India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 24, 2024
ఈ టాబ్లెట్ ఎక్కువగా వాడితే.. మరణమే!
మూర్ఛ, నరాల నొప్పి, ఆందోళన వంటి సమస్యలకు ప్రిగాబలిన్ టాబ్లెట్ వాడుతుంటారు. అయితే మోతాదుకు మించి వాడితే ప్రాణాలు కోల్పోయే ప్రమాదం ఉందట. ప్రపంచంలోని అనేక దేశాల్లో ఈమధ్య ప్రిగాబలిన్ అతిగా వాడి చాలామంది ప్రాణాలు కోల్పోయారని ఇంగ్లండ్ వైద్యులు చెబుతున్నారు. దీన్ని తీసుకునేవారు ఆల్కహాల్ మానేయాలని డాక్టర్లు సూచిస్తున్నారు. మోతాదులో తీసుకుంటే ఏ సమస్య ఉండదని అంటున్నారు.
News March 24, 2024
ఆ విషయంలో గర్వపడతా: జ్యోతిక
తన భర్త సూర్య చేసే సినిమాల్లో ఏ ఒక్క మహిళ పాత్రా కించపరిచేలా ఉండదని జ్యోతిక అన్నారు. అందుకు తాను గర్వపడతానని చెప్పుకొచ్చారు. కథ డిమాండ్ చేస్తే తన పాత్ర కన్నా లేడీ రోల్ నిడివి ఎక్కువున్నా ఆయన పట్టించుకోరని, అందుకు ‘జై భీమ్’ ఉదాహరణ అని జ్యోతిక చెప్పారు. తన సినిమాల్లో మహిళా పాత్రలకు ప్రాధాన్యం ఉండేలా సూర్య కథలు ఎంచుకుంటారని అన్నారు. సూర్య ‘షైతాన్’ ప్రమోషన్స్‌లో భాగంగా ఆమె ఓ ఇంటర్వ్యూలో పాల్గొన్నారు.
News March 24, 2024
లక్నోపై రాజస్థాన్ గెలుపు
IPL2024లో రాజస్థాన్ రాయల్స్ బోణీ కొట్టింది. జైపూర్‌ వేదికగా జరిగిన మ్యాచ్‌లో లక్నో సూపర్ జెయింట్స్‌ను ఓడించింది. టాస్ గెలిచి ఫస్ట్ బ్యాటింగ్ చేసిన రాజస్థాన్ 20ఓవర్లలో 193 రన్స్ చేసింది. ఛేదనలో లక్నో 173/6కే పరిమితమైంది. రాజస్థాన్ కెప్టెన్ శాంసన్(82*) కెప్టెన్ ఇన్నింగ్స్ ఆడి విజయంలో కీలకపాత్ర పోషించారు.
News March 24, 2024
హోలీ రోజు ఈ వస్తువులను దానం చేయకండి!
ఏటా ఫాల్గుణ మాసం చివరి పౌర్ణమి రోజున హోలీ జరుపుకుంటారు. ఈ ఏడాది హోలీ పండుగ ఈ నెల 25న రాగా ఆ రోజున కొన్ని వస్తువులు దానం చేయరాదని చెబుతున్నారు. డబ్బు, పాలు, పెరుగు, పంచదార, ఆవాల నూనె, తెల్లటి వస్తువులు, పెళ్లైన స్త్రీలు పసుపు, కుంకుమ, బొట్టు, గాజులు, మేకప్ కిట్, స్టీల్ పాత్రలు వంటివి దానం చేయకూడదట. దానం చేస్తే కష్టాలు, నష్టాలను కొని తెచ్చుకున్నట్లే అవుతుందని వాస్తు శాస్త్ర నిపుణులు చెబుతున్నారు.
News March 24, 2024
తేలు, గుర్రం.. అని పిలుచుకుంటారు!
ఉత్తర్ ప్రదేశ్‌లోని బాఘ్‌పట్‌ గ్రామంలో పేర్లన్నీ వింతగా ఉంటాయి. ఆ ఊరిలో అడుగుపెట్టగానే బిచ్చూ(తేలు), చిడియా(పిట్ట), గప్పడ్(కబుర్లు చెప్పేవాడు), ఘోడా(గుర్రం) అనే పేర్లు వినిపిస్తుంటాయి. వందల ఏళ్ల చరిత్ర ఉన్న ఆ ఊరిలో అప్పట్లో ప్రజల రూపం, క్యారెక్టర్, చేసే పనిని బట్టి వారికి పేర్లు పెట్టేవారు. తరాలు మారే కొద్దీ అవి ఇంటి పేర్లుగా మారిపోయాయి. ఇప్పటికీ అవే పేర్లతో ప్రజలు ఒకరినొకరు పిలుస్తూ ఉన్నారు.
