News March 11, 2025

YCP హయాంలో 228 ఆలయాలపై దాడులు: ఆనం

image

AP: గత ప్రభుత్వ హయాంలో రాష్ట్రవ్యాప్తంగా 228 ఆలయాలపై దాడులు జరిగాయని మంత్రి ఆనం రామనారాయణరెడ్డి తెలిపారు. కానీ వీటిపై 32 కేసులే నమోదయ్యాయని శాసనమండలిలో చెప్పారు. ‘ఆలయాలపై దాడులకు సంబంధించి విచారణకు ఆదేశించాం. వీటిపై పూర్తి నివేదిక అందించాలని అధికారులకు సూచించాం. ఆలయాలపై దాడులు జరగకుండా CC కెమెరాలు ఏర్పాటు చేశాం. వీటిని RTGSకు లింక్ చేశాం’ అని ఆయన వెల్లడించారు.

Similar News

News November 29, 2025

విష్ణుమూర్తి కూడా శాపానికి గురయ్యాడని తెలుసా?

image

చరాచర సృష్టికి అధినాయకుడైన విష్ణుమూర్తి కూడా శాపానికి గురయ్యారు. జలంధరుడు అనే రాక్షసుడికి భార్య బృంద పాతివ్రత్యం కారణంగా మరణం ఉండదు. దీంతో విష్ణుమూర్తి జలంధరుడి రూపం ధరించి, బృందా పాతివ్రత్యాన్ని భంగం చేశారు. ఫలితంగా జలంధరుడు మరణించాడు. కోపించిన బృందాదేవి విష్ణువును తన శాపంతో శిలలా మార్చేసింది. లక్ష్మీదేవి వేడుకోగా శాపాన్ని ఉపసంహరించుకుంది. ఈ వృత్తాంతం నేపాల్‌లోని ముక్తినాథ్ ధామ్‌లో జరిగింది.

News November 29, 2025

వెండే బంగారమాయేనా…

image

బంగారం కొనలేనివారు వెండితో సరిపెట్టుకునేవారు. కానీ ఇప్పుడు వెండి.. బంగారంతో పోటీపడుతోంది. కేజీ సిల్వర్ రేట్ రూ.2 లక్షల వైపు శరవేగంగా దూసుకెళ్తోంది. కేవలం 5 రోజుల్లోనే రూ.21 వేలు పెరగడం గమనార్హం. HYD బులియన్ మార్కెట్లో ఈ వారం మొదట్లో రూ.1,74,000గా ఉన్న కేజీ సిల్వర్ రేట్ ఇవాళ రూ.1,92,000కు చేరింది. రేట్ల పెరుగుదల పెట్టుబడిదారులకు ఆనందం కలిగిస్తున్నా అవసరానికి కొనాలనుకునేవారికి ఆందోళన కలిగిస్తోంది.

News November 29, 2025

‘దిత్వా’ తుఫాను.. ఈ జిల్లాల్లో భారీ వర్షాలు

image

AP: ‘దిత్వా’ తుఫాను ప్రభావంతో 3 రోజుల పాటు దక్షిణ కోస్తా, రాయలసీమలోని కొన్ని ప్రాంతాల్లో మోస్తరు నుంచి భారీ వర్షాలు కురిసే అవకాశం ఉందని వాతావరణశాఖ పేర్కొంది. నేడు CTR, TPT, ప్రకాశం, NLR, కడప, అన్నమయ్య జిల్లాల్లో మోస్తరు నుంచి భారీ వర్షాలు కురిసే అవకాశం ఉంది. ఆదివారం నెల్లూరు, CTR, TPT, అన్నమయ్య జిల్లాల్లో భారీ వర్షాలు కురుస్తాయని, ఫ్లాష్ ఫ్లడ్స్ ముప్పు ఉందని వాతావరణశాఖ రెడ్ అలర్ట్ జారీ చేసింది.