుకుతోంది: కంపెనీలకు లోకేశ్ రిక్వెస్ట్
కర్ణాటక ప్రభుత్వ నిర్ణయంతో అక్కడి కంపెనీలను ఆకర్షించేందుకు ఏపీ ఐటీ మంత్రి లోకేశ్ సిద్ధమయ్యారు. NASSCOM చేసిన ట్వీట్‌కు స్పందిస్తూ వారిని ఏపీకి ఆహ్వానించారు. ‘వైజాగ్‌లోని మా IT, AI & డేటా సెంటర్ క్లస్టర్‌కి మీ కంపెనీలను మార్చుకునేందుకు స్వాగతిస్తున్నాం. మీకు అత్యుత్తమ సౌకర్యాలు, నిరంతర విద్యుత్, మౌలిక వసతులను ప్రభుత్వం కల్పిస్తుంది. మీకు స్వాగతం పలికేందుకు ఏపీ సిద్ధంగా ఉంది’ అని ట్వీట్ చేశారు.
Similar News
News December 11, 2024
తొలి T20లో పోరాడి ఓడిన పాకిస్థాన్
సౌతాఫ్రికా టూర్‌లో ఉన్న పాకిస్థాన్ డర్బన్‌లో జరిగిన తొలి టీ20లో ఓడింది. 184 పరుగుల లక్ష్యంతో బరిలోకి దిగిన పాక్ బ్యాటర్లు చేతులెత్తేశారు. కెప్టెన్ రిజ్వాన్ చివరి వరకు పోరాడినా(74 రన్స్) విజయం దక్కలేదు. దీంతో సౌతాఫ్రికా 11పరుగుల తేడాతో గెలిచింది. సౌతాఫ్రికా బ్యాటర్ మిల్లర్ 40 బంతుల్లో 82 రన్స్ చేశారు. 48 రన్స్ చేయడంతో పాటు 4 వికెట్లు తీసిన జార్జ్ లిండేను ప్లేయర్ ఆఫ్ ది మ్యాచ్ అవార్డ్ వరించింది.
News December 11, 2024
మూడు పూటలూ అన్నమే తింటున్నారా?
చాలామంది ఎన్ని ఆహార పదార్థాలు తిన్నా అన్నం తినకుండా ఉండలేరు. మూడు పూటలా అదే తింటారు. కానీ అన్నం ఎక్కువ మోతాదులో తీసుకుంటే షుగర్ వచ్చే ఆస్కారం ఉందని ఆరోగ్య నిపుణులు హెచ్చరిస్తున్నారు. వైట్ రైస్‌లో కార్బోహైడ్రేట్లు అధికంగా ఉండటంతో జీర్ణ సమస్యలతోపాటు ఊబకాయం బారిన పడే ఛాన్స్ ఉంది. చెడు కొలెస్ట్రాల్ స్థాయులు పెరిగి గుండె సంబంధిత వ్యాధులు వస్తాయి. అన్నానికి బదులు ఒకపూట ఇతర ఆహార పదార్థాలు తినడం బెటర్.
News December 11, 2024
ఓరియంటేషన్ సెషన్ బహిష్కరిస్తున్నాం: KTR
TG: నేటి నుంచి జరగనున్న MLAల ఓరియంటేషన్ సెషన్‌ను BRS బహిష్కరిస్తున్నట్లు ఆ పార్టీ వర్కింగ్ ప్రెసిడెంట్ KTR ప్రకటించారు. ‘శాసనసభ ప్రారంభానికి ముందే మమ్మల్ని అరెస్ట్ చేసి మా హక్కులకు భంగం కలిగేలా స్పీకర్ వ్యవహరించారు. మా పార్టీ MLAల పార్టీ ఫిరాయింపులపై నిర్ణయం తీసుకోలేదు. మాకు అవకాశం ఇవ్వకుండా స్పీకర్ ఏకపక్షంగా వ్యవహరించారు. ఆయన వ్యవహార శైలికి నిరసనగా సెషన్ బహిష్కరిస్తున్నాం’ అని KTR పేర్కొన్నారు.