News December 4, 2024
ప్రమాదం నుంచి కాపాడిన యాపిల్ వాచ్!
యాపిల్ వాచ్ సాయంతో అమెరికాలో కుల్దీప్ ధన్కర్ అనే భారత సంతతి వ్యక్తి ప్రమాదం నుంచి త్రుటిలో తప్పించుకున్నారు. హైవేపై ఆయన ప్రయాణిస్తున్న కారును మరో కారు వచ్చి ఢీకొట్టింది. ఆ ప్రమాదాన్ని గుర్తించిన ఆయన యాపిల్ వాచ్ 911కి హెల్ప్లైన్ కాల్ చేసింది. నిమిషాల వ్యవధిలో అక్కడికి వచ్చిన పోలీసులు వారికి సాయం చేసి మరో కారులో ఇంటికి పంపించారు. ఈ విషయాన్ని కుల్దీప్ నెట్టింట పోస్ట్ చేయగా వైరల్ అవుతోంది.
Similar News
News March 21, 2026
త్వరలో ప్రధాని మోదీ తెలంగాణ టూర్!
ప్రధాని మోదీ రానున్న రోజుల్లో తెలంగాణలో పర్యటించనున్నారు. బీబీనగర్ ఎయిమ్స్ ప్రారంభోత్సవం సహా మరికొన్ని అభివృద్ధి పనులకు ఆయన శ్రీకారం చుట్టనున్నట్లు తెలుస్తోంది. త్వరలో GHMC ఎలక్షన్స్ ఉన్న నేపథ్యంలో సికింద్రాబాద్ పరేడ్ గ్రౌండ్లో మోదీ బహిరంగ సభకు బీజేపీ ప్లాన్ చేస్తున్నట్లు సమాచారం. ఏప్రిల్ రెండో వారంలో ప్రధాని టూర్ ఉండనున్నట్లు తెలుస్తోంది.
News March 21, 2026
10 రోజుల్లో రూ.13,320 తగ్గిన బంగారం ధర
హైదరాబాద్ బులియన్ మార్కెట్లో బంగారం ధరలు తగ్గుతూ వస్తున్నాయి. గత 10 రోజుల్లో 24 క్యారెట్ల 10 గ్రాముల బంగారంపై రూ.13,320 తగ్గింది. అటు 22 క్యారెట్ల గోల్డ్పై రూ.12,160 తగ్గుదల నమోదైంది. ప్రస్తుతం 24 క్యారెట్ల 10 గ్రాముల బంగారం ధర రూ.1,48,900, 22 క్యారెట్ల పసిడి ధర రూ.1,36,540 పలుకుతోంది.
News March 21, 2026
మరో రెండు LPG నౌకలు వచ్చేస్తున్నాయ్!
పశ్చిమాసియా యుద్ధం కారణంగా హార్ముజ్ వద్ద నిలిచిపోయిన నౌకల్లో 2 భారత్ రానున్నాయి. LPG ఉన్న పైన్ గ్యాస్, జగ్ వసంత్ షిప్లు ప్రస్తుతం UAEలోని షార్జా వద్ద ఉన్నాయి. ఇవి భారత జెండాతో నేటి నుంచి ప్రయాణించే అవకాశం ఉంది. గతవారం రెండు LPG నౌకలను ఇరాన్ వదిలిపెట్టడంతో అవి మనదేశానికి చేరుకున్నాయి. వీటికి కూడా ఇరాన్ అడ్డుకట్ట వేయదని IND భావిస్తోంది. ఈ రెండు నౌకలు వస్తే దేశంలో గ్యాస్ కొరత కాస్త తీరనుంది.