News March 24, 2024
అసదుద్దీన్ వాడే కారుపై రూ.10,485 చలాన్లు
హైదరాబాద్ ఎంపీ అసదుద్దీన్ వినియోగిస్తున్న కారుపై భారీగా పెండింగ్ చలాన్లు ఉన్నాయి. ఆయన వాడుతున్న TS11EV9922 డిఫెండర్ వాహనంపై 2021 నుంచి ఇప్పటివరకు రూ.10,485 చలాన్లు పడ్డాయి. అప్పటినుంచి ట్రాఫిక్ పోలీసులు రెండుసార్లు పెండింగ్ చలాన్లపై భారీ డిస్కౌంట్ అవకాశం కల్పించినా ఇవి చెల్లించలేదు. ఇందులో చాలా చలాన్లు ORRపై ఓవర్ స్పీడుతో వెళ్లడంతోనే పడ్డట్లు సమాచారం.
News March 24, 2024
11 పరుగులకే 3 వికెట్లు.. లక్నో ‘సెల్ఫ్ సెటైర్’
రాజస్థాన్‌తో జరుగుతున్న మ్యాచులో ఆరంభంలోనే లక్నోకు షాక్ తగిలింది. ఆ జట్టు 3.1 ఓవర్లలోనే 11 పరుగులకు 3 వికెట్లు కోల్పోయింది. డికాక్(4), పడిక్కల్(0), బదోని(1) వెనువెంటనే ఔటయ్యారు. దీంతో తమ జట్టు పరిస్థితి అర్థమయ్యేలా ‘HOW TO NOT CRY’ అనే బుక్‌ను చదువుతున్న ఫొటోను LSG షేర్ చేసింది. దీంతో ‘సెల్ఫ్ సెటైర్’ బాగుందని నెటిజన్లు కామెంట్లు చేస్తున్నారు.
News March 24, 2024
త్రిప్తితో డేటింగ్ చేయాలనుంది: నటుడు
యానిమల్ సినిమాలో నటించిన త్రిప్తి దిమ్రీ గ్లామర్‌కు యూత్ ఫిదా అయింది. ఆ ఒక్క సినిమాతో ఆమె నేషనల్ క్రష్‌గా మారిపోయారు. కాగా ఇదే సినిమాలో హీరో రణ్‌బీర్ కపూర్‌కి బావగా నటించిన సిద్ధాంత్ కర్నిక్ కూడా త్రిప్తిపై మనసు పారేసుకున్నట్లున్నారు. ఆమెతో డేటింగ్ చేయాలని ఉందని ఓ ఇంటర్వ్యూలో వెల్లడించారు. రీల్ లైఫ్ నుంచి నిజ జీవితాన్ని వేరుగా చూడాల్సిన అవసరముందని పేర్కొన్నారు.
News March 24, 2024
పాలు చెడిపోయాయి.. రూ.77 వేలు ఉఫ్
కర్ణాటకలోని బెంగళూరుకు చెందిన ఓ మహిళ ఆన్‌లైన్ గ్రాసరీ యాప్ నుంచి పాలు ఆర్డర్ చేసింది. అయితే పాలు చెడిపోవడంతో రిటర్న్ చేద్దామని ప్రయత్నించిన ఆమెకు షాక్ తగిలింది. ఇంటర్నెట్‌లో కనిపించిన కస్టమర్ కేర్ నంబరుకు కాల్ చేసింది. ఓ వ్యక్తి కస్టమర్ కేర్ ప్రతినిధిగా మాట్లాడి డబ్బులు రిఫండ్ చేస్తామని నమ్మించాడు. ఆమె బ్యాంకు ఖాతా వివరాలు రాబట్టి రూ.77వేలు దోచేశాడు. దీంతో ఆమె సైబర్ పోలీసుల్ని ఆశ్రయించింది.
News March 24, 2024
భారత ప్లేయర్లకు పురస్కారాలు
టీమ్ ఇండియా మహిళా క్రికెటర్లు శ్రేయాంకా పాటిల్, షఫాలీ వర్మ ఎన్డీటీవీ ‘ఇండియన్ ఆఫ్ ది ఇయర్’ అవార్డు గెలుచుకున్నారు. తాజాగా జరిగిన కార్యక్రమంలో ఈ పురస్కారాలు సొంతం చేసుకున్నారు. తనకు క్రికెట్‌లో స్టార్ ప్లేయర్ కోహ్లీ స్ఫూర్తి అని శ్రేయాంక తెలిపారు. గత సీజన్‌లో విరాట్ ఇచ్చిన ధైర్యం అందరిలో స్ఫూర్తి నింపిందన్నారు. మరోవైపు 12th ఫెయిల్ ఫేమ్ విక్రాంత్ మాస్సే ‘యాక్టర్ ఆఫ్ ది ఇయర్’ అవార్డును అందుకున్నారు.
Featured News
Sorry, no posts matched your criteria.