India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 19, 2024
IPL: పొరుగింటి పుల్లకూర రుచి!
పంజాబ్ జట్టును చూస్తే పొరుగింటి పుల్లకూర రుచి సామెత గుర్తొస్తుందంటున్నారు క్రీడాభిమానులు. ఇంగ్లండ్ ప్లేయర్లు బెయిర్‌స్టో, కరన్, లివింగ్‌స్టోన్ కోసం ఆ టీమ్ రూ.36.75 కోట్లు ఖర్చు చేసింది. కానీ వారి నుంచి 333 రన్స్ మాత్రమే వచ్చాయి. కేవలం రూ.40 లక్షలు పెట్టి కొన్న దేశీయ బ్యాటర్లు శశాంక్, అశుతోష్ 343 రన్స్ చేశారు. విదేశీయులపై రూ.కోట్లు వెదజల్లే బదులు ఇలాంటి ఆణిముత్యాలను గుర్తించాలంటున్నారు నెటిజన్లు.
News April 19, 2024
సీరియల్ నటి దివ్యాంకకు యాక్సిడెంట్
పాపులర్ టీవీ సీరియల్ నటి దివ్యాంకా త్రిపాఠీ రోడ్డు ప్రమాదానికి గురయ్యారు. ప్రమాదంలో ఆమె చేతి ఎముకలు విరిగాయి. ముంబైలోని కోకిలాబెన్ ఆసుపత్రిలో ప్రస్తుతం చికిత్స పొందుతున్నారు. ఈ విషయాన్ని ఆమె భర్త వివేక్ సోషల్ మీడియాలో వెల్లడించారు. ‘దివ్యాంకకు రెండు ఎముకలు విరిగాయి. వెంటనే ఆపరేషన్ చేయాలని వైద్యులు సూచించారు’ అని తెలిపారు. దివ్యాంక త్వరగా కోలుకోవాలంటూ సెలబ్రిటీలు పోస్టులు పెడుతున్నారు.
News April 19, 2024
చంద్రబాబుకు ఉరే సరి: విజయసాయిరెడ్డి
AP: టీడీపీ అధినేత చంద్రబాబుకు ఉరే సరైన శిక్ష అని నెల్లూరు YCP ఎంపీ అభ్యర్థి విజయసాయిరెడ్డి అన్నారు. ‘ఈ భూమి మీద నివసించడానికి బాబు అనర్హుడు. ఆయన ఎన్నో హత్యలకు కారణమయ్యారు. స్వార్థపూరిత రాజకీయాలతో భ్రష్టు పట్టిపోయారు. ఆయన మానవత్వం, విలువలు లేని వ్యక్తి. సీఎం జగన్ అంటే బాబుకు కక్ష. తనను గద్దె దించినందుకు ఆయనపై పగబట్టారు. జగన్‌ను చంపాలని ఇప్పటికే రెండు సార్లు దాడులు చేయించారు’ అని ఆయన ఆరోపించారు.
News April 19, 2024
పిల్లల్లో ఫ్యాటీ లివర్ వ్యాధికి కారణాలివే!
పిల్లల్లో ఫ్యాటీ లివర్ వ్యాధి కేసులు పెరుగుతున్నాయని డాక్టర్లు తెలిపారు. ఇవాళ వరల్డ్ లివర్ డే సందర్భంగా ఇందుకు గల కారణాలను వెల్లడించారు. చాక్లెట్లు, క్యాండీలు లాంటి చక్కెర పదార్థాలు, జంక్ ఫుడ్స్ తినడం వల్ల కాలేయంలో కొవ్వు పెరుగుతుందని చెబుతున్నారు. ఫోన్స్ చూస్తూ ఎక్కువసేపు కదలకుండా ఉండటం ఊబకాయానికి దారితీస్తుందని పేర్కొంటున్నారు. పిల్లలకు ఆరోగ్యకరమైన ఆహారాన్ని అందించాలని సూచిస్తున్నారు.
News April 19, 2024
‘మ్యాడ్’కు సీక్వెల్‌గా ‘మ్యాడ్ స్క్వేర్’.. షూటింగ్ ప్రారంభం
గత ఏడాది విడుదలై సూపర్ హిట్‌గా నిలిచిన ‘మ్యాడ్’ సినిమాకు సీక్వెల్ రాబోతోంది. దీనికి ‘మ్యాడ్ స్క్వేర్’ అనే టైటిల్‌ను ఖరారు చేశారు. ఈ మూవీ షూటింగ్ ఉగాది రోజున లాంఛనంగా ప్రారంభం కాగా ఇవాళ అధికారికంగా ప్రకటించారు. ఇందులో నార్నె నితిన్, సంగీత్ శోభన్, రామ్ నితిన్ ప్రధాన పాత్రల్లో నటిస్తుండగా, కళ్యాణ్ శంకర్ దర్శకత్వం వహిస్తున్నారు. సితార ఎంటర్టైన్‌మెంట్స్ సంస్థ నిర్మిస్తోంది.
