India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 18, 2024
ముంబైని వెనక్కి నెట్టి రెండో స్థానంలోకి RCB
ఇన్‌స్టాగ్రామ్‌లో అత్యధిక ఫాలోవర్లు కలిగిన IPL రెండో ఫ్రాంచైజీగా రాయల్ ఛాలెంజర్స్ బెంగళూరు నిలిచింది. నిన్న WPL-2024 ట్రోఫీని RCB ఉమెన్స్ జట్టు గెలవడంతో ఫాలోవర్ల సంఖ్య పెరిగింది. దీంతో రెండో స్థానంలో ఉన్న ముంబై ఇండియన్స్‌ను అధిగమించింది. ప్రస్తుతం RCBకి 12.7M, MIకి 12.6M ఫాలోవర్లున్నారు. ప్రథమ స్థానంలో CSK జట్టు (14.1M) ఉంది. రోహిత్‌ను కెప్టెన్సీ నుంచి తప్పించడంతో చాలా మంది MIని అన్‌ఫాలో చేశారు.
News March 18, 2024
హీరోయిన్‌కు యాక్సిడెంట్.. ఐసీయూలో చికిత్స
మలయాళ హీరోయిన్ అరుంధతి నాయర్ రోడ్డు ప్రమాదంలో తీవ్రంగా గాయపడ్డారు. స్కూటీపై వెళ్తుండగా కారు ఢీకొట్టినట్లు సమాచారం. ప్రస్తుతం ఆమె తిరువనంతపురంలోని ఆస్పత్రిలో ICUలో చికిత్స పొందుతున్నారు. ఆమెకు ఆర్థిక సాయం అందించేందుకు ముందుకు రావాలని మరో నటి గోపికా అనిల్ సోషల్ మీడియాలో పోస్టు చేశారు. ‘పొంగి ఎజు మనోహర’ చిత్రంతో హీరోయిన్‌గా ఇండస్ట్రీలో అడుగుపెట్టిన అరుంధతి.. 7 సినిమాలు, 2 వెబ్‌సిరీస్‌లలో నటించారు.
News March 18, 2024
వైసీపీ మేనిఫెస్టో ప్రకటన వాయిదా!
AP: ఈనెల 20న జరగాల్సిన వైసీపీ మేనిఫెస్టో ప్రకటన కార్యక్రమం వాయిదా పడినట్లు తెలుస్తోంది. ‘జగన్ చెప్పాడంటే.. చేస్తాడంతే అనే నమ్మకం’ పేరుతో మేనిఫెస్టోను సిద్ధం చేస్తున్నట్లు సమాచారం. రైతులు, కార్మికులు, వృద్ధులు, మహిళలు, యువత, విద్యార్థుల సంక్షేమానికి పెద్దపీట వేసే అవకాశముందని పార్టీ వర్గాలు చెబుతున్నాయి.
News March 18, 2024
బీజేపీకి అధికారమిస్తే తెలంగాణను మరింత అభివృద్ధి చేస్తాం: మోదీ
BJPకి అధికారమిస్తే తెలంగాణ రాష్ట్రాన్ని మరింతగా అభివృద్ధి చేస్తామని PM మోదీ అన్నారు. ‘రైతుల కోసం పసుపు బోర్డు తీసుకొచ్చాం. పంట ధరను క్వింటాల్‌కు ₹6వేల నుంచి ₹30వేలకు పెంచాం. ఇక్కడి ప్రభుత్వాలు షుగర్ ఫ్యాక్టరీని తెరిపించలేకపోయాయి. మేము ₹6,400కోట్లతో రామగుండం ఎరువుల ఫ్యాక్టరీని పునరుద్ధరించాం. కేంద్రంలో మళ్లీ అధికారంలోకి రాగానే తెలంగాణ ప్రగతిపై దృష్టి సారిస్తాం’ అని తెలిపారు.
News March 18, 2024
నావల్నీని విడిచిపెట్టాలనుకున్నాం: పుతిన్
రష్యా ప్రతిపక్ష నేత అలెక్సీ నావల్నీ జైల్లో కన్నుమూయడం పట్ల ఆ దేశాధ్యక్షుడు వ్లాదిమిర్ పుతిన్ స్పందించారు. తాము నావల్నీని విడిచిపెట్టాలనుకున్నామని తెలిపారు. ‘ఆయన మృతి బాధాకరం. నిజానికి ఆయన్ను విడిచిపెట్టాలనుకున్నాం. విదేశీ జైళ్లలోని రష్యన్లతో ఖైదీల మార్పిడి పద్ధతిలో నావల్నీని పంపించాలనేది మా ప్రణాళిక. తిరిగి రష్యా రావొద్దనే షరతు విధించాలనుకున్నాం. కానీ ఇంతలోనే ఇలా జరిగిపోయింది’ అని వివరించారు.
News March 18, 2024
టీడీపీకి బిగ్ షాక్?
