News November 21, 2024

డిసెంబర్ తొలి వారంలో అసెంబ్లీ సమావేశాలు?

TG: అసెంబ్లీ శీతాకాల సమావేశాలను డిసెంబర్ మొదటి వారంలో నిర్వహించాలని ప్రభుత్వం భావిస్తోంది. సమావేశాల్లో కీలక బిల్లులకు ఆమోదం తెలపడంతో పాటు మూసీ పునరుజ్జీవం సహా పలు అంశాలపై చర్చించే అవకాశం ఉంది. OCT చివరి వారంలోనే అసెంబ్లీ సెషన్ జరగాల్సి ఉండగా, స్పీకర్, మండలి ఛైర్మన్ విదేశీ పర్యటనకు వెళ్లడంతో వాయిదా పడింది. కాగా ప్రత్యేక ఆహ్వానితులుగా MPలనూ సభకు పిలవాలని ప్రభుత్వం యోచిస్తున్నట్లు సమాచారం.