News April 19, 2024
హార్దిక్‌పై నెటిజన్ విమర్శ.. షేర్ చేసిన నబీ!
ముంబై ఇండియన్స్ ఆటగాడు నబీ నిన్నటి మ్యాచ్‌లో బౌలింగ్ చేయలేదు. దీనిపై అతడి అభిమాని ఒకరు ఆవేదన వ్యక్తం చేశారు. ‘ముంబై ఇండియన్స్! మీ కెప్టెన్ తీసుకునే కొన్ని నిర్ణయాలు చాలా వింతగా, ఇతరులను ఆశ్చర్యపరిచేలా ఉన్నాయి. నబీ ఈరోజు బౌలింగ్ చేయలేదు. తను గేమ్ ఛేంజర్. కీలక సమయంలో రెండు క్యాచ్‌లు, ఓ రనౌట్ చేశారు’ అని పోస్ట్ పెట్టారు. దాన్ని నబీ తన ఇన్‌స్టా స్టోరీగా షేర్ చేయడం చర్చనీయాంశంగా మారింది.
News April 19, 2024
100 రోజుల్లో రుణ మాఫీ చేస్తామనలేదు: భట్టి
TG: మేడిగడ్డకు రూ.కోట్ల ప్రజాధనం వెచ్చించారని, అది కూలిపోతే వాస్తవాలు ప్రజలకు తెలియకూడదా? అని డిప్యూటీ సీఎం భట్టి విక్రమార్క ప్రశ్నించారు. రుణమాఫీపై స్పందిస్తూ.. ‘మేం 100 రోజుల్లోనే అమలు చేస్తామని చెప్పలేదు. కానీ రుణ మాఫీకి కట్టుబడి ఉన్నాం’ అని తెలిపారు. కరెంటు కోతలపై సోషల్ మీడియాలో తప్పుడు ప్రచారం చేస్తున్నారని మండిపడ్డారు. పరిశ్రమలకు నాణ్యమైన కరెంటు ఇస్తున్నామని చెప్పారు.
News April 19, 2024
మహేశ్ బాబు కొత్త లుక్
‘SSMB29’ సినిమా ప్రీ ప్రొడక్షన్ పనుల్లో బిజీబిజీగా ఉన్న మహేశ్ బాబు, రాజమౌళి దుబాయ్ నుంచి హైదరాబాద్ చేరుకున్నారు. ఈ నేపథ్యంలో సూపర్ స్టార్ కొత్త లుక్ నెట్టింట వైరల్ అవుతోంది. లాంగ్ హెయిర్‌తో టోపీ, కళ్లద్దాలు ధరించి ఉన్న మహేశ్ బాబును చూసి ఫ్యాన్స్ ఫుల్ ఖుషీ అవుతున్నారు. ‘సినిమా సిట్టింగ్స్ పూర్తయినట్లున్నాయి. ఇక షూటింగ్ మొదలవ్వడమే తరువాయి’ అంటూ కామెంట్స్ చేస్తున్నారు.
News April 19, 2024
కడియం.. నీ అంతు చూస్తా: రాజయ్య
TG: స్టేషన్‌ ఘన్‌పూర్ ఎమ్మెల్యే కడియం శ్రీహరికి బీఆర్ఎస్ నేత తాటికొండ రాజయ్య తాజాగా సవాలు విసిరారు. ‘కడియం.. నాకు నమ్మక ద్రోహం చేసిన నీ అంతు చూస్తా. నిన్ను భూస్థాపితం చేయడమే నా లక్ష్యం. రాజీనామా చేసి రా. ఇద్దరం పోటీ చేసి తేల్చుకుందాం. సీఎం రేవంత్ అభయ హస్తం అంటుంటారు కానీ కడియం లాంటి భస్మాసురుడు ఆయన పక్కన చేరారు. కడియం శ్రీహరి ఓ దళిత ద్రోహి, ఖల్‌నాయక్’ అని తీవ్ర పదజాలంతో విరుచుకుపడ్డారు.
News April 19, 2024
ప్రచారం చేయకుండా కేసులు పెడుతున్నారు: సునీత
AP: వైఎస్ వివేకా హత్య కేసుపై వ్యాఖ్యలు చేయొద్దని కడప జిల్లా కోర్టు ఇచ్చిన తీర్పుపై హైకోర్టుకు వెళ్తామని వైఎస్ సునీత తెలిపారు. న్యాయం కోసం ప్రజాతీర్పు కోరుతుంటే వైసీపీ అడ్డుపడుతోందని మండిపడ్డారు. ‘పులివెందులలో నేను ప్రచారం చేయకుండా కేసులు పెడుతున్నారు. మీ వద్దకు రాలేకపోతే మన్నించండి. షర్మిలను కడప ఎంపీగా గెలిపించాల్సిన బాధ్యత ప్రజలదే’ అని పేర్కొన్నారు.
Featured News
Sorry, no posts matched your criteria.