AP: విశాఖ జిల్లాలో టీడీపీకి భారీ షాక్ తగిలే అవకాశం కనిపిస్తోంది. పెందుర్తి టికెట్ ఆశించి భంగపడ్డ సీనియర్ నేత బండారు సత్యనారాయణ వైసీపీతో టచ్‌లోకి వెళ్లినట్లు సమాచారం. జనసేనకు సీట్లు కేటాయించిన ఎలమంచిలి, పెందుర్తి, అనకాపల్లి, విశాఖ సౌత్‌లోని TDP అసంతృప్తులను ఆయన చేరదీస్తున్నారట. వారందరితో కలిసి వైసీపీలో చేరే అవకాశం ఉంది. అటు బండారుకు అనకాపల్లి ఎంపీ టికెట్ ఇచ్చే యోచనలో వైసీపీ ఉన్నట్లు తెలుస్తోంది.
News March 18, 2024
అమ్మ దగ్గర వాపోయి ఆయన పార్టీ వీడారు: రాహుల్ గాంధీ
ముంబైలో భారత్ జోడో న్యాయ్ యాత్ర ముగింపు సందర్భంగా కాంగ్రెస్ నేత రాహుల్ గాంధీ సంచలన వ్యాఖ్యలు చేశారు. సెంట్రల్ ఏజెన్సీల ఒత్తిడికి తట్టుకోలేకే ఓ సీనియర్ నేత కాంగ్రెస్‌ను వీడారన్నారు. ‘సోనియా జీ.. నాకు వీళ్లతో పోరాడే శక్తి లేదు. జైలుకు వెళ్లాలని లేదు అంటూ ఓ సీనియర్ నేత అమ్మ దగ్గర వాపోయారు’ అని రాహుల్ తెలిపారు. ఇటీవల BJPలో చేరిన అశోక్ చవాన్‌ను ఉద్దేశించి రాహుల్ ఈ వ్యాఖ్యలు చేసినట్లు తెలుస్తోంది.
News March 18, 2024
కాంగ్రెస్, బీఆర్ఎస్ కుమ్మక్కయ్యాయి: PM మోదీ
కాళేశ్వరం విషయంలో కాంగ్రెస్, BRS కుమ్మక్కయ్యాయని PM మోదీ అన్నారు. ‘BRS ప్రజలను దోచుకుంది. లిక్కర్ స్కామ్‌లోనూ కమీషన్లు తీసుకుంది. ఆ పార్టీ చేసిన అవినీతిపై కాంగ్రెస్ దర్యాప్తు చేయడం లేదు. దేశాన్ని దోచుకునేందుకే కుటుంబ పార్టీలు రాజకీయాలు చేస్తున్నాయి. తెలంగాణను కాంగ్రెస్ ATMగా మార్చుకుంది. రాష్ట్ర ప్రజల డబ్బు ఇప్పుడు ఢిల్లీ చేరుతోంది. తెలంగాణను దోచుకున్న వారిలో ఎవరినీ వదిలిపెట్టం’ అని పేర్కొన్నారు.
News March 18, 2024
రేవంత్.. తమ ఎమ్మెల్యేలు వెళ్లిపోకుండా చూసుకోవాలి: లక్ష్మణ్
TG: దేశంలో ఎక్కడా లేని కాంగ్రెస్ ప్రభుత్వం తెలంగాణకు అవసరమా అని బీజేపీ నేత కె.లక్ష్మణ్ అన్నారు. ‘పార్లమెంట్ ఎన్నికల తర్వాత రాష్ట్రంలో డబుల్ ఇంజిన్ ప్రభుత్వానికి మార్గం సుగమం అవుతుంది. కాంగ్రెస్ ప్రభుత్వాన్ని మేం పడగొట్టం. ప్రభుత్వం పడిపోతే నిలబెట్టలేం. గేట్లు తెరిచానని రేవంత్ అంటున్నారు. ఆయన కాంగ్రెస్ పార్టీ ఎమ్మెల్యేలు వెళ్లిపోకుండా చూసుకోవాలి’ అని జగిత్యాల సభలో వ్యాఖ్యానించారు.
News March 18, 2024
గిల్‌కు మేం అండగా ఉంటాం: గ్యారీ కిర్‌స్టెన్
హార్దిక్ పాండ్య ముంబైకు వెళ్లిపోవడంతో గుజరాత్ టైటాన్స్ కెప్టెన్సీ శుభ్‌మన్ గిల్ చేతికి వచ్చింది. అయితే, ఐపీఎల్ స్థాయిలో కెప్టెన్సీని యువ ఆటగాడైన గిల్ ఎలా నెట్టుకొస్తారన్న అనుమానాలను జీటీ కోచ్ గ్యారీ కిర్‌స్టెన్ తోసిపుచ్చారు. ‘నాయకత్వ బాధ్యతల్ని గిల్ సమర్థంగా నిర్వహిస్తారన్న నమ్మకం మాకుంది. అవసరమైన సాయాన్ని అందించి అండగా నిలుస్తాం. సవాళ్లను ఎదుర్కొని నిలబడగలిగే సత్తా తనకు ఉంది’ అని పేర్కొన్నారు.
Featured News
Sorry, no posts matched your criteria.