News April 7, 2024
దారుణం.. మహిళను అర్ధనగ్నంగా ఊరేగించారు
పంజాబ్ తరన్ తారన్ జిల్లాలో అమానవీయ ఘటన జరిగింది. ఓ మహిళ(55)పై కొందరు దుండగులు దాడి చేసి, అర్ధనగ్నంగా ఊరేగించిన వీడియో వైరల్ అవుతోంది. బాధితురాలి కుమారుడు ఇటీవల ఓ మహిళతో పారిపోయి, ఆమె కుటుంబసభ్యుల ఇష్టానికి వ్యతిరేకంగా పెళ్లి చేసుకున్నాడు. దీంతో మహిళ తల్లి, సోదరులు.. ఒంటరిగా ఉన్న యువకుడి తల్లిపై దాడి చేశారు. వస్త్రాలు చింపి, గ్రామంలో అర్ధనగ్నంగా ఊరేగించారు. పోలీసులు నలుగురిని అరెస్ట్ చేశారు.
Similar News
News November 24, 2025
రేపు GHMC పాలకమండలి సమావేశం!
GHMC 12వ సాధారణ సమావేశాన్ని రేపు ప్రధాన కార్యాలయంలో నిర్వహించనుంది. ఐదేళ్ల పదవీకాలం వచ్చే ఏడాది ఫిబ్రవరితో ముగియనుంది. ప్రస్తుత పాలక మండలికి జనవరిలో చివరి సమావేశం ఉంటుందని GHMC వర్గాలు తెలిపాయి. ప్రస్తుతం 150 మంది కార్పొరేటర్లలో GHMCలో 146 మంది ఉన్నారు. BRS–40, MIM–41, INC–24, BJP–41 మంది సభ్యులు ఉన్నారు. ఇద్దరు మరణించడం, ఇద్దరు ఎమ్మెల్యేలుగా ఎన్నికవడంతో 4 స్థానాలు ఖాళీగానే ఉన్నాయి.
News November 24, 2025
ఈ డిగ్రీ ఉంటే జాబ్ గ్యారంటీ!
కంప్యూటర్ సైన్స్ డిగ్రీ హోల్డర్లకే వచ్చే ఏడాది ఎక్కువ ఉద్యోగావకాశాలు ఉన్నట్లు ఇండియా స్కిల్స్ రిపోర్టు-2026 వెల్లడించింది. వారిలో ఎంప్లాయిబిలిటీ రేటు 80%గా ఉన్నట్లు తెలిపింది. ఆ తర్వాతి స్థానాల్లో IT(78%), B.E/B.Tech(70%), MBA(72.76%), కామర్స్(62.81%), నాన్ IT సైన్స్(61%), ఆర్ట్స్(55.55%), ITI-ఒకేషనల్(45.95%), పాలిటెక్నిక్(32.92%) ఉన్నట్లు అంచనా వేసింది. డిగ్రీతోపాటు స్కిల్స్ ముఖ్యమని పేర్కొంది.
News November 24, 2025
కాపర్ టి-రకాలు
అవాంఛిత గర్భధారణను నివారించడానికి డాక్టర్లు కాపర్ టిని సూచిస్తారు. దీంట్లో రెండు రకాలున్నాయి. ఒకటి హార్మోనల్, మరొకటి నాన్ హార్మోనల్. హార్మోన్ కాపర్-టిలో లెవోనార్జెస్ట్రెల్ అనే హార్మోన్ విడుదలై శుక్రకణాలు అండం వద్దకు చేరకుండా ఆపుతుంది. నాన్ హార్మోనల్ కాపర్ టి రాగి అయాన్‌లను విడుదల చేస్తుంది. ఇవి శుక్రకణాలను, అండాలను నాశనం చేస్తాయి. వైద్యుల సలహాతో మీకు ఏది సరిపోతుందో తెలుసుకొని వాడటం మంచిది.