India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 13, 2024
ఈ సీజన్‌లో స్ట్రగ్లింగ్ స్టార్స్ వీరే?
ఈ IPL సీజన్‌లో ఐదుగురు దారుణ ప్రదర్శన కనబరుస్తున్నారు. రాజస్థాన్ బ్యాటర్ దేవదత్ పడిక్కల్ 5 మ్యాచ్‌లు ఆడి 25 రన్స్ చేసి స్ట్రగుల్ అవుతున్నారు. పంజాబ్ ఓపెనర్ జానీ బెయిర్ స్టో 5 మ్యాచ్‌ల్లో 81 పరుగులే చేశారు. ఆర్సీబీ ఆల్‌రౌండర్లు గ్లెన్ మ్యాక్స్‌వెల్ 6 మ్యాచ్‌ల్లో 32, కామెరూన్ గ్రీన్ 5 మ్యాచ్‌ల్లో 68 పరుగులే చేసి సతమతమవుతున్నారు. మరోవైపు ఢిల్లీ బౌలర్ నోకియా 4 మ్యాచ్‌లు ఆడి ఏకంగా 215 రన్స్ ఇచ్చారు.
News April 13, 2024
ఇంటర్ విద్యార్థులు రాజేశ్‌లా ఉండాలి: నిఖిల్
APలో నిన్న విడుదలైన ఇంటర్ ఫలితాల్లో ఫెయిలయ్యామని కొందరు విద్యార్థులు ఆత్మహత్యలు చేసుకున్నారు. ఈనేపథ్యంలోనే నటుడు నిఖిల్ సిద్ధార్థ్ స్పందించారు. జీవితంలో సక్సెస్ కావాలంటే పరీక్షలే మార్గం కాదన్నారు. హ్యాపీ డేస్ సినిమాలో రాజేశ్ ఒక్క ఇంగ్లిష్ పద్యంతో సాఫ్ట్‌వేర్ జాబ్ సాధించడాన్ని ఉదహరించారు. విద్యార్థులు అలా ఉండాలని నిఖిల్ ట్వీట్ చేశారు. ఆ సినిమాలో రాజేశ్ పాత్రలో నిఖిల్ నటించి మెప్పించారు.
News April 13, 2024
సీఎం రేవంత్‌కు BJP ఎమ్మెల్యే సవాల్
TG: సీఎం రేవంత్‌రెడ్డికి బీజేపీ ఎమ్మెల్యే మహేశ్వర్‌రెడ్డి సవాల్ విసిరారు. తెలంగాణలో ఈ లోక్‌సభ ఎన్నికల్లో కాంగ్రెస్‌కు 14 సీట్లు తెప్పిస్తే తాను రాజకీయాల నుంచి తప్పుకుంటానని అన్నారు. ఒకవేళ 14 ఎంపీ సీట్లు రాకపోతే సీఎం సీటు వదులుకుంటారా అని ప్రశ్నించారు. ఈ ఎన్నికల్లో బీజేపీ 10 ఎంపీ సీట్లు గెలుస్తుందని ధీమా వ్యక్తం చేశారు. భూకబ్జాలు, సెటిల్‌మెంట్ల కోసమే రేవంత్ CM అయ్యారని మహేశ్వర్‌రెడ్డి ఆరోపించారు.
News April 13, 2024
బ్రేకప్ తర్వాత పిచ్చెక్కింది: విద్యాబాలన్
తొలిసారి బ్రేకప్ చెప్పిన తర్వాత తనకు పిచ్చెక్కినట్లు అయిందని హీరోయిన్ విద్యాబాలన్ తెలిపారు. ‘కాలేజీ రోజుల్లో ఓ అబ్బాయిని ప్రేమించా. కానీ అతడు పోకిరి అని కొద్దిరోజులకే తెలిసింది. ఇలాంటి వాడినా నేను ప్రేమించింది అనుకున్నా. ఆ తర్వాత బ్రేకప్ చెప్పుకున్నాం. అనంతరం కొందరిని ప్రేమించినా.. ఎవరితోనూ డీప్‌గా వెళ్లలేదు. కానీ డీప్‌గా ప్రేమించిన సిద్ధార్థనే పెళ్లి చేసుకున్నా’ అని ఆమె చెప్పారు.
News April 13, 2024
తెలంగాణ ఇంటర్ ఫలితాలు ఎప్పుడంటే?
TG: రాష్ట్రంలో ఇంటర్ ఫలితాలు ఈనెల 20 తర్వాత విడుదల కానున్నట్లు సమాచారం. ఇప్పటికే జవాబు పత్రాల మూల్యాంకనం పూర్తయింది. ప్రస్తుతం నమోదైన మార్కుల పరిశీలన జరుగుతోంది. ఈ ప్రక్రియ పూర్తవగానే ఫలితాలను వెల్లడించాలని ప్రభుత్వం భావిస్తోంది. ఫస్టియర్, సెకండియర్ ఫలితాలను ఒకేసారి విడుదల చేసే అవకాశముంది.
