India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 3, 2024
‘ఫ్యామిలీ స్టార్’ భారీ రన్ టైమ్
విజయ్ దేవరకొండ హీరోగా తెరకెక్కుతున్న ‘ఫ్యామిలీ స్టార్’ మూవీ సెన్సార్ కంప్లీట్ చేసుకుంది. ఈ చిత్రానికి U/A సర్టిఫికెట్ లభించింది. ఈ సినిమా 163 నిమిషాల భారీ రన్ టైమ్ కలిగి ఉంది. పరశురామ్ పెట్ల రూపొందించిన ఈ మూవీలో మృణాల్ ఠాకూర్ హీరోయిన్‌గా నటిస్తున్నారు. గోపీ సుందర్ మ్యూజిక్ అందిస్తున్నారు. దిల్ రాజు నిర్మిస్తున్న ఈ మూవీ ఈ నెల 5న ప్రేక్షకుల ముందుకు రానుంది.
News April 3, 2024
ఫోన్ ట్యాపింగ్ కేసు.. రాధాకిషన్‌కు 7 రోజుల కస్టడీ
TG: ఫోన్ ట్యాపింగ్ కేసులో టాస్క్‌ఫోర్స్ మాజీ ఓఎస్డీ రాధాకిషన్‌ను నాంపల్లి కోర్టు ఏడు రోజుల పాటు పోలీసు కస్టడీకి అనుమతించింది. ప్రస్తుతం చంచల్‌గూడ జైలులో ఉన్న అతడిని దర్యాప్తు బృందం రేపు ఉదయం కస్టడీలోకి తీసుకోనుంది. ఉస్మానియా ఆసుపత్రిలో వైద్య పరీక్షల అనంతరం బంజారాహిల్స్ పీఎస్‌లో అతడిని విచారించనుంది.
News April 3, 2024
కేజ్రీవాల్ పిటిషన్.. తీర్పు రిజర్వ్
లిక్కర్ స్కాం కేసులో ఢిల్లీ సీఎం కేజ్రీవాల్ వేసిన పిటిషన్‌పై తీర్పును హైకోర్టు రిజర్వ్ చేసింది. తన అరెస్ట్, రిమాండ్‌ను సవాల్ చేస్తూ కేజ్రీవాల్ హైకోర్టును ఆశ్రయించారు. ఎన్నికల నేపథ్యంలో కావాలనే తనను అరెస్ట్ చేశారని ఆయన ఆరోపించారు. సీఎం, ఈడీ తరఫున ఉదయం నుంచి సుదీర్ఘ వాదనలు విన్న న్యాయస్థానం తీర్పును రిజర్వ్ చేసింది.
News April 3, 2024
పాన్ ఇండియా మూవీకి డైలాగ్ రైటర్‌గా త్రివిక్రమ్?
రణ్‌బీర్ కపూర్, సాయి పల్లవి, యశ్ ప్రధాన పాత్రల్లో ‘రామాయణ్’ మూవీ తెరకెక్కనున్నట్లు బాలీవుడ్ వర్గాల్లో చర్చ నడుస్తున్న సంగతి తెలిసిందే. ఈ నేపథ్యంలో మరో ప్రచారం జరుగుతోంది. ఈ సినిమా తెలుగు వెర్షన్‌కు మాటల మాంత్రికుడు త్రివిక్రమ్ డైలాగ్ రైటర్‌గా పనిచేస్తారని సమాచారం. ఇంకా పట్టాలెక్కని ఈ సినిమాపై అధికారిక ప్రకటన రావాల్సి ఉంది.
News April 3, 2024
రూ.50కోట్ల విలువైన గోల్డెన్ టాయిలెట్ చోరీ!
చోరీకి వస్తువు ఏదైతే ఏంటి, బంగారంతో చేసింది అయితే చాలు అనుకున్నాడో దొంగ. ఏకంగా రూ.50కోట్ల విలువైన గోల్డెన్ టాయిలెట్ దొంగిలించాడు. ఇంగ్లండ్‌లోని బ్లెన్‌హైమ్ ప్యాలెస్‌కు చెందిన ఈ 18 క్యారెట్ల గోల్డ్ కమోడ్‌ను 2019లో ఆర్ట్ ఎగ్జిబిషన్‌‌లో ప్రదర్శనకు ఉంచగా జేమ్స్ షీన్ చోరీ చేశాడు. తాజాగా అతను దోషిగా తేలాడు. కాగా రూ.4.19కోట్ల విలువైన వస్తువుల చోరీ కేసులో జేమ్స్ 17ఏళ్ల జైలు శిక్ష అనుభవిస్తున్నాడు.
