News July 31, 2024
అమరావతి రైల్వేలైన్ భూసేకరణకు అధికారుల నియామకం
AP: అమరావతి రైల్వే లైన్ నిర్మాణంపై కేంద్ర ప్రభుత్వం కసరత్తు మొదలుపెట్టింది. ఎర్రుపాలెం-అమరావతి-నంబూరు మధ్య 56.53కి.మీ మేర నిర్మించే ఈ లైన్ భూసేకరణ కోసం అధికారులను రైల్వేశాఖ నియమించింది. గుంటూరు జిల్లా పెదకాకాని, తాడికొండ, తుళ్లూరు మండలాల్లో గుంటూరు జేసీ, NTR(D) ఇబ్రహీంపట్నంలో విజయవాడ RDO, కంచికచర్ల, వీరులపాడులో నందిగామ RDO, పల్నాడు(D) అమరావతిలో సత్తెనపల్లి RDOకు భూసేకరణ బాధ్యతలను అప్పగించింది.
Similar News
News October 14, 2024
హ్యాపీ బర్త్ డే లెజెండ్: ఢిల్లీ క్యాపిటల్స్
టీమ్ఇండియా హెడ్ కోచ్ గౌతమ్ బర్త్ డే సందర్భంగా ఢిల్లీ క్యాపిటల్స్ స్పెషల్ విషెస్ తెలిపింది. ‘తన పనిపట్ల ఎంతో కమిటెడ్‌గా ఉంటారు. పేరుకు తగ్గట్లు అంత గంభీరంగా ఉండరు. కానీ, చాలా అగ్రెసివ్, బెస్ట్ టీచర్’ అని తెలుపుతూ ఓ ఫొటోను పోస్ట్ చేసింది. పైన తెలిపిన వాటిలో పట్టు సాధించిన లెజెండ్‌కు పుట్టినరోజు శుభాకాంక్షలు’ అని ట్వీట్‌లో రాసుకొచ్చింది. గంభీర్ ఇన్నింగ్స్‌లో మీ ఫేవరెట్ ఏంటో కామెంట్ చేయండి.
News October 14, 2024
9/11 తరహా దాడులకు హమాస్ కుట్ర?
ఇజ్రాయెల్‌పై 9/11 తరహా దాడులకు హమాస్ కుట్ర పన్నినట్లు IDF తెలిపింది. ఈ కుట్రకు సంబంధించిన రికార్డులను ఖాన్ యూనిస్‌లోని హమాస్ కమాండ్ సెంటర్ నుంచి స్వాధీనం చేసుకున్నట్లు పేర్కొంది. టెల్ అవీవ్‌లోని 70 అంతస్తుల భవనం మోషే అవివ్, ఇజ్రాయెల్ టవర్లను నేలమట్టం చేసేందుకు ప్లాన్ చేసినట్లు వెల్లడించింది. ఈ రికార్డుల్లో ఇరాన్ ప్రతినిధులతో హమాస్ చీఫ్ యాహ్యా సిన్వర్ జరిపిన సంభాషణలు కూడా ఉన్నట్లు తెలిపింది.
News October 14, 2024
జోష్‌లో స్టాక్ మార్కెట్లు
వారం ప్రారంభంలో స్టాక్ మార్కెట్లు లాభాలతో మొదలయ్యాయి. సెన్సెక్స్ 319 పాయింట్లు, నిఫ్టీ 72 పాయింట్ల ప్లస్‌లో ఉన్నాయి. దీంతో సెన్సెక్స్ ప్రస్తుతం 81,666 పాయింట్ల వద్ద, నిఫ్టీ 25,037 పాయింట్ల వద్ద ట్రేడ్ అవుతున్నాయి. JSW స్టీల్, L&T, టాటా స్టీల్, HDFC, అదానీ పోర్ట్స్, రిలయన్స్, NTPC తదితర షేర్లు లాభాల్లో దూసుకెళ్తున్నాయి. యాక్సిస్ బ్యాంక్, భారతీ ఎయిర్‌టెల్, టైటాన్, నెస్లే ఇండియా షేర్లు పడిపోయాయి.