News April 13, 2024
దొంగలు పోయి గజదొంగలు వచ్చారు: కిషన్ రెడ్డి
TG: కాంగ్రెస్ ప్రభుత్వంపై బీజేపీ రాష్ట్ర చీఫ్ కిషన్ రెడ్డి తీవ్ర విమర్శలు చేశారు. రాష్ట్రంలో దొంగలు పోయి గజ దొంగలు వచ్చారన్నారు. సికింద్రాబాద్‌లో ఎన్నికల ప్రచారంలో ఆయన మాట్లాడారు. రాష్ట్రం నుంచి రూ.వేల కోట్లు ఢిల్లీకి తరలిస్తున్నారని ఆరోపించారు. తెలంగాణలో ఇచ్చిన గ్యారంటీలను పూర్తి చేయని రేవంత్ ఇప్పుడు ఓట్లు ఎలా అడుగుతారని ప్రశ్నించారు. మరోవైపు మోదీని మూడోసారి ప్రధానిని చేయాలని ప్రజలను కోరారు.
News April 13, 2024
వచ్చే సీజన్‌లో CSK కెప్టెన్‌గా రోహిత్: వాన్
వచ్చే ఐపీఎల్ సీజన్‌లో రోహిత్ శర్మ చెన్నై సూపర్ కింగ్స్‌కు ప్రాతినిధ్యం వహించవచ్చని ఇంగ్లండ్ మాజీ ఆటగాడు మైకేల్ వాన్ అభిప్రాయపడ్డారు. ఈ ఒక్క ఏడాదే రుతురాజ్ కెప్టెన్‌గా ఉంటారని.. వచ్చే ఏడాది రోహిత్ ఆ స్థానాన్ని భర్తీ చేస్తారని అనుకుంటున్నానని చెప్పారు. సీఎస్కేకు కాకుండా రోహిత్ హైదరాబాద్‌కు ఆడినా బాగుంటుందన్నారు. కాగా వచ్చే సీజన్‌లో రోహిత్ ముంబైని వీడనున్నట్లు సమాచారం.
News April 13, 2024
26 ఏళ్లకే ఇండిపెండెంట్ MLAగా గెలిచాడు
రాజస్థాన్‌కు చెందిన రవీంద్ర సింగ్ భాటీ 26 ఏళ్లకే MLAగా గెలిచారు. షియో సెగ్మెంట్ నుంచి బలమైన BJP, కాంగ్రెస్ అభ్యర్థులను ఎదుర్కొని 4 వేల ఓట్ల తేడాతో నెగ్గారు. ప్రస్తుతం బార్మర్ పార్లమెంట్ నియోజకవర్గం నుంచి స్వతంత్ర MP అభ్యర్థిగా బరిలోకి దిగుతున్నారు. తాను చదివిన వర్సిటీలో కూడా ఆయన స్వతంత్రంగా పోటీచేసి విద్యార్థి సంఘం అధ్యక్షుడిగా ఎన్నికయ్యారు. రవీంద్ర తన పదునైన ప్రసంగాలతో ప్రజాదరణ పొందుతున్నారు.
News April 13, 2024
ఎన్నికల్లో డబ్బిస్తే తీసుకోండి.. కానీ: జగన్
AP: నారా లోకేశ్ మాదిరి మంగళగిరి వైసీపీ అభ్యర్థి లావణ్య వద్ద డబ్బులు లేవని సీఎం జగన్ తెలిపారు. మంగళగిరిలో చేనేతలతో ముఖాముఖిలో ‘లోకేశ్ ఓటుకు రూ.6వేలు పంచుతాడు. డబ్బిస్తే తీసుకోండి.. వద్దనొద్దు. కానీ జూన్, జులైలో అమ్మఒడి, చేయూత, నేతన్న నేస్తం ఎవరు ఇస్తారో వారికే ఆలోచించి ఓటు వేయండి. ఎవరు ఉంటే మన పిల్లలకు నాణ్యమైన విద్య, ఉచితంగా వైద్యం అందుతుందో వారికే ఓటు వేయండి’ అని జగన్ కోరారు.
News April 13, 2024
పంత్‌కు జరిమానా విధించాల్సిందే: మాజీ ప్లేయర్
DC కెప్టెన్ రిషభ్ పంత్‌పై మాజీ క్రికెటర్ గిల్‌క్రిస్ట్ అసహనం వ్యక్తం చేశారు. లక్నోతో మ్యాచులో అంపైర్లతో వాగ్వాదానికి దిగడం సరైంది కాదన్నారు. ఇషాంత్ బౌలింగ్‌లో బంతిని ఫీల్డ్ అంపైర్ వైడ్‌గా ప్రకటించడంతో పంత్ రివ్యూ కోరినట్లుగా సైగలు చేశారు. రివ్యూలో వైడ్ అని తేలగా.. తాను సమీక్ష కోరలేదని పంత్ వాదించారు. దీనిపై 4 నిమిషాల చర్చ అవసరం లేదని, ఇలాంటి ప్లేయర్లకు జరిమానా విధించాలని గిల్‌క్రిస్ట్ అన్నారు.
Featured News
Sorry, no posts matched your criteria.