News April 3, 2024
ఎన్నికల సిత్రాలు: ‘టీ’ తయారు చేసిన సీఎం
ఎన్నికల ప్రచారంలో వింతలూ విశేషాలకు లోటుండదు. ప్రచారంలో ఒక్కొక్కరిది ఒక్కో స్టైల్. ఓటర్లను ఆకర్షించేందుకు రకరకాల ప్రయత్నాలు చేస్తుంటారు. తాజాగా సీఎం మమతా బెనర్జీ వినూత్న ప్రచారం చేశారు. పశ్చిమబెంగాల్‌లోని జల్‌పైగురిలో ప్రచారం నిర్వహించిన ఆమె స్థానిక టీ స్టాల్‌లో టీ తయారు చేశారు. అనంతరం స్థానికులకు సర్వ్ చేశారు. నిన్న గిరిజన ప్రాంతాల్లో పర్యటించిన ఆమె వారితో కలిసి డాన్స్ చేసిన విషయం తెలిసిందే.
News April 3, 2024
చివరి సినిమాకు విజయ్‌కి భారీ రెమ్యునరేషన్?
తమిళ స్టార్ హీరో దళపతి విజయ్‌కి ఉన్న క్రేజ్ గురించి కొత్తగా చెప్పనక్కర్లేదు. ప్రస్తుతం విజయ్ ‘గ్రేటెస్ట్ ఆఫ్ ఆల్ టైమ్’ సినిమాతో బిజీగా ఉన్నారు. ఆయన రాజకీయ ప్రవేశం చేయడంతో అభిమానుల కోసం తన చివరి సినిమాను హెచ్. వినోద్‌తో చేయనున్నారు. అయితే, ఈ సినిమాకి విజయ్ రికార్డు స్థాయిలో రూ.250 కోట్ల రెమ్యునరేషన్ తీసుకోనున్నట్లు వార్తలొస్తున్నాయి. ‘ది గోట్’ కోసం కూడా ఆయన రూ.200 కోట్లు తీసుకుంటున్నారట.
News April 3, 2024
ఆరోగ్యం కుదుటపడ్డాక వారాహి సభలో పాల్గొంటా: పవన్
AP: తాను అస్వస్థతకు గురయ్యాయని జనసేన అధినేత పవన్ కళ్యాణ్ ట్వీట్ చేశారు. ‘అస్వస్థతకు లోనవడం మూలంగా తెనాలిలో నిర్వహించవలసిన వారాహి యాత్ర, సభను వాయిదా వేసుకోవాల్సి వచ్చింది. ఆరోగ్యం కుదుటపడిన తరువాత తెనాలి విచ్చేసి వారాహి సభలో పాల్గొంటాను’ అని పేర్కొన్నారు.
News April 3, 2024
విశ్వక్ సేన్ ‘గామి’ OTT రిలీజ్ డేట్ ఫిక్స్
‘మాస్ కా దాస్’ విశ్వక్ సేన్ నటించిన అడ్వెంచర్ సినిమా ‘గామి’ OTT రిలీజ్ డేట్ ఫిక్సైంది. ఈ నెల 12న ప్రముఖ ఓటీటీ ప్లాట్‌ఫామ్ జీ 5లో ఈ సినిమా స్ట్రీమింగ్ కానుంది. తెలుగుతోపాటు తమిళం, కన్నడ భాషల్లో కూడా ప్రసారం కానుంది. కాగా గత నెల 8న థియేటర్లలో విడుదలైన ఈ సినిమా మంచి వసూళ్లను రాబట్టింది. కాగిత విద్యాధర్ డైరెక్ట్ చేసిన ఈ మూవీలో అభినయ, సమద్ తదితరులు నటించారు.
News April 3, 2024
ముకేశ్ అంబానీనే మళ్లీ టాప్!
రిలయన్స్ ఇండస్ట్రీస్ ఛైర్మన్ ముకేశ్ అంబానీ తన ఆధిపత్యాన్ని కొనసాగిస్తున్నారు. ఫోర్బ్స్ జాబితాలో మరోసారి రిచెస్ట్ ఏషియన్‌గా నిలిచారు. ఆయన సంపద $83 బిలియన్ల నుంచి $116 బిలియన్లకు పెరిగింది. $100 బిలియన్ల సంపద కలిగిన ఏకైక ఆసియా దేశస్థుడిగా ఆయన నిలిచారు. భారతీయ బిలియనీర్లలో ఆయన తర్వాత స్థానంలో గౌతమ్ అదానీ ($84 బిలియన్లు) ఉన్నారు. మరోవైపు గత ఏడాది 169గా ఉన్న భారతీయ బిలియనీర్ల సంఖ్య 200కు చేరింది.
Featured News
Sorry, no posts matched